Sunday, 24 September 2017

ဝက်သား ခရုဆီကြော်


အလုပ်မအားတဲ့ ရက်တွေမှာ မီးဖိုဆောင်ထဲ ကရောသောပါးဝင်ကာ ပြင်ဆင်ရတာ အရမ်းလွယ်လွန်းတဲ့ လွယ်ကူမြန်ဆန် ဟင်းတမယ်အတွက် ၀က်သားခရုဆီ ကြော်နည်းလေး မျှဝေလိုက်ပါတယ်။

ပါဝင်ပစ္စည်းများ

  • ခပ်ပြားပြား ရှည်ရှည်အတုံးလေးတွေ တုံးထားသော ၀က်သား - 150g
  • အကွင်းလိုက် အနေအထားရအောင် လှီးထားသော ကြက်သွန်နီ - အနေတော် တဥ
  • ဓါးပြားရိုက်ထားသော ကြက်သွန်ဖြူ - အမွှာကြီးကြီး သုံးမွှာ
  • အရှည်လိုက် လှီးထားထေားသောချင်း - လက်တဆစ်ခန့်
  • ဆား - လက်ဖက်ရည်ဇွန်း တ၀က်
  • ခရုဆီ - ထမင်းစားဇွန်း တ၀က်သာသာ
  • ငံပြာရည် - ထမင်းစားဇွန်း တ၀က်ခန့်
  • ပဲငံပြာရည်အနောက် - ထမင်းစားဇွန်း တဇွန်း
  • ဆီ - ထမင်းစားဇွန်း လေးဇွန်း
ပြင်ဆင်ပုံ

  • ပထမဆုံး ဆီကိုအပူပေးပါ ဆီပူတာနဲ့ ၀က်သားကို ထဲ့ကြော်ပေးပါ
  • ၀က်သားကို ၃မိနစ်လောက်ကြော်ပြီးတာနဲ့ ရေမြုပ်အောင်ထဲ့ပြီး အဖုံးအုပ်ကာတည်ပေးပါ
  • ရေခမ်းသွားတာနဲ့ကြက်သွန်ဖြူ ကြက်သွန်နီ ချင်းတို့ကို တမိနစ်လောက်ထဲ့မွှေပေးပါ
  • ပြီးတာနဲ့ ဆား ငံပြာရည် ခရုဆီ ပဲငံပြာရည်တို့ကို တစ်ခါထဲ ဆက်တိုက် ထဲ့ပြီးမွှေပေးပါ
  • ကြက်သွန်များ နွမ်းမသွားအောင် မြန်မြန်ကြော်ပြီး မီးပိတ်ကာ အရသာမြည်းပြီး ပန်းကန်ထဲပြောင်းထဲ့ပေးပါ
  • အရသာရှိစွာ သုံးဆောင်နိုင်သော ၀က်သား ခရုဆီကြော် မွှေးမွှေးလေး ရပါပြီ။

No comments:

Post a Comment