Saturday, 28 November 2015

ဆင်ခေါင်းပဲ အာလူးအစပ်ချက်


ဆင်ခေါင်းပဲပြုပ်ပြီးသားကို ကြက်သွန်စိမ်းနဲ့ သုပ်စားရတာ ကြိုက်သလို ဆီစိမ်းလေးဆမ်းပြီး စားရတာကိုလဲ နှစ်သက်ပါတယ် ဒီတခါတော့ ချဉ်ငံစပ်ဟင်းလေးချက်ပြီး ပလာတာနဲ့တွဲပြီးစားဖို့ ပြင်ထားပါတယ် စားလို့ကောင်းလွန်းတဲ့ ပဲအစပ်ချက်နည်းလေး မျှဝေလိုက်ပါတယ်။
ပါဝင်ပစ္စည်းများ

  • ပြုပ်ပြီးသား ဆင်ခေါင်းပဲ - တရုတ်ဟင်းပြင်ပန်းကန်အသေး တလုံးစာ
  • အခွံခွာပြီး ရေဆေးကာ အနေတော်တုံးထားသောအာလူး - အနေတော် ၂လုံး
  • ပျဉ်းတော်သိမ်းရွက် - အနေတော် ၂ခက်
  • နနွင်းမှုန့် - လက်ဖက်ရည်ဇွန်း လေးပုံတပုံ
  • ငရုတ်သီး အရောင်တင်မှုန့် - လက်ဖက်ရည်ဇွန်း တဇွန်းခွဲ
  • ခပ်နုတ်နုတ်လှီးထားသော ကြက်သွန်နီ - အနေတော် တလုံး
  • ခပ်နုတ်နုတ်လှီးထားသော ကြက်သွန်ဖြူ - အမွှာကြီးကြီး ၂မွှာ
  • ဆား - လက်ဖက်ရည်ဇွန်း တဇွန်း
  • ဆီ - ထမင်းစားဇွှန်း လေးဇွန်း
  • အရသာမှုန့် - လက်ဖက်ရည်ဇွန်း တ၀က်သာသာ
  • ရေ လက်ဖက်ရည် အကြမ်းပန်းကန် တလုံးခွဲလောက်နှင့် စိမ်ထားသော မကျီးသီးမှည့် - ကွမ်းသီးဆံလုံးလောက်
ပြင်ဆင်ပုံ
  • ဆီကိုအပူပေးပါ ဆီပူလာတာနဲ့ နနွင်းမှုန့်ထည့်ပါ
  • ကြက်သွန်နီ ကြက်သွန်ဖြူ ငရုတ်သီးမှုန့်တို့ကို ထည့်မွှေပြီး မွှေးလာအောင်ဆီသတ်ပေးပါ
  • ဆီသတ်နံ့ မွှေးလာတာနဲ့အာလူးကို ထည့်မွှေပြီး ရေမြုပ်အောင်ထည့်ကာ အာလူးနူးအောင် ချက်ပေးပါ
  • အာလူးနူးတာနဲ့ ပြုပ်ပြီးသားပဲ ဆား အရသာမှုန့်တို့ ထည့်ပြီးမွှေပေးပါ
  • ပြီးတာနဲ့ မကျီးမှည့်ရည်ထည့်ကာ ရေခမ်းတဲ့အထိ ချက်ပေးပါ
  • ရေမခမ်းခင် အရသာမြည်းပြီး လိုသလိုပြင်ကာ ပျဉ်းတော်သိမ်းရွက်အုပ်ပြီး မီးပိတ်ပေးနိူင်ပါပြီ။
တွဲဘက်စားရန် 

  • မုံလာဥနီကို အခွံခွာပြီး ရေဆေးကာ အနေတော် စိပ်ထားပါ
  • သခွားသီးကို ရေဆေးပြီး အနေတော် လှီးထားပါ

2 comments: