Tuesday, 24 January 2017

ရွှေကြည် ဆနွင်းမကင်း



ထမင်းစားပြီးတဲ့အခါ အချိုပွဲလေး ပြင်ရအောင်လို့ ဒီတခါတော့ ရွှေကြည်ဆနွင်းလေး လုပ်ဖြစ်ပါတယ် ပင်ပင်ပန်းပန်း လုပ်ရတာ မဟုတ်တဲ့အတွက် အားလပ်ရက်လေးမှာ ရွှေကြည်ဆနွင်းမကင်းလေး လုပ်စားကြည့်ရအောင် မာမာပြင်ဆင်တဲ့နည်းလေး မျှဝေပေးလိုက်ပါတယ်ရှင်။

ပါဝင်ပစ္စည်းများ

  1. ရွှေကြည်မှုန့် - ထမင်းပေါင်းအိုး ဆန်ချင်ဗူး ၃ဗူး
  2. သကြား - ထမင်းစားဇွန်း ၅ဇွန်း (အချိုကြိုက်လျှင် ပိုထည့်ပါ)
  3. ထောပတ် - 75 ml
  4. ဆီ - 80 ml
  5. အုန်းနို့ - 400 ml 
  6. ကြက်ဥ - ၃လုံး
  7. ဘိန်းစေ့ - ထမင်းစားဇွန်း တဇွန်း
  8. ဆား - လက်ဖက်ရည်ဇွန်း သုံးပုံတပုံ
  9. ရေ - 200 ml
ပြင်ဆင်ပုံ

  1. ရွှေကြည်မှုန့်များကို အိုးအသားထူသော ဒယ်အိုးထဲမှာထည့်ပြီး ရွှေဝါရောင် သန်းလာအောင် လှော်ပေးကာ အအေးခံပေးပါ
  2. ကြက်ဥများကို အနှစ်နှင့်အကာ သမသွားအောင် ခေါက်ထားပါ
  3. လိုအပ်သော ပစ္စည်းများ ပြင်ထားပါ
  4. ဇောက်နက်ပြီး အိုးအသားထူသော အိုးထဲမှာ လှော်ထားသော ရွှေကြည်မှုန့် ကြက်ဥ အုန်းနို့ သကြား ဆား ရေ ထောပါတ် ဆီ အားလုံးတို့ကို ထည့်ပြီး အကုန်နှံ့အောင် ရောမွှေပေးပါ
  5. အားလုံးအဆင်သင့် ဖြစ်တာနဲ့ မီးဖိုပေါ်တင်ကာ တည်ပေးပါ
  6. ရွှေကြည်အိုး မကပ်စေရန် အိုးထဲမှ ရွှေကြည်များကို အဆက်မပြတ် မွှေပေးပါ
  7. ရွှေကြည်များ ပြစ်လာတာနဲ့ ရွှေကြည်ဖုတ်မည့် ဘန်းထဲကို ပြောင်းထည့်ပေးပါ
  8. ကျိုထားသော ရွှေကြည်များ မုန့်ဖုတ်မည့် ဘန်းထဲကိုထည့် ပြီးတာနဲ့ သစ်သားယောင်းမဖြင့် ဖိသိပ်ပေးပါ
  9. ပြီးတာနဲ့ ရွှေကြည်ပေါ်မှာ ဘိန်းစေ့များ ဖြူးပေးပါ
  10. မုန့်မဖုတ်ခင် oven ကို 180°c ဖြင့် ၁၅မိနစ်ခန့် ကြိုပြီးဖွင့်ပေးထားပါ
  11. မီးဖိုပူလာတာနဲ့ ရွှေကြည်ထည့်ထားသော ဗန်းကို ovenထဲမှာ မိနစ်၂၀ခန့် ထည့်ဖုတ်ပေးပါ
  12. မိနစ်၂၀ သို့မဟုတ် ၂၅မိနစ် ပြည့်တာနဲ့ မီးပိတ်ပေးပြီး ရွှေကြည်ဗန်းကို မထုတ်သေးဘဲ oven ထဲမှာ ဆယ်မိနစ်လောက် ထားပြီးမှ ထုတ်ပေးပြီး အအေးခံထားပါ
  13. ရွှေကြည်ဘန်း အေးတော့မှ ရွှေကြည်များကို မိမိနှစ်သက်သည့် ပုံစံလေးများ လှီးပေးကာ စားသုံးနိူင်ပါပြီ။

No comments:

Post a comment