Saturday 14 January 2017

ပုဇွန်ချဉ်စပ် ဟင်းချို


ရာသီဥတုက ပူတယ်လေ ဆယ်နွေကဲ ဆိုသလိုပါဘဲ ပူလိုက်တာမှ လူတစ်ကိုယ်လုံး အရည်ပျော်တော့မဲ့ မတတ်ပါဘဲ ဒီတော့လဲ အစားအသောက်တွေက ခံတွင်းပျက်လာပြီ ဒါပေမဲ့ စိတ်ထဲမှာ ချဉ်ငံစပ်လေးတော့ စားချင်လာမိတယ်။

ဒါကြောင့်မို့ တစ်ဝမ်းတစ်ခါး နေသာထိုင်သာ ရှိဖို့အရေး  စားချင်မိတဲ့ ချဉ်ချဉ်စပ်စပ်လေးတွေ စားရလေအောင် လေအေးပေးစက်လေးဖွင့်လို့ ချိုချဉ်ငံစပ် သုန့်ယမ်းဟင်းရည်လေး ချက်ဖြစ်လိုက်ပါတော့တယ် ဒါကြောင့်မို့လို့ မာမာပြင်ဆင်ပြီး ချက်ထားတဲ့ ချက်နည်းလေး မျှဝေလိုက်ပါတယ်။

ပါဝင်ပစ္စည်းများ


  1. ပုဇွန်ထုတ် အကောင်ကြီးကြီး ၁၅ကောင်
  2. ကြက်ရိုး - ၃ဆယ်သားခန့်
  3. ကြက်ရိုးပြုတ်ရန်ရေ -၂လီတာ
  4. စပါးလင် - ၃ပင် 
  5. တောရှောက်ခါးရွက် - ၄ရွက်
  6. ပဒဲကော - နှစ်လက်မခန့် 
  7. ငရုတ်စိမ်းတောင့် အနီရောင် -၂ တောင့် 
  8. ကညွှတ် - ၅ပင်
  9. ငါးငံပြာရည် - ထမင်းစားဇွန်း၂ ဇွန်း 
  10. ဟင်းခတ်မှုန့် - လက်ဖက်ရည်ဇွန်း တဇွန်း
  11. သကြား - ထမင်းစားဇွန်း တဇွန်းခွဲ
  12. ကောက်ရိုးမှို  - ၅ ခု 
  13. ဂဏန်းအသား - အနည်းငယ်ြ
  14. ပုပ်ပြီးသား ဆန်ပြားဖတ် - တရုတ်ဟင်းပြင်ပန်းကန်အလတ် တစ်လုံးစာ
  15. သံပုရာရည်  - ထမင်းစားဇွန်း၂ဇွန်း
  16. ရှမ်းနံနံနှင့် နံနံပင် - အနည်းငယ်စီ
  17. အုန်းနိူ့ - တရုတ်ဟင်းပြင်ပန်းကန်အသေး တစ်လုံးစာ
  18. တုန့်ယမ်းပာင်းအနှစ် - ထမင်းစားဇွန်း တစ်ဇွန်း
  19. ကြက်သွန်နီ - အနေတော် တစ်လုံး 
  20. ခရမ်းချဉ်သီး - အလုံးကြီးကြီး တစ်လုံး 
  21. ဆား - လိုသလောက်
  22. ငါးငံပြာရည် - လိုသလောက်

ပြင်ဆင်ပုံ
  • ကြက်ရိုးကို ရေဆေးပြီး ရေများများထည့်ပြီး ၂လီတာလောက်ကျန်အောင် ပြုပ်ပေးပြီး ပြုပ်ရည်ကို ပြင်ထားပါ
  • စပါးလင်ကို အပင်လိုက် ရေဆေးပြီး ခပ်စောင်းစောင်း ခပ်ထူထူလေးတွေ လှီးထားပါ
  • ပဒဲကောကို ရေဆေးပြီး ခပ်ပါးပါးလေးတွေ လှီးထားပါ
  • ငရုတ်သီးစိမ်းကို ရေဆေးပြီး ခပ်ပါးပါးလေးတွေ လှီးထားပါ
  • ကောက်ရိုးမှိုကို ရေဆေးပြီး ထက်ခြမ်းခြမ်းကာ လှီးထားပါ
  • ကညွှတ်ကိုလဲ ရေဆေးပြီး အနေတော် လှီးထားပါ
  • ပုဇွန်ကို ရေဆေးပြီး ကြော်ဖက်မှ အမည်းကြောင်း ဖြုတ်ကာ အခွံခွာပြီး ခေါင်းဖြုတ်ထားပါ
  • ရှမ်းနံနံနှင့် ပင်စိမ်းကို ရေဆေးထားပါ
  • ကြက်သွန်နီကို အခွံခွာပြီး ရေဆေးကာ ၈စိတ် စိတ်ထားပါ
  • ခရမ်းချဉ်သီးကို ရေဆေးပြီး ၈စိတ် စိတ်ထားပါ
  • ကျန်လိုအပ်သော ပစ္စည်းများကို ပြင်ထားပါ
ပြင်ဆင်ပုံ
  • ဇောက်နက်သော အိုးတစ်လုံးထဲမှာ ကြက်သားပြုတ်ရည် ထည့်ပေးပါ 
  • ထိုအိုးထဲကို စပါးလင် ပဒဲကော သုန့်ယမ်းပာင်းအနှစ် ငရုတ်သီးစိမ်း အနီတောင့် တောရှောက်ခါးရွက် ကြက်သွန်နီတို့ကို ထည့်ကာ ဆူပွက်အောင် တည်ပေးပါ
  • ဟင်းရည်ဆူလာတာနဲ့ ငါးငံပြာရည် သံပုရာရည် ပာင်းခတ်မှုန့် သကြားတို့နှင့် ချဉ်ငံစပ် အရသာရအောင် ပြင်ပေးပါ
  • ဟင်းရည်အိုး ပွက်ပွက်ဆူလာတာနဲ့ ဂဏန်းသား ကညွတ် ပုစွန် ကောက်ရိုးမှိုတို့ကို ထည့်ပေးပါ
  • ပြီးတာနဲ့ ဟင်းရည်ကို မြည်းပေးပြီး အရသာ ပြင်ပေးပါ
  • မိမိလိုချင်သော အရသာ ရလာတာနဲ့ အုန်းနို့ထည့်ပေးပြီး ဟင်းအိုးဆူအောင် တည်ပေးပါ
  • စားခါနီး အချိန်ကျမှ ပြုပ်ထားသော ဆန်ပြားဖတ် ခရမ်းချဉ်သီး ရှမ်းနံနံ နံနံပင်တို့ထည့်ကာ ဟင်းပွဲကို ပြင်ပေးပါ။

No comments:

Post a Comment