သရက်သီးစိမ်းလေးတွေကို သရက်ချဉ်လုပ်ပြီး သိမ်းချင်တာနဲ့ တနေ့က အချဉ်ထဲ့ဖြစ်ပါတယ် လုပ်နည်းလေးက လွယ်ပါတယ် မာမာ့ blog မှာလဲ တခါတင်ဖူးပြီးသားပေမဲ့ သရက်သီး ပေါ်ချိန်မှာ သတိတရ လုပ်စားနိူင်အောင် သရက်ချဉ်လုပ်နည်းလေး ပြန်လည်ကာ မျှဝေပေးလိုက်ပါတယ်ရှင်။
- သရက်သီးစိမ်း - 1 kg
- ဆား - ထမင်းစားဇွန်း ၄ဇွန်း
ပြင်ဆင်ပုံ
- သရက်သီးများကို အထက်ပါ ပုံအတိုင်း ထိပ်ဖက်မှ အညှာကိုလှီးကာ ရေဆေးပြီး အစေးများ ထွက်စေရန် အလုံးလိုက် ရေ တနာရီလောက် စိမ်ထားပါ
- ပြီးလျှင် ပုံပါအတိုင်း အလုံးလိုက်ကို ခပ်ထူထူ အပြားအချပ်လေးတွေရအောင် လှီးပေးပါ
- ပြီးတာနဲ့ အထက်ပါ ပုံအတိုင်း သရက်သီး အချပ်လေးတွေ သုံးချပ်လောက် ထပ်ပေးကာ ခပ်ရိပ်ရိပ်ပါးပါး ရှည်ရှည်လေးတွေ လှီးပေးပါ
- ပါးပါးရှည်ရှည်လေးတွေ လှီးထားသော သရက်သီးစိမ်းများကို နွမ်းသွားအောင် ဇလုံတလုံးထဲမှာထည့်ပြီး ဆားနှင့် ခပ်ဖွဖွနယ်ပေးပါ
- သရက်သီးများ ဆားနယ်လို့ ထွက်လာသည့် အရည်များနှင့် သရက်သီးများကို အိတ်တစ်လုံးထဲမှာ ထည့်ပေးပြီး အိတ်ကို ပိတ်ပေးပါ
- ပြီးတာနဲ့ သရက်သီး ထည့်ထားသောအိတ်ကို ဒုတ်ချွန်လေးဖြင့် အပေါက်သေးသေးလေးတွေ လိုက်ဖောက်ပေးပါ
- ထိုအိတ်ကို ဇလုံတလုံးထဲထည့်ပြီး လေးသောပစ္စည်း တစ်ခုခုဖြင့် ဖိထားပေးပါ
- လေးလေ သရက်ချဉ်က ကောင်းလေမို့လို့ ခပ်လေးလေးနှင့် ဖိပေးကာ အခန်းအပူချိန်ထဲမှာ ထားပေးပါ
- ပုံပါအတိုင်း သရက်သီးဖတ်များကို ထွက်လာသော ဆားအရည်ထဲမှာ တရက်လောက် စိမ်ပြီးထားပေးပါ
- ဆားအရည်စိမ်တာ တရက်လောက် ရတာနဲ့ ဇလုံထဲမှ အရည်များကို သွန်ပေးပါ
- ပြီးလျှင် သရက်သီးမှ အချဉ်ရည်များ ထပ်ထွက်သွားစေရန် အထက်ပါ နည်းအတိုင်း ၂ ရက်လောက် ထပ်ပြီးထားပေးပါ
- ပြီးတာနဲ့ ထွက်လာသော အရည်များ သွန်ပေးကာ အချဉ်အရသာ အနေတော် ဖြစ်နေတဲ့ သရက်ချဉ်ကို ရပါပြီ
- ထိုသရက်ချဉ်ကို ဖန်ပုလင်းထဲသို့ ပြောင်းထည့်ကာ ရေခဲသေတ္တာထဲမှာထည့်ပြီး သိမ်းထားနိူင်သလို သုပ်စား ချက်စား ကြော်စား မိမိနှစ်သက်သလို ပြင်ဆင်ပြီး စားသုံးနိူင်ပါပြီ။
No comments:
Post a Comment