Tuesday, 3 November 2015

ပင်လယ်စာအစုံ သရက်သီးစိမ်းဆီပြန်


Seafoods အစာတွေ ၀ယ်ထားမိတော့ တမုန်းတော့ ချက်စားရတယ်ပေါ့နော် အရသာကို မထပ်ရအောင် မကျည်းသီးမှည့်နဲ့ချက်လိုက် သုပ်စားလိုက် ဟင်းချိုရည် လုပ်လိုက် အမျိုးစုံအောင် လုပ်စားပြီး ဒီတခါတော့ သရက်သီးပေါ်ချိန်လေးမှာ သရက်သီးစိမ်းလေးနဲ့ ဆီပြန် ချက်ထားတာလေး မျှဝေလိုက်ပါတယ် ချဉ်ဖြုံ့ဖြုံ့လေးနဲ့ စားလို့ကောင်းလွန်းလို့ ချက်စားကြည့်စေချင်ပါတယ်။
ပါဝင်တဲ့ပစ္စည်းများ

  • ပင်လယ်စာအစုံ - 400 g
  • ညက်နေအောင် ထောင်းထားသော ကြက်သွန်ဖြူ - အမွှာကြီးကြီး သုံးမွှာ
  • ညက်နေအောင် ထောင်းထားသော ကြက်သွန်နီ - အနေတော် တခြမ်း
  • ညက်နေအောင် ထောင်းထားသော ချင်း - လက်တဆစ်
  • ခပ်ကြမ်းကြမ်းပေါက်ထားသော သရက်သီးစိမ်း  - အနေတော် တလုံး
  • ငရုတ်သီးအရောင်တင်မှုန့် လက်ဖက်ရည်ဇွန်း - တဇွန်း
  • ဆီ ထမင်းစားဇွန်း - လေးဇွန်းသာသာ
  • ဆား - လက်ဖက်ရည်ဇွန်း တ၀က်
  • ငံပြာရည် - ထမင်းစားဇွန်း တဇွန်း
  • အချိုမှုန့် - လက်ဖက်ရည်ဇွန်း တ၀က်သာသာ
  • နနွင်းမှုန့်. - လက်ဖက်ရည်ဇွန်း တ၀က်
အသား အရသာနယ်ရန်
  • ပင်လယ်စာအစုံကို အရင်ဆုံး  ရေစင်အောင်ဆေးပေးပါ
  • ဇလုံကျယ်ကျယ်ထဲမှာ ပင်လယ်စာများကိုထဲ့ပေးပါ
  • ပင်လယ်စာများထဲကို ဆား လက်ဖက်ရည်ဇွန်း တ၀က်နှင့် ငါးငံပြာရည် ထမင်းစားဇွန်း တဇွန်းထဲ့ပေးပါ
  • နနွင်းမှုန့် လက်ဖက်ရည်ဇွန်း သုံးပုံတပုံထဲ့ပေးပါ
  • အချိုမှုန့် လက်ဖက်ရည်ဇွန်း တ၀က်သာသာထဲ့ပေးပါ
  • အားလုံးထဲ့ပြီးပါက ပင်လယ်စာများကို အရသာဝင်စေရန် နယ်ပေးပါ
ဟင်းချက်ရန်
  • ဆီကိုအရင်ဆုံးအပူပေးပါ
  • ဆီပူလာမှ နနွင်းမှုန့်ကို အရင်ဆုံးထဲ့ပြီးတာနဲ့ထောင်းထားသောငရုတ်သီးနှင့် ဟင်းချက်အမွှေးအကြိုင်များ ထဲ့မွှေပါ
  • တမိနစ်လောက်မွှေပြီးတာနဲ့ ငရုတ်သီးအရောင်တင်မှုန့်ကိုထဲ့ပြီး တမိနစ်လောက်မွှေပေးပါ
  • ငရုတ်သီးဆီသတ်နံ့မွှေးလာပြီဆိုတာနဲ့ ပင်လယ်စာ အရသာနယ်ကို ထဲ့ပြီးမွှေပေးပါ
  • ဟင်းအိုးကို အရသာညီအောင် လှုပ်ပေးပါ
  • ပင်လယ်စာ အသားများ မာပြီးတင်းသွားမှ သရက်သီးနှင့် ရေမြုပ်အောင်ထဲ့ပြီး အဖုံးအုပ်တည်ပေးပါ
  • အိုးမကပ်စေရန် လှုပ်လှုပ်ပေးပါ
  • သရက်သီးလဲနူး ဆီလဲပြန်ပြီဆိုတာနဲ့ အရသာမြည်းကာ မီးပိတ်ပေးပါ
  • ပင်လယ်စာ သရက်သီးစိမ်း အချဉ်ဆီပြန် ဟင်းလေးတစ်ခွက် ရပါပြီ။

No comments:

Post a Comment