Thursday 16 March 2017

ခရမ်းသီး မီးဖုတ်ကြော်


ဒီနေ့တော့ အသီးအရွက်တွေထဲက ခရမ်းသီးကို သတ်သတ်လွတ် ဟင်းတစ်မယ်အဖြစ် ပြင်ဆင်ပေးနိူင်ပြီး ထမင်းစားလို့ မြိန်စေမဲ့ ခရမ်းသီးမီးဖုတ်ကြော် ကြော်နည်းလေး မျှဝေလိုက်ပါတယ်။

ပါ၀င်ပစ္စည်းများ
  1. ခရမ်းသီး - အလုံးကြီးကြီး တစ်ါလုံး
  2. ကြက်သွန်ဖြူ - သုံးမွှာ
  3. ကြက်သွန်နီ - အနေတော် တစ်လုံး
  4. ပဲငံပြာရည် အကျဲ - ထမင်းစားဇွန်း တစ်ဇွန်း
  5. ငရုတ်ကောင်းမှုန့် - စားနိူင်သလောက်
  6. နနွင်းမှုန့် - အနည်းငယ်
  7. ဆား - လက်ဖက်ရည်ဇွန်း တစ်၀က်
  8. ဆီ - ထမင်းစားဇွန်း လေးဇွန်း
ပြင်ဆင်ပုံ
  • ခရမ်းသီးကို မိုက်ခရိုဝေ့သုံး ဇလုံထဲမှာထည့်ပြီး အဖုံးခပ်ဟဟအုပ်၍ မိုက်ခရိုဝေ့ထဲထည့်ပြီး လေးမိနစ်ခန့် ဖုတ်ပေးပါ
  • မီးသွေးမီးဖို သုံးပါက မီးသွေးမီးပေါ်တင်ပြီး အပြင်ခွံ ကျွမ်းတဲ့အထိ ကျက်အောင် ဖုတ်ပေးပါ
  • ဖုတ်ထားသော ခရမ်းသီးကို ဇလုံတခုထဲမှာ ရေထည့်ပြီး အခွံခွာထားကာ ခရမ်းသီးမှ ထွက်သော အစေးများ ထွက်အောင်ဆေး၍ ရေစစ်ထားပေးပါ
  • ကြက်သွန်ဖြူကို အခွံခွာပြီး ခပ်နုတ်နုတ် လှီးထားပါ 
  • ကြက်သွန်နီကို အခွံခွာပြီး ရေဆေးကာ ခပ်ပါးပါး လှီးထားပါ
  • ဒယ်အိုးတလုံးကို အပူပေးပြီး ဆီနှင့်နနွင်းမှုန့်ကိုထည့်ပါ
  • ဆီပူပါက ငရုတ်ကောင်းမှုန့် ကြက်သွန်ဖြူ နှင့် ကြက်သွန်နီတို့ထည့်ကာ မိနစ်ဝက်ခန့်ကြော်ပေးပါ
  • ပြီးတာနဲ့ ပဲငံပြာရည်အကျဲ နှင့် ဆားတို့ကိုထည့်ပြီး ကြော်ပေးပါ
  • ကြက်သွန်များ နွမ်းလာတာနဲ့ ခရမ်းသီးမီးဖုတ်ကိုထည့်ပြီး တမိနစ်ခန့် ကြော်ပေးပြီး အရသာမြည်း၍ လိုသလို ပြင်ပေးပါ
  • ငရုတ်ကောင်းနံ့ သင်းပျံ့နေတဲ့ ခရမ်းသီးမီးဖုတ်ကြော် မွှေးမွှေးလေးကို သတ်သတ်လွတ်ဟင်းတမယ် ပြင်ပေးနိူင်သလို နှစ်သက်သလို သုံးဆောင်နိူင္ပါျပီ။

No comments:

Post a Comment