Friday 17 June 2016

ဆိတ်သားကင်



ဒီအတိုင်းလေးဘဲ စားရင်ကောင်းမလား ရေနွေးကြမ်းလေးနဲ့ သောက်ရင်ကောင်းမလား ထမင်းပူပူလေးနဲ့ စားရင်ကောင်းမလား အတွေးတွေ နယ်ချဲ့ရင်းနဲ့ နောက်ဆုံးတော့ နှစ်သက်သလို သုံးဆောင်နိူင်ဖို့ ဆိတ်သားခြောက်မွှေးမွှေးလေး မီးကင်ဖြစ်လို့ အခြောက်လှန်းနည်း မီးကင်နည်းလေး မျှဝေပေးလိုက်ပါတယ်။

ပါဝင်ပစ္စည်းများ

  1. ဆိတ်သား - 1 kg
  2. သံပုရာသီး - တစ်လုံး
  3. ခနော ကြက်သားမှုန့် - လက်ဖက်ရည်ဇွန်း တစ်ဇွန်း
  4. ဆား - လက်ဖက်ရည်ဇွန်း သုံးပုံတစ်ပုံ
  5. နနွင်းမှုန့် - လက်ဖက်ရည်ဇွန်း သုံးပုံတစ်ပုံ
  6. ချင်းအရည် - ထမင်းစားဇွန်း တစ်ဇွန်း
  7. ဆီ - လိုသလောက်

ပြင်ဆင်ပုံ
  • ဆိတ်သားကို  ရှည်ရှည် အမြှောင်းလေးတွေ လှီးပေးပါ
  • ဆိတ်သား အနံ့ပျောက်စေရန် သံပုရာရည်နှင့်နယ်ကာ ရေစင်အောင်ဆေးပြီး ရေခြောက်အောင် paper towel နှင့်သုတ်ပေးပါ
  • ရေခြောက်တာနဲ့ ခနောကြက်သားမှုန့် ဆား ချင်းကိုထောင်းပြီး ယူထားသော  ချင်းအရည် နနွင်းမှုန့်တို့ထည့်ကာ အရသာဝင်အောင် နယ်ပြီး နေပူပူမှာ ခြောက်သွေ့နေအောင် လှန်းထားပေးပါ
  • နေအပူရှိန် အပေါ်မူတည်ပြီး အနည်းဆုံး ၄ရက်လောက် လှန်းပေးပါ
  • ခြောက်သွေ့လာပြီဆိုတာနဲ့ မီးသွေးမီးဖိုပေါ်မှာ ကင်ပြစ်ပေါ်တင်ပြီး မီးအေးအေးနဲ့ ကင်ပေးပါ
  • ကင်နေစဉ် အသားများ အကျက်ညီစေရန် လှည့်လှည့်ပေးပါ
  • အသားများ ကျက်လာပြီဆိုရင် မီးဖိုပေါ်ကဖယ်ထားပါ
  • အသားများပူနေတုန်း သစ်သားငရုတ်ကျည်ပွေ့နှင့် စဥ့်နီတုံးပေါ်တင်ပြီး ထုပေးပါ
  • အသားများ မွလာပြီဆိုတော့မှ အသားမျှင်များရအောင် ထွင်ပေးပါ
  • ပြီးတော့မှ ပဲဆီမွှေးမွှေးလေး စိမ်ပြီး နှစ်သက်သလို စားသုံးနိူင်ပါပြီ
  • ထိုနည်းအတိုင်း အမဲသား သိုးသားတို့ကိုလဲ ကြော်နိူင်ပါတယ်။

No comments:

Post a Comment