ထမင်းများ ဆာလာတဲ့အခါ အသားဟင်းမပါဘဲ အခုလို ပဲပုတ်ထောင်းလေးနဲ့လဲ မြိန်တတ်တာပါဘဲ ဒါကြောင့်မို့ လွယ်ကူမြန်ဆန်ပြီး စားလို့ကောင်းလွန်းတဲ့ ပဲပုတ်ထောင်းနည်းလေးကို မျှဝေပေးလိုက်ပါတယ်။
ပါဝင်ပစ္စည်းများ
- ပဲပုတ်ပြား - ၅ချပ်
- ငရုတ်သီးစိမ်း - စားနိူင်သလောက်
- ဆား - လက်ဖက်ရည်ဇွန်း တစ်ဝက်သာသာ
- အချိုမှုန့် - လက်ဖက်ရည်ဇွန်း တစ်ဝက်
- နံနံပင် - နှစ်သက်သလောက်
- သရက်သီးအစိမ်း - အနေတော် တစ်လုံး
- ကြက်သွန်ဖြူ - အမွှာကြီးကြီး ၅မွှာ
ပြင်ဆင်ပုံ
- ပဲပုတ်ကို ကြွတ်သွားတယ် ဆိုရုံလေး ကင်ပေးပါ
- ငရုတ်သီးစိမ်းကို အညှာဖြုတ်ပြီး ရေဆေးကာ မွှေးသွားအောင် လှော်ပေးပါ
- ကြက်သွန်ဖြူကို အခွံခွာပြီး ရေဆေးထားပါ
- နံနံပင်ကို ရေဆေးပြီး အနေတော် ပိုင်းဖြတ်ထားပါ
- သရက်သီးကို အခွံခွာပြီး ရေဆေးကာ ဓါးနှင့် ပေါက်ပြီး လှီးထားပါ
- အားလုံးအဆင်သင့် ဖြစ်တာနဲ့ငရုတ်ဆုံထဲမှာ ပဲပုတ်ကိုထည့်ပြီး မညက်တစ်ညက် ထောင်းပေးပါ
- ပြီးတာနဲ့ ငရုတ်သီးစိမ်း ပေါက်ထားသော သရက်သီးစိမ်းနှင့် ကြက်သွန်ဖြူကို ထည့်ထောင်းပေးပါ
- အားလုံးညက်ပြီ ဆိုတာနှင့် ဆား အချိုမှုန့်နှင့် နံနံပင်တို့ထည့်မွှေပေးကာ အရသာမြည်းပြီး လိုသလိုပြင်ပေးပါ
- အရသာ ပြင်ပေးပြီးတာနဲ့ ထမင်းပူပူလေးနှင့် စားသုံးရန် ချဉ်ငံစပ် ပဲပုတ်ထောင်း မွှေးမွှေးလေးကို ပြင်ပေးနိူင်ပါပြီ။
No comments:
Post a Comment