Sunday 15 January 2017

ကြက်သား ဘာလချောင်ကြော်



အိမ်အလုပ်လေးတွေနဲ့ လုံးလည်ချာလည် လိုက်နေချိန်မှာ မိသားစု ထမင်းဝိုင်းလေးအတွက် အချိန်ပေးရတာလေးတွေ ရှိတတ်ကြပါတယ် အဲဒီလို အချိန်မျိုးမှာ အချိန်ရတုံးလေး ထမင်းဝိုင်းမှာ မပါမဖြစ်တဲ့ ဘာလချောင်ကြော်လေး တမယ်ကို ကရောသောပါး ကြော်ရပါတယ်။

ဒါကြောင့်မို့လို့ ထမင်းစားမိန်စေမဲ့ ကြက်သားအမျှင် ဘာလချောင် အကြွတ်ကြော်လေး ကြော်ဖြစ်လို့ ကြော်နည်းလေး မျှဝေလိုက်ပါတယ်။

ပါဝင်ပစ္စည်းများ

  1. ကြက်ရင်ပုံသား ခပ်ကြီးကြီး - တခု
  2. ငရုတ်သီး အကြမ်းမှုန့် - ထမင်းစားဇွန်း နှစ်ဇွန်း
  3. ဆား - လက်ဖက်ရည်ဇွန်း တစ်ဝက်သာသာ
  4. နနွင်းမှုန့် - လက်ဖက်ရည်ဇွန်း လေးပုံတစ်ပုံ
  5. အရသာမှုန့် - လက်ဖက်ရည်ဇွန်း တစ်ဇွန်း
  6. ဆီ - စားပွဲတင်ဇွန်းကြီး ၃ဇွန်း
  7. ငါးငံပြာရည် - ထမင်းစားဇွန်း ၂ဇွန်း
  8. ပါးပါးလှီးထားသောကြက်သွန်နီ - အလုံးကြီးကြီး သုံးလုံး

ပြင်ဆင်ပုံ
  • ကြက်သားကို ရေဆေးပြီး ဆား နနွင်းမှုန့် အရသာမှုန့်ထည့်ကာနယ်ပေးပြီး ရေအနည်းငယ်ထည့်ကာ ပြုပ်ပေးပါ
  • ရေခမ်းပြီး ကြက်သားနူးပါက ကြက်သားကို အအေးခံထားပါ
  • ကြက်သားအေးသွားပါက အမျှင်လေးများရအောင် ငရုတ်ကျည်ပွေ့နှင့်ထုကာ မွှထားပေးပါ
  • ကြက်သွန်နီကို အခွံခွာပြီး အလုံးလိုက် ရေဆေးကာ ခပ်ပါးပါး လှီးပေးထားပါ
ကြက်သားဘာလချောင် ကြော်ရန်
  • ဒယ်အိုးထဲမှာ ဆီထည့်ပြီး မီးအနေတော်နှင့်အပူပေးပါ
  • ဆီပူလာပါက နနွင်းမှုန့်ကို အရင်ထဲ့ပြီးမှ ကြက်သွန်နီကို ကြွတ်သွားတဲ့ထိ ကြော်ပေးပါ
  • ကြက်သွန်နီ ကြွတ်လာတာနဲ့ ဆယ်ပြီးဆီစစ်ကာ အအေးခံထားပါ
  • ထိုဆီထဲမှာဘဲ အသားမျှင်လေးများရအောင် မွှာထားသော ကြက်သားကို ကြွတ်လာတဲ့အထိ ကြော်ပေးပါ
  • ကြော်နေသော ကြက်သားများ ကြွတ်လာပါက ဆယ်ပြီးဆီစစ်ထားပေးပါ
  • ပိုနေသော ဆီများကို ခပ်ထုတ်ပြီး အိုးထဲမှာ ဆီအနည်းငယ်ချန်ကာ ငရုတ်သီးမှုန့်နှင့် ငံပြာရည်ကို မွှေးလာတဲ့ထိကြော်ပေးပါ
  • ငရုတ်သီးမှုန့် မွှေးလာတာနဲ့ အအေးခံပေးထားပါ
  • ကြက်သားကြော်ရော ကြက်သွန်ကြော်ပါ အေးသွားပါက ငရုတ်သီးကြော်ထဲမှာထည့်ပြီး မွှေပေးပါ 
  • အားလုံးသမသွားပါက ကြက်သားဘာလချောင်ကြော် မွှေးမွှေးစပ်စပ်လေးကို သုံးဆောင်နိူင်ပါပြီ။

No comments:

Post a Comment