Wednesday, 29 June 2016

ကြက်ဥဆားစိမ်နှင့် ကြက်ဥဆားစိမ်သုပ်







စားလို့ကောင်းတယ်ဆိုပေမဲ့ အငံများတဲ့အတွက် သွေးတိုးရှိသူတွေနဲ့ မသင့်တော်တဲ့ အသုပ်တမျိုးပါ မာမာကတော့ အငံပေါ့အောင် ခရမ်းချဉ်သီးအစိမ်းနဲ့ရောပြီး သုပ်ထားပါတယ် ဒီအတိုင်းဘဲစားစား ထမင်းပူပူနဲ့စားစား လိုက်ဖက်လွန်းတဲ့ ကြက်ဥဆားစိမ် အသုပ်တမျိုးအတွက် ဆားရည်စိမ်နည်းနဲ့ အသုပ်သုပ်နည်းကို မျှဝေလိုက်ပါတယ်။

ကြက်ဥဆားစိမ်ရန် ပါဝင်ပစ္စည်းများ

  • ကြက်ဥ - ၁၀လုံး
  • ဆား - 250ml
  • ရေ - 1000ml
ပြင်ဆင်ပုံ
  1. ကြက်ဥများကို ရေစင်အောင်ဆေးပြီး ခြောက်အောင်သုပ်ထားပါ
  2. ကြက်ဥဆားစိမ်ရန် ဖန်ပုလင်းတလုံးကို ရေဆေးပြီး သန့်စင်ထားပါ
  3. အိုးတလုံးထဲမှာ ဆားနှင့်ရေကိုထည့်ပြီး ဆားများပျော်သွားအောင် ကျိုပေးပါ
  4. ဆားများ ပျော်သွားပါက မီးဖိုပေါ်မှချကာ အအေးခံထားပါ
  5. ကြက်ဥများကို ပုလင်းထဲမှာ စီပြီးထည့်ပါ
  6. ကြက်ဥထည့်ထားသော ပုလင်းထဲသို့ အအေးခံထားသော ဆားရည်ကို လောင်းထည့်ပါ
  7. ကြက်ဥများကို မြုပ်အောင်ထည့်ပေးပါ
  8. ကြက်ဥများ ပေါလောပေါ်မနေစေရန် ကြက်ဥအပေါ်မှ ကြွေပန်းကန် ခပ်သေးသေးလေးကို မှောက်ပြီး အုပ်ပေပြီးမှ အဖုံးကိုဖုံးပါ
  9. ပြီးပါက အခန်းအပူချိန်အတိုင်း ၂၀ရက်မှ ရက်၂၅အတွင်းထားရင် ကြက်ဥဆားစိမ်ကိုရပါပြီ
  10. ဆားအငံ ခပ်ပေါ့ပေါ့ စားချင်ရင်တော့ ရက်၂၀လောက်ဆို စားလို့ရပါပြီ
ကြက်ဥဆားစိမ် အသုပ်သုပ်ရန်
  • ကြက်ဥဆားစိမ်၃လုံးကို ရေမြုပ်အောင်ထည့်ပြီး ၁၀မိနစ်လောက်ပြုပ်ကာ အအေးခံထားပါ
  • ကြက်ဥအေးတာနဲ့ အခွံခွာပြီး ထက်ခြမ်းခြမ်းပေးထားပါ
  • ခရမ်းချဉ်သီး ၂လုံးကို ရေဆေးပြီး ခပ်ပါးပါးလှီးထားပါ
  • ကြက်သွန်နီ အနေတော်တလုံးကို အခွံခွာပြီး ခပ်ပါးပါးလှီးကာ ရေဆေးထားပါ
  • ငရုတ်သီးစိမ်း စားနိူင်သလောက်ကို ခပ်ပါးပါးလှီးထားပါ
  • အားလုံးအဆင်သင့်ဖြစ်တာနဲ့ ဇလုံတခုထဲမှာထည့်ပြီး အရသာမှုန့် လက်ဖက်ရည်ဇွန်း တ၀က်နှင့် ပဲဆီစိမ်း ထမင်းစားဇွန်း၂ဇွန်း ထည့်ကာ ခပ်ဖွဖွနယ်ပေးပြီးပါက ကြက်ဥဆားစိမ်အသုပ်လေးကို စားနိူင်ပါပြီ။

No comments:

Post a Comment