ဆီထမင်းပူပူလေး စားချင်တာနဲ့ မြန်မြန်ကျက်ရင် မြန်မြန်လေး စားရတယ်ဆိုပြီး မိုက်ခရိုဝေ့နဲ့ ဆီထမင်း ချက်ဖြစ်သွားပါတယ် ဗိုက်ခရိုဝေ့ မီးဖိုနဲ့ ချက်တဲ့နည်းက ဆီထမင်းချိုး မရတာကလွဲလို့ ကျန်တာတွေ အကုန်အဆင်ပြေတဲ့ ဆီထမင်း ချက်နည်းလေးကို မျှဝေလိုက်ပါတယ်။
ပါဝင်ပစ္စည်းများ
- ကောက်ညှင်းဆန် - ထမင်းပေါင်းအိုး ဆန်ချင်ဗူး နှစ်ဗူး
- ရေ - ထမင်းပေါင်းအိုး ဆန်ချင်ဗူး သုံးဗူး
- ဆီ - ထမင်းစားဇွန်း လေးဇွန်း
- နနွင်းမှုန့် - လက်ဖက်ရည်ဇွန်း သုံးပုံတစ်ပုံ
- ဆား - လက်ဖက်ရည်ဇွန်း သုံးပုံ နှစ်ပုံ
- ကြက်သွန်နီ - ဥအသေး သုံးလုံး ( ဥအကြီးသုံးပါက တစ်လုံးဆိုရပါတယ်)
- အချိုမှုန့် - လက်ဖက်ရည်ဇွန်း တစ်ဝက် (မထည့်လဲရ)
- မိုက်ခရိုဝေ့မီးဖိုသုံး ဇောက်နက်သည့် ဗူး - တစ်ခု
ပြင်ဆင်ပုံ
- ကောက်ညှင်းဆန်ကို ရေဆေးပြီး ရေစစ်ထားပါ
- ကြက်သွန်နီကို အခွံခွာပြီး ရေဆေးတားပါ
- ကြက်သွန်နီ အလုံးကြီးကို သုံးပါက ရှစ်စိတ်စိတ်ထားပါ
- ဒယ်အိုးထဲ ဆီကိုထည့်ပြီး ဒယ်အိုးကို အပူပေးပါ
- ဆီပူလာတာနဲ့ နနွင်းမှုန့်ထည့်ပြီး ကောက်ညှင်းဆန်ကို ထည့်ကြော်ပါ
- ကြော်နေစဉ် အဆက်မပြတ် မွှေပေးပြီး ဆန်သားကြည်လာတဲ့အထိ မွှေပေးပါ
- ဆန်သားကြည်လာပြီ ဆိုတာနဲ့ မိုက်ခရိုဝေ့ချက်တဲ့ ဗူးထဲသို့ ပြောင်းထည့်ပါ
- ကောက်ညှင်းဆန်ကြော်နဲ့အတူ ဆား အချိုမှုန့် ကြက်သွန်နီ ရေ တစ်ဗူးခွဲတို့ကို ထည့်ပြီး အဖုံးကို ခပ်ဟဟလေးထားကာ လေးမိနစ်တည်ပေးပါ
- လေးမိနစ်ပြည့်တာနဲ့ အပြင်ခနထုတ်ပြီး အထက်အောက် သမအောင် မွှေပေးပါ
- ကျန်နေတဲ့ ရေတစ်ဗူးခွဲကို ထပ်ထည့်ပြီး အထက်ပါ ပုံစံအတိုင်း နောက်ထပ် လေးမိနစ်ထပ်ထည့်ပါ
- လေးမိနစ်ပြည့်တာနဲ့ အပြင်ထုတ်ပြီး ကြည့်ပါ
- အသုံးပြုသော ကောက်ညှင်းဆန် မတူနိူင်တဲ့အတွက် မာနေသေးရင် ရေအနည်းငယ်ထပ်ထည့်ပြီး နှစ်မိနစ်လောက် တည်ပေးပါ
- ပြီးတာနဲ့ အရသာ ကောင်းမွန်တဲ့ ကောက်ညှင်းဆီထမင်း မွှေးမွှေးလေး ရပါပြီ။
No comments:
Post a Comment