Monday, 2 July 2018

စတော်ဘယ်ရီမစ်ရှိတ်







အိမ်အပြင်မှာ ရာသီဥတုက အံ့မခမ်းအောင် ချမ်းနေပေမဲ့ အိမ်အပြင် မြက်ခင်းပေါ်က ရေခဲတုံးတွေတွေ့တော့ အသီးအရွက် အေးအေးလေးတွေ စားချင်လာခဲ့မိတယ်။

ဒါကြောင့်မို့ အခုရက်ထဲ ခပ်အေးအေး ဖျော်ရည်လေးတွေ လုပ်စားဖြစ်တဲ့အထဲက ဒီနေ့တော့ စတော်ဘယ်ရီမစ်ရှိတ် ဖျော်နည်းလေး မျှဝေပေးလိုက်ပါတယ်။

ပါဝင်ပစ္စည်းများ

  • စတော်ဘယ်ရီသီး - ၁၁လုံးခန့်
  • သကြား - ထမင်းစားဇွန်း တဇွန်း
  • အုန်းနို့ - 1/2 cup
  • ရေခဲတုန်း - 1 cup
  • ရေ - 1/2 cup
  • ဘလင်ဒါ
ပြင်ဆင်ပုံ
  1. စတော်ဘယ်ရီသီးကို ရေဆေးပြီး အညှာဖယ်ပေးကာ အနေတော် အတုံးလေးတွေ တုံးပေးထားပါ
  2. သကြား ရေ အုန်းနို့နှင့် ရေခဲတုန်းတို့ကို ပြင်ထားပါ
  3. အားလုံးအဆင်သင့်ဖြစ်တာနဲ့ ရေခဲတုန်း ရေ အုန်းနို့ သကြားနှင့် စတော်ဘယ်ရီသီးတို့ကို ဘလင်ဒါထဲထည့်ပေးပါ
  4. အားလုံးကို ကျေပြီးသမသွားအောင် ကြိတ်ပေးပါ
  5. ပြီးတာနဲ့ စတော်ဘယ်ရီမစ်ရှိတ် ချိုအေးမွှေးလေးကို မိမိနှစ်သက်သော ဖန်ခွက်ထဲထည့်ပေးကာ ရွှေရင်အေးမြသွားအောင် သုံးဆောင်နိူင်ပါပြီ။
  6. စတော်ဘယ်ရီသီး အချဉ်စူးပြီး အချိုကြိုက်ပါက သကြားကို ပိုထည့်ပေးပါ။

No comments:

Post a Comment