Friday, 20 November 2015

ဘဲဥ ဒံပေါက်




အသားမစားတဲ့သူတွေအတွက် ကြံဖန်ပြီးချက်ပေးဖြစ်တဲ့ ဘဲဥဒံပေါက်ထမင်းပါ ချက်နည်းကတော့ အရင်ဒံပေါက် ချက်နည်းအတိုင်းပါဘဲ
အိမ်ချက် ဘဲဥဒံပေါက်ထမင်းလေး ချက်ရတာလွယ်ပြီး စားလို့ကောင်းလွန်းလို့ ချက်နည်းလေး မျှဝေချင်ပါတယ် မာမာချက်တဲ့ အစားအစာတွေထဲမှာ သဘာဝအရောင်ကိုဘဲ ယူတာများပါတယ် food colour တွေ သုံးခဲပါတယ် ဒီတခါတော့ food colour အနည်းငယ်ထည့်ပြီး ချက်ထားပါတယ် တယောက်နဲ့တယောက် ချက်နည်းတွေ တူချင်မှ တူပါလိမ့်မယ် အဆင်ပြေစွာ ချက်နိုင်ဖို့ဘဲ လိုပါတယ်။


ဒံပေါက်ထမင်း ၃ပွဲစာ ချက်ရန် လိုသောပစ္စည်းများ  
  • Basmati ဆန် - ထမင်းပေါင်းအိုး ဆန်ချင်ဗူး ၃ဗူး
  • ရေ. - 1.7 Lခန့်
  • ghee ထောပါတ် - ထမင်းစားဇွန်း တဇွန်း
  • ကရဝေးရွက် - ၂ရွက်
  • ဖာလာစေ့ - ၂စေ့
  • လေးညှင်း - ၃ပွင့်
  • ငရုတ်ကောင်း - ၃စေ့
  • ဆား - လက်ဖက်ရည်ဇွန်း ၃ဇွန်း
ထမင်းချက်ရန် ပြင်ဆင်ပုံ
  • ဆန်ကို ရေဆေးပြီး ရေနာရီဝက်လောက် စိမ်ထားပါ
  • ဇောက်နက်သော အိုးတလုံးထဲမှာ ရေကိုဆူအောင်တည်ပြီး ဆား ထောပတ် ကရဝေးရွက် ဖာလာစေ့ ငရုတ်ကောင်းစေ့တို့ထည့်ပြီး တမိနစ်လောက် ဆူအောင်ထားပါ
  • တမိနစ်ပြည့်တာနဲ့ဆန်ထည့်ကာ မီးအားပြင်ပြင်းနဲ့ ဆူအောင် ဆက်တည်ပါ
  • ဆန်တ၀က်ကျက်ဖို့ ငါးမိနစ်လောက်တည်ပြီးတာနဲ့ အပေါက်စိတ်သော ဇကာထဲ သွန်ချပြီး ရေစစ်ထားပါ
ဘဲဥဟင်းချက်ရန် လိုအပ်သောပစ္စည်းများ
  • ဘဲဥ - ၃လုံး ပြုတ်ထားပါ
  • ကြက်သွန်နီ - ဥကြီးကြီး တလုံး ခပ်နုတ်နုတ်လှီးထားပါ
  • ကြက်သွန်ဖြူ - အမွှာကြီးကြီး ၃မွှာ ခပ်နုတ်နုတ်လှီးထားပါ
  • ချင်း - လက်တဆစ်ခန့် ညက်နေအောင် ထောင်းထားပါ
  • ကရဝေးရွက် - ၂ရွက်
  • ဖာလာစေ့ -  ၂စေ့
  • လေးညှင်း - ၂ပွင့်
  • သစ်ဂျပိုးခေါက် - တလက်မခန့်
  • ဆား - လက်ဖက်ရည်ဇွန်း တဇွန်း
  • ကြက်သားမှုန့် - လက်ဖက်ရည်ဇွန်း တဇွန်း
  • ဆီ - ထမင်းစားဇွန်း ၇ဇွန်းခန့်
  • ငရုတ်သီး အရောင်တင်မှုန့်-  လက်ဖက်ရည်ဇွန်း တဇွန်းခွဲ

  • ဒံပေါက်ချက်ရန် လိုအပ်သောပစ္စည်းများ
  • ရေစစ်ထားသော တ၀က်ကျက်ထားသည့် ထမင်း
  • ဆီသတ်ထားသော ဘဲဥ
  • စပျစ်သီးခြောက် အနည်းငယ်
  • food colour (Yellow) - နှစ်စက်ခန့်
  • အရောင်ရေရောရန် ရေ - ထမင်းစားဇွန်း၂ဇွန်း
  • နွားနို့ ထမင်းစားဇွန်း ၂ဇွန်း  
ပြင်ဆင်ပုံ
  • အောက်ခြေမကပ်ဘဲ အိုးဖင်ထူသော အိုးကို အပူပေးပြီး ဆီကိုထည့်ပါ
  • ဆီပူလာတာနဲ့ အဆင်သင့်ပြင်ထားသော ကြက်သွန်ဖြူ  ကြက်သွန်နီ ချင်း ဖာလာ ကရဝေးရွက် သစ်ဂျပိုးခေါက် လေးညှင်း ငရုတ်သီး အရောင်တင်မှုန့်တို့ကို ထည့်ပြီးဆီသတ်ပေးပါ
  • ဆီသတ်နံ့ မွှေးလာတာနဲ့ ပြုပ်ပြီးအခွံခွာထားသော ဘဲဥ ဆား ကြက်သားမှုန့်တို့ကိုထည့်ပြီး တမိနစ်လောက် ဆီသတ်လိုက်ပါ
  • ပြီးလျှင် ထိုဟင်းပေါ်မှာ တ၀က်ကျက်ထားသော ထမင်းများကို အနည်းငယ်ချန်ကာ  ဖြန့်ပြီးထည့်ပေးပါ 
  • ထမင်းအပေါ်မှာ နွားနို့ကို ဖြန့်ပြီး ထည့်၍ စပျစ်သီးခြောက်ထည့်ပြီး ထမင်းအနည်းငယ် ဖြန့်ခင်းပေးပါ
  • ထမင်းအပေါ်မှာ food colour နှစ်စက်လောက် ကို ရေ ထမင်းစားဇွန်း ၂ဇွန့်နှင့်ရောမွှေကာ ထမင်းပေါ်မှာ ဖြန့်ပေးပါ
  • ပြီးတာနဲ့ လေလုံအောင် foil ပါတ်ဖုံးပြီး အိုးအဖုံးဖုံးပေးပါ
  • မီးအားပြင်းပြင်းနဲ့ အပူပေးထားသော ဒယ်ပြားပေါ်မှာ ထမင်းအိုးကိုတင်ပြီး ၅မိနစ်လောက် နှပ်ပေးပါ
  • ပြီးတာနဲ့ မီးကို နံပါတ် ၂လောက်ထိလျှော့ပြီး ၁၀မိနစ်လာက် ဆက်ပြီးနှပ်ထားပေးပါ
  • ဆယ်မိနစ်ပြည့်တာနဲ့ မီးပိတ်ပြီး ၁၅မိနစ်လောက် မီးဖိုပေါ်မှာ ဆက်နှပ်ထားပြီးမှ စားသုံးရန် ပြင်ဆင်ပါ

2 comments:

  1. Ma Ma Mar, it is interesting! Thanks

    ReplyDelete
  2. လွယ်တယ် ချက်ကြည့်နော်

    ReplyDelete