Friday, 27 July 2018

စပါးလင် ဆီချက်






ဒီနေ့တော့ ဗီယက်နမ် အစားအသောက် အများစုမှာ မပါမဖြစ်တဲ့  စပါးလင်ဆီချက် ချက်နည်းလေး သူငယ်ချင်း ဗီယက်နမ်မလေးဆီက သင်ယူထားတဲ့ ချက်နည်းလေးကို မျှဝေလိုက်ပါတယ်။

ပါဝင်ပစ္စည်းများ

  • စပါးလင် အရင်းပိုင်း -  ၆လက်မခန့် လေးပင်
  • ကြက်သွန်ဖြူ - အမွှာကြီးကြီး ၁၅မွှာ
  • ငရုတ်သီးအစပ် လုံးခြမ်းကွဲ - ထမင်းစားဇွန်း ၅ဇွန်း
  • နနွင်းမှုန့် - လက်ဖက်ရည်ဇွန်း တဝက်
  • ဆီ - ထမင်းပေါင်းအိုးဆန်ချင်ဗူး ၃ဗူး
ပြင်ဆင်ပုံ
  1. စပါးလင်အရင်းပိုင်းကို ရေစင်အောင်ဆေးပြီး ခပ်ပါးပါး လှီးထားပါ
  2. လှီးထားသော စပါးလင်ကို ငရုတ်ဆုံရှိပါက ငရုတ်ဆုံနှင့် ညက်အောင် ထောင်းပေးပါ
  3. ငရုတ်ဆုံ မရှိပါက အသီးအရွက် ကြိတ်ရာတွင် အသုံးပြုသော ဗလင်ဒါထဲမှာ ရေအနည်းငယ်နှင့် စပါးလင်ကိုထည့်ကာ ညက်နေအောင် ရောကြိတ်ပေးပါ
  4. ကြက်သွန်ဖြူကို အခွံခွာကာ ရေဆေးပြီး ပုံပါအတိုင်းရအောင် မညက်တညက် ကြိတ်ပေးပါ
  5. ငရုတ်သီးအစပ်တောင့်ကို ပုံပါအတိုင်း လုံခြမ်းကွဲရအောင် ကြိတ်ပေးထားပါ
  6. အိုးအသားထူသော ဒယ်အိုးကို မီးအပူပေးပါ
  7. အိုးပူလာတာနဲ့ ဆီနှင့် နနွင်းမှုန့်ကို ထည့်ပေးပါ
  8. ဆီအငွေ့တက်လာတာနဲ့ မီးကိုအနေတော်လျှော့ပေးပြီးမှ စပါးလင်ထောင်း ငရုတ်သီးလုံးခြမ်းကွဲ ကြက်သွန်ဖြူထောင်းတို့ကို တခါထဲ ထည့်ကြော်ပေးပါ
  9. ကြော်နေစဉ် အကျက်ညီစေရန် အဆက်မပြတ် မွှေပေးပါ
  10. စပါးလင်ထောင်း ကြက်သွန်ဖြူထောင်းနှင့် ငရုတ်သီး လုံးခြမ်းကွဲတို့ မွှေးလာပြီး အနည်းငယ် ကြွတ်လာပါက မီးပိတ်ပေးပါ
  11. လက်ကျန်မီး အပူရှိန်နှင့် ကြွတ်နေအောင် ဆက်ကြော်ပေးပါ
  12. ဒယ်အိုးအသား ပါးပါက ခနလေးနှင့် ကျွမ်းသွားတတ်တဲ့အတွက် အိုးအသားထူတာကို ရွေးသုံးပါ
  13. စပါးလင်ဆီချက်က ကျွမ်းသွားတဲ့အခါ ခါးတတ်တဲ့အတွက် သတိထားပြီး မွှေမွှေပေးပါ
  14. စပါးလင်ဆီချက်လေး မွှေးပြီးကြွတ်လာတာနဲ့ အဖတ်များကို ဆီစစ်ပြီး အအေးခံထားပါ
  15. ဆီများကိုလဲ အအေးခံထားပါ
  16. နှစ်မျိုးလုံး အေးသွားပါက ပန်းကန်လုံး တခုထဲမှာ ရောပေးပြီး မွှေးပြီးစပ်နေတဲ့ စပါးလင်ဆီချက်ကို ခေါက်ဆွဲကြော် ခေါက်ဆွဲပြုပ် ကြာဇံကြော် ကြာဇံပြုပ် အသားပြုပ် အစရှိသည်တို့နှင့် တခြားအစာများနှင့်လဲ မိမိနှစ်သက်သလို တွဲဖက်ပြီး စားသုံးနိူင်ပါပြီ။

No comments:

Post a Comment