Friday 8 September 2017

မှိုအစပ်ဟင်း



မနေ့က ဈေးကိုသွားတော့ shimeji မှိုလေးတွေ ရလာခဲ့တယ် အိမ်ရောက်တော့ မှိုကြိုက်တဲ့ သမီးကို ဘယ်လိုလေး စားချင်လဲလို့ မေးလိုက်တယ် ငရုတ်သီးလေးနဲ့ အစပ်လေး ချက်စားရင် ကောင်းမယ်တဲ့။

ဒါနဲ့ဘဲ ဝါးလိုက်ရင် ဝါးလို့ကောင်း စားလို့ကောင်းတဲ့ မှိုလေးကို ခပ်စပ်စပ်လေး ချက်ပေးလိုက်မိတယ် သတ်သတ်လွတ် ဟင်းလေးဖြစ်လို့ လွယ်ကူမြန်ဆန် မာမာ ချက်တဲ့နည်းလေး မျှဝေလိုက်ပါတယ်၊၊

ပါဝင်ပစ္စည်းများ

  • မှို - 500g
  • ငရုတ်သီး အရောင်တင်မှုန့်အစပ် - လက်ဖက်ရည်ဇွန်း တ၀က်
  • ဆား - လက်ဖက်ရည်ဇွန်း တ၀က်
  • ဆီ - ထမင်းစားဇွန်း ၂ဇွန်း
  • နနွင်းမှုန့် - လက်ဖက်ရည်ဇွန်း သုံးပုံတပုံ
  • ကြက်သွန်ဖြူ -၂မွှာ
  • ကြက်သွန်နီ - တခြမ်း
ပြင်ဆင်ပုံ
  1. မှိုကို ရေဆေးပြီး ခပ်ပါးပါး လှီးထားပါ
  2. ကြက်သွန်နီကို အခွံခွာပြီး ရေဆေးပြီးမှ ခပ်ပါးပါးလှီးပါ
  3. ကြက်သွန်ဖြူကို အခွံခွာပြီး ရေဆေးကာ ဓါးပြားရိုက်ထားပါ
  4. ဒယ်အိုးတလုံးကို အပူပေးပါ ဆီပူလာပါက နနွင်းမှုန့်ထည့်ပါ
  5. ပြီးတာနဲ့ ကြက်သွန်နီ ကြက်သွန်ဖြူကို နွမ်းရုံလေး ဆီသတ်ပါ
  6. ကြက်သွန်များ နွမ်းတာနဲ့ ငရုတ်သီးမှုန့်ကိုထည့်ကြော်ပါ
  7. ငရုတ်သီးနံ့ သင်းလာတာနဲ့ ဆားနှင့် မှိုကိုထည့်ကြော်ပါ
  8. မှိုများနွမ်းလာတာနဲ့ အရည်အနည်းငယ်ထည့်ကာ ရေဆူအောင် တည်ပေးပါ
  9. ရေပွက်ပွက်ဆူလာတာနဲ့ ကိုယ်လိုချင်သလောက် ရေထည့်ကာ အရသာမြည်း၍ လိုသလိုပြင်ပေးပါ
  10. ရေလဲပွက်ပွက်ဆူလာပြီး အရသာလဲ အနေတော်ရပြီဆိုရင် မှိုအစပ်ဟင်းကို သုံးဆောင်နိူင်ပါပြီ။

No comments:

Post a Comment