ဒီနေ့တော့ ထမင်းစားလို့ မြိန်စေမဲ့ ကြက်သားအစား ငါးကိုအစားထိုးပြီး ကြော်ထားတဲ့ ငါးသီးစုံ ချိုချဉ်ကြော်နည်းလေးကို ကြော်နည်းလေးကို မျှဝေပေးလိုက်ပါတယ်။
ပါဝင်ပစ္စည်းများ
- ဘာဆာငါး - 150 g
- ကြက်သွန်နီ - အနေတော် တစ်ဥ
- ကြက်သွန်ဖြူ - အမွှာကြီးကြီး သုံးမွှာ
- ပန်းဂေါ်ဖီ - ဆယ်ခက်
- ခရမ်းချဉ်သီး - ခပ်ကြီးကြီး တစ်လုံး
- မုံလာဥနီ - အနေတော် တစ်ဥ
- ပဲသီး - သုံးတောင့်
- တရုတ်နံနံ - နှစ်ပင်
- ဆား - လက်ဖက်ရည်ဇွန်း တစ်ဝက်သာသာ
- သကြား - ထမင်းစားဇွန်း တစ်ဇွန်း
- တန်ပူရာမှုန့် - ထမင်းစားဇွန်း တစ်ဇွန်း
- ချယ်ရီ ခရမ်းချဉ်သီး - ငါးလုံး
- ခရမ်းချဉ်သီးဆော့ - ထမင်းစားဇွန်း နှစ်ဇွန်း
- ဆီ - ထမင်းစားဇွန်း သုံးဇွန်း (ချိုချဉ်ကြော်ရန် )
- ဆီ - ထမင်းပေါင်းအိုး ဆန်ချင်ဗူး နှစ်ဗူးခွဲ ( ငါးကြော်ရန် )
ငါးအရသာနယ်ရန်
- ငါးကိုရဆေးပြီး ရေခြောက်အောင်လုပ်ကာ ခပ်ပါးပါး လှီးထားပါ
- ဇလုံတစ်လုံးထဲမှာ ငါးကို တန်ပူရာမှုန့် ထမင်းစားဇွန်း တစ်ဇွန်း ရေအနည်းငယ်နှင့် ခပ်ပြစ်ပြစ်ဖျော်ပြီး နယ်ထားပါ
- ဒယ်အိုးထဲမှာ ဆီထည့်ပြီး အပူပေးပါ
- ဆီပူလာတာနဲ့ ငါးကို ဇွန်းနှင့်ခပ်ပြီး တစ်တုံးခြင်း အိုးဆန့်သလောက် ထည့်ကြော်ပေးပါ
- ငါးကြော်လေးများ ရွှေဝါရောင် သန်းလာလျှင် ဆယ်ပြီးဆီစစ်ပေးပါ
ပြင်ဆင်ပုံ
- ကြက်သွန်နီကို အခွံခွာပြီး ရေဆေးကာ အတုံးလေးများရအောင် လှီးထားပါ
- ကြက်သွန်ဖြူကို အခွံခွာပြီး ရေဆေးကာ ဓါးပြားရိုက်ထားပါ
- ပန်းဂေါ်ဖီကို ရေဆေးကာ အနေတော် လှီးထားပါ
- ခရမ်းချဉ်သီးကို ရေဆေးပြီး လေးစိတ်စိတ်ထားပါ
- မုံလာဥနီကို အခွံခွာပြီး ရေဆေးကာ အရှည်လိုက် လှီးထားပါ
- ပဲသီးကို ရေဆေးပြီး အနေတော် လှီးထားပါ
- တရုတ်နံနံကို ရေဆေးပြီး တစ်လက်မစီလောက် လှီးထားပါ
- လိုအပ်သော အသီးအရွက်များ အသားများကို အဆင်သင့်ဖြစ်အောင် ပြင်ထားပေးပါ
- ဒယ်အိုးထဲမှာ ဆီထည့်ပြီး အ့ပူပေးပါ
- ဆီပူလာတာနဲ့ ကြက်သွန်ဖြူနှင့် ကြက်သွန်နီတို့ကို မိနစ်ဝက်လောက်ကြော်ပေးပါ
- မိနစ်ဝက်ပြည့်တာနဲ့ ပန်းဂေါ်ဖီ မုံလာဥနီ နှင့်ပဲသီးတို့ကို ထည့်ပြီး တစ်မိနစ်လောက် ကြော်ပေးပါ
- တစ်မိနစ်လောက် ကြော်ပြီးတာနဲ့ ကြော်ထားသောငါး ဆား သကြား ခရမ်းချဉ်သီးဆော့တို့ထည့်ပြီး ကြော်ပေးပါ
- ကြော်ချိန် တစ်မိနစ်လောက် ရပြီဆိုတာနဲ့ခရမ်းချဉ်သီးနှင့် တရုတ်နံနံတို့ ထည့်မွှေပေးပြီး ချိုချိုချဉ်ချဉ် အစိမ်းကြော်လေးကို သုံးဆောင်နိုင်ပါပြီ။
No comments:
Post a Comment