Friday, 10 March 2017

ဆိတ်ရိုးနုပြုပ် မွှေးမွှေးလေး


ဒီနေ့တော့ ဆိတ်ရင်ညွန့် အရိုးနုလေးတွေကို ဆိတ်ရိုးစွပ်လေး ပြုပ်ပါတယ် ပြုပ်နည်းကတော့ အတူတူပါဘဲ ဒါပေမဲ့ ဆိတ်ရင်ညွန့်ရိုးက အဆီပါတဲ့အတွက် ပြုပ်တဲ့အခါမှာ အနည်းဆုံး ပြုပ်ရည်ကို သုံးခါလောက်တော့ သွသွန်ပေးရပါတယ် ဒိမင့်ဆိုရင်တော့ ဆိတ်ရိုးစွပ်မှာ အဆီတွေ တက်နေတတ်ပါတယ်။

ပါဝင်ပစ္စည်းများ

  • အရိုးအသားတွဲနေသော ဆိတ်ရင်ညွန့်ရိုး - 1kg
  • ချင်း - ၁ လက်မခန့်
  • ကြက်သွန်ဖြူ - အမွှာကြီးကြီး ၁၂မွှာခန့်
  • ကရဝေးရွက် - ၄ ရွက်ခန့်
  • သစ်ဂျပိုးခေါက် - ၂လက်မခန့်
  • အချိုမှုန့် - လက်ဖက်ရည်ဇွန်း တဇွန်း
  • ဆား - လက်ဖက်ရည်ဇွန်း တဇွန်းသာသာ
  • ငရုတ်ကောင်းမှုန့် - လက်ဖက်ရည်ဇွန်း တ၀က်

ပြင်ဆင်ပုံ

  • ဆိတ်ရိုးကို ရေစင်အောင်ဆေးပြီး အနေတော် အတုံးလေးတွေ ပိုင်းပေးပါ
  • ကြက်သွန်ဖြူကို အခွံခွာကာ ရေဆေးထားပါ
  • ကြက်သွန်ဖြူ ၄မွှာခန့်ကို ဓါးပြားရိုက်ထားပါ
  • ချင်းကို အခွံခွာပြီး ညက်နေအောင် ထောင်းထားပါ
  • သစ်ဂျပိုးခေါက်နှင့် ကရဝေးရွက်ကို ရေဆေးထားပါ
  • ဇောက်နက်သော အိုးထဲမှာ ဆိတ်ရိုးများကို ထည့်ပေးပြီး ရေမြုပ်အောင် ထည့်ကာ ပွက်ပွက်ဆူအောင် တည်ပေးပါ
  • ရေဆူချိန် နာရီဝက်လောက်ရတာနဲ့ အိုးထဲမှာ တက်လာသော ဆိတ်ရိုးအဆီများနှင့် ရေများကို သွန်ပေးပါ
  • ဆိတ်ရိုးမှ အဆီများနှင့် အရိုးနံ့ပျောက်စေရန် နောက်ထပ် သုံးကြိမ်လောက် ထိုနည်းအတိုင်း ပြူပ်ပေးပါ 
  • ရေပူများနှင့် တက်လာသော အဆီများကို သွန်ပြီးတာနဲ့ နောက်ထပ်ရေမြုပ်အောင် ထပ်ထည့်ပေးကာ ချင်း ကရဝေးရွက် ကြက်သွန်ဖြူ ဆား နှင့် ရေမြုပ်အောင်ထည့်ကာ ပြုပ်ပေး၍ ရေကိုပွက်ပွက် ဆူအောင်တည်ပေးပါ 
  • ရေပွက်ပွက် ဆူလာပြီး အပေါ်ယံမှာ အမြှပ်များတက်လာပါက အပေါ်ယံအမြှုပ်များ ခပ်ပြီးသွန်ပေးပါ
  • ဆိတ်ရိုးအနံ့ ပျောက်လာအောင် နာရီဝက်လောက် နောက်ထပ်ပြုပ်ပေးပြီး တက်လာသမျှ အမြုပ်များကို ခပ်ပြီးသွန်ပေးပါ
  • ဆိတ်ရိုး အမွှေးနံ့သင်းလာတာနဲ့ ရေလိုသလောက်ထည့်ကာ ဆားနှင့်အချိုမှုန့်ကို သင့်သလို ထည့်ပေးပြီး ဟင်းရည်ကို ပွက်ပွက်ဆူအောင် တည်ပေးပါ
  • ဟင်းရည်အရသာမြည်းပြီး ဓါးပြားရိုက်ထားသော ကြက်သွန်ဖြူနှင့် ငရုတ်ကောင်းမှုန့်ထည့်ပေးကာ မီးမျှင်းမျှင်းနှင့် တည်ထားပါ
  • ဟင်းရည်သောက်ခါနီး ပူနေပါမှ အရသာရှိပြီး မွှေးရနံ့သင်းပျံ့တဲ့ ဆိတ်ရိုးစွပ်ကောင်းကောင်းလေး ရမှာ ဖြစ်ပါတယ်
  • အဆင်သင့်ဖြစ်တာနဲ့ ပာင်းရည်သောက်ရန် ငရုတ်သီးတောင့်နီ နံနံပင် သံပုရာသီးတို့ထည့်ကာ ပြင်ပေးနိူင်ပါပြီ




No comments:

Post a Comment