Monday, 16 July 2018

တရုတ်စတိုင် ကြက်သားဟင်း


ထမင်းပူပူလေးနဲ့ လိုက်ဖက်လွန်းတဲ့ တရုတ်စတိုင် ကြက်သားဟင်းလေး ချက်ဖြစ်တာနဲ့ ချက်နည်းလေး မျှဝေလိုက်ပါတယ်ရှင်။

ပါဝင်ပစ္စည်းများ
  • ကြက်ပေါင်သား - အတုံးကြီးကြီး ၄ခု
  • တရုတ်ဆန်ဝိုင် - ထမင်းစားဇွန်း ၃ဇွန်း
  • ချင်း - ခပ်ပါးပါး ၂ပြား
  • နာနတ်ပွင့် -၂ပွင့်
  • လေးညှင်း -၂ပွင့်
  • ကရဝေးရွက် - ၃ရွက်
  • လတ်ဆတ်သော သံပုရာရည် - လက်ဖက်ရည်ဇွန်း တဝက်
  • လတ်ဆတ်သော လိမ္မော်​ရည် - လက်ဖက်ရည်ဇွန်း တဝက်
  • သကြား - လက်ဖက်ရည်ဇွန်း တဝက်
  • သစ်ဂျပိုးခေါက် - တစ်လက်မခွဲ 
  • ကြက်သွန်နီ - အနေတော် တလုံး
  • ကြက်သွန်ဖြူ - အမွှာကြီးကြီး ၂မွှာ
  • ဆား - လက်ဖက်ရည်ဇွန်း တဝက်
  • ဆီ - ထမင်းစားဇွန်း ၂ဇွန်း
ပြင်ဆင်ပုံ
  1. ကြက်သားကို ရေဆေးထားပါ
  2. ချင်းကို အခွံခွာပြီး ရေဆေးကာ ပါးပါးမျှင်မျှင်လေးတွေ လှီးထားပါ
  3. ကြက်သွန်နီကို အခွံခွာပြီး ရေဆေးကာ လေးစိတ်စိတ်ထားပါ
  4. ကြက်သွန်ဖြူကို အခွံခွာပြီး ရေဆေးကာ ဓါးပြားရိုက်ထားပါ
  5. ပါဝင်ပစ္စည်းများကို ပြင်ထားပါ
  6. ဇောက်နက်သော အိုးတလုံးကို အပူပေးပါ
  7. အိုးပူလာတာနဲ့ ဆီထည့်ပေးပါ 
  8. ဆီပူလာတာနဲ့ သကြားကို အရင်ဆုံးထည့်ပြီး ကြော်ပေးပါ
  9. သကြားများ အရည်ပျော်လာပြီး ညိုရောင်သန်းလာတာနဲ့ ကြက်သွန်ဖြူ သစ်ဂျပိုးခေါက် လေးညှင်း နာနတ်ပွင့် ကရဝေးရွက်တို့ကို မိနစ်ဝက်လောက် ထည့်ကြော်ပေးပါ
  10. ပြီးတာနဲ့ ကြက်သားနှင့်ဆားကို ထည့်မွှေပေးပါ
  11. ကြက်သား အသားမာလာပြီး အရောင်ပြောင်းလာအောင် တည်ပေးပါ
  12. ဟင်းအိုးတည်ထားစဉ် အိုးမကပ်အောင် အိုးကိုမကြာ မကြာလှုပ်ပေးပါ
  13. ကြက်သားအသား မာတင်းလာတာနဲ့ လှီးထားသောချင်း လှီးထားသော ကြက်သွန်နီ လိမ္မော်​ရည် သံပုရာရည်နှင့် ဆန်ဝိုင်တို့ကို ထည့်မွှေပေးပါ
  14. ပြီးတာနဲ့ ကြက်သားကို ရေမြုပ်အောင်ထည့်ပြီး အိုးအဖုံးအုပ်ပြီး တည်ပေးပါ
  15. ရေမခမ်းခင် ကြက်သားနူးမနူး ဇွန်းနှင့်ထိုးကြည့်ပါ
  16. ကြက်သား မနူးသေးပါက ရေအနည်းငယ်နှင့် ရေဆူအောင် ဆက်တည်ပေးပါ
  17. ရေမခမ်းခင် အရသာ မြည်းပေးကာ လိုသလို ပြင်ပေးပါ
  18. ပြီးတာနဲ့ မီးပိတ်ပေးပြီးပါက အနံ့ အရသာနှင့် ပြည့်စုံလှသော တရုတ်စတိုင် ကြက်သားဟင်းကို ဟင်းပွဲပြင်ပေးနိုင်ပါပြီ။

No comments:

Post a Comment