Tuesday, 3 July 2018

ထိုင်း ကြက်တောင်ပံကြော်







ဒီတခါတော့ ရာသီဥတု အေးစိမ့်စိမ့်လေးမှာ ထိုင်းကြက်တောင်ပံကြော် စပါးလင်နံ့ ငရုတ်သီးနံ့ စပ်စပ်မွှေးမွှေးလေး ကြော်ဖြစ်လို့ ကြော်နည်းလေး မျှဝေပေးလိုက်ပါတယ်။

ပါဝင်ပစ္စည်းများ

  • ကြက်တောင်ပံ အရင်းပိုင်း - 500g
  • ငရုတ်သီးစိမ်း အစပ်တောင့် အနီရောင် - ၂တောင့်
  • စပါးလင်အရင်းပိုင်း - ၂လက်မခန့် ၃ချောင်း
  • ခရုဆီ - ထမင်းစားဇွန်း ၃ဇွန်း
  • သကြား - လက်ဖက်ရည်ဇွန်း ၁ဇွန်း
  • ဆား - လက်ဖက်ရည်ဇွန်း တဝက်
  • ဆီ - လိုသလောက်

အချဉ်အတွက် ပြင်ဆင်ရန်
  1. Rice vinegar - ထမင်းစားဇွန်း ၆ဇွန်း
  2. သကြား - ထမင်းစားဇွန်း တစ်ဇွန်း
  3. ဆား - လက်ဖက်ရည်ဇွန်းတဝက်
  4. ငရုတ်သီးစိမ်း အစိမ်းရောင် - ၃တောင့် (ပါးပါးလှီးထားပါ)
  5. နံနံပင် - အနည်းငယ် ( အနေတော် လှီးထားပါ)
  6. ပန်းကန်တစ်လုံးထဲမှာ အားလုံထည့်ပြီး ရောမွှေပေးပါ

ကြက်သားပြင်ဆင်ပုံ
  1. ကြက်တောင်ပံ အရင်းပိုင်းကို ရေဆေးပေးပါ
  2. ရေခြောက်အောင် ရေခနစစ်ထားပါ
  3. ပြီးတာနဲ့ ပုံပါအတိုင်း အဆစ်နေရာ အောက်ဖက်မှ ပါတ်ပါတ်လည်ကို လှီးပေးပါ
  4. လှီးထားသော နေရာမှ အောင်ဖက်သို့ တွန်းချလို့ရသလောက် တွန်းချပေးပါ
  5. စပါးလင်ကို ခပ်ရိတ်ရိတ်လှီးပြီး ညက်နေအောင် ထောင်းပေးပါ
  6. ငရုတ်သီးစိမ်းကို အညှာခြွေပြီး ညက်အောင် ထောင်းပေးပါ
  7. ခရုဆီ ဆား သကြားတို့ကို ပြင်ထားပါ
  8. အားလုံးအဆင်သင့်ဖြစ်တာနဲ့ ဇလုံထဲမှာ ကြက်သား စပါးလင် ငရုတ်သီးစိမ်း ခရုဆီ ဆား သကြားတို့ကိုထည့်ပြီး အရသာဝင်အောင် နယ်ပေးပါ
  9. အရသာနယ်ပြီးတာနဲ့ cling wrap အုပ်ပေးကာ ရေခဲသေတာထဲမှာ ၁၅မိနစ်လောက် နှပ်ထားပေးပါ
  10. အရသာနှပ်ပြီးတာနဲ့ ဆီကိုအိုးထဲထည့်ပြီး အပူပေးပါ
  11. ဆီပူလာတာနဲ့ မီးကိုအနေတော်သို့ လျှေ့ပေးပြီးမှ အရသာနယ်ထားသော ကြက်သားကို ထည့်ကြော်ပေးပါ
  12. သကြားနှင့် ခရုဆီပါတဲ့အတွက် အပြင်ဖက်မှာ အရောင်ပြောင်းလွယ်ပြီး အထဲမှာ မကျက်ဘဲ နေတတ်တဲ့အတွက် မီးကိုသတိထားပြီး လျှော့ပေးပါ
  13. အညိုရောင်သန်းလာပြီဆိုရင် ဆယ်ပြီးဆီစစ်ပေးပါ
  14. ဆီစစ်သွားပြီဆိုရင်တော့ အရသာ စပ်ထားသော အချဉ်နှင့် တို့စားလို့ ရပြီဖြစ်တဲ့ ထိုင်းကြက်တောင်ပံကြော် စပ်စပ် မွှေးမွှေးလေး ရပါပြီ။


No comments:

Post a Comment