ဒီနေ့တော့ မကုန်နိုင်သေးတဲ့ ပုဇွန်သားလေးတွေကို ခေါင်းချိုးပြီး ငရုတ်သီးစိမ်းနဲ့ ဖိုးသတ်ဖတ်သတ် ချက်ပါတယ် ထမင်းစားလို့တော့ ဘာကောင်းသလဲ မမေးပါနဲ့တော့ အရမ်းကို မြိန်ပါတယ် ဒါကြောင့်မို့ ဖိုးသိုးဖတ်သတ် ကြော်ချက် ချက်နည်းလေး မျှဝေလိုက်ပါတယ်။
ပါဝင်ပစ္စည်းများ
- သန့်စင်ပြီးသား ပုဇွန်ခေါင်းချိုး - ၂ဆယ်သား
- ငရုတ်သီးစိမ်း - စားနိုင်သလောက်
- ကြက်သွန်နီ - ခပ်သေးသေး တစ်လုံး
- ဆီ - ထမင်းစားဇွန်း တစ်ဇွန်း
- နနွင်းမှုန့် - လက်ဖက်ရည်ဇွန်း သုံးပုံတစ်ပုံ
- ဆား - လက်ဖက်ရည်ဇွန်း သုံးပုံတစ်ပုံ
- ငါးငံပြာရည် - ထမင်းစားဇွန်း ၃ဇွန်း
- အရသာမှုန့် - လက်ဖက်ရည်ဇွန်း တစ်ဝက်
ပြင်ဆင်ပုံ
- သန့်စင်ပြီးသား ပုဇွန်ကို ဆား နနွင်း အရသာမှုန့် နယ်ထားပါ
- ငရုတ်သီးစိမ်းကို အရမ်းမညက်စေဘဲ ဖိုးသိုးဖတ်သတ် ထောင်းထားပါ
- ကြက်သွန်နီကို ခပ်ပါးပါး လှီးထားပါ
- ဆီကိုအပူပေးပါ ဆီပူလာတာနဲ့ ကြက်သွန်နီကို နွမ်းရုံလေး ထည့်ကြော်ပါ
- ကြက်သွန်နီ နွမ်းတာနဲ့ငရုတ်သီးထောင်းကို ထည့်ကြော်ပါ
- မွှေးလာတာနဲ့ ပုဇွန်နဲ့ငံပြာရည်ကို ထည့်မွှေပါ
- ပြီးတာနဲ့ ရေမြုပ်ရုံလေးထည့်ပြီး ရေခမ်းအောင် တည်ပေးပါ
- ရေခမ်းတာနဲ့ စပ်ပြီးမွှေးနေတဲ့ ငရုတ်သီးစိမ်း ပုဇွန်ဖိုးသိုးသတ် ကြော်ချက်လေး ရပါပြီ။
No comments:
Post a Comment