Monday 18 September 2017

ဝက်ခေါက်ကြော်








ဝက်ခေါက်ကြော် စားချင်လို့ တစ်ခါတစ်လေလေး ကြော်ပါတယ် ဇကောတစ်ချပ်နဲ့ကာလိုက် ပြေးလိုက်ရတာ အမောပါဘဲ ဆီကပေါက်လိုက် ဇကောနဲ့ကာလိုက် ဆီစင်မှာဆိုးလို့ ပြေးလိုက် ကြော်ပြီးပြန်တော့ ဆေးလိုက်ရတဲ့ မီးဖိုနဲ့ ကြမ်းပြင်တစ်ခုလုံးကို နာရီနဲ့ချီပြီး ဆေးလိုက်ရပေမဲ့ အချိန်တန်တော့လဲ ဝက်ခေါက်ကြော်လေးတော့ ဖြစ်လာတာပါဘဲ။

ပါဝင်ပစ္စည်းများ

  1. ဝက်ခေါက် - 1 kg
  2. ဆား - လက်ဖက်ရည်ဇွန်း တစ်ဇွန်း
  3. အချိုမှုန့် - လက်ဖက်ရည်ဇွန်း တစ်ဇွန်း
  4. သစ်ဂျပိုးခေါက် - တစ်လက်မခန့် 
  5. နာနတ်ပွင့် - ၃ ပွင့်
  6. ကရဝေးရွက် - ၅ရွက်
  7. ဖာလာစေ့ - ၃စေ့
  8. ဆီ - ၀က်ခေါက်မြုပ်လုနီးပါးထည့်ရန်

ပြင်ဆင်ပုံ
  • ဇောက်နက်သော အိုးတစ်လုံးထဲမှာ ၀က်ခေါက်မြုပ်နိူင်ရုံ ရေတစ်ဝက် သာသာထည့်ပြီး ပွက်ပွက်ဆူအောင် တည်ပေးပါ
  • ရေပွက်ပွက် ဆူတာနဲ့ ၀က်ခေါက် ကရဝေးရွက် ဖာလာစေ့ ဆား နာနတ်ပွင့်နှင့် သစ်ဂျပိုးခေါက်ကို ထည့်ပေးပါ
  • အိုးအဖုံးကို အပြည့်မအုပ်ဘဲ မိနစ်၃၀ခန့် ပြုပ်ပေးပါ
  • ၀က်ခေါက်ပြုပ်ထားစဉ် ထွက်လာသော အမြှုပ်များကို ခပ်ပြီးသွန်ပေးပါ 
  • အခေါက်ပျော့လာပါက ရေထဲမှဆယ်ပြီး အခေါက်ကို နေရာအနှံ့ ခက်ရင်းဖြင့် လိုက်ထိုးပေးပါ
  • ၀က်ခေါက်မှ ထွက်လာသော အရည်များကို စစ်ပေးပြီး ခြောက်သွားအောင် ၃ နာရီခန့် လေသလပ် ခံပေးထားပါ
  • လေသလပ် ခံထားသော ဝက်ခေါက်များ ရေစစ်သွားပါက မိမိနှစ်သက်သလို အတုံးလေးတွေ လှီးပေးကာ အချိုမှုန့် ဆားတို့နှင့် သင့်တော်သလို နယ်ပေးပါ
  • အရည်များ ထပ်မံထွက်လာနိုင်သေးတဲ့အတွက် အရည်စစ်နိူင်မည့် ဇကာပေါ်မှာ တင်ပေးထားပါ
  • အားလုံး အဆင်သင့် ဖြစ်ပါက ဇောက်နက်ပြီး အိုးအသားထူသော အိုးတစ်လုံးကို အပူပေးပါ
  • ထိုအိုးထဲကို ဆီထည့်ပြီး အပူပေးပါ
  • ဆီပူလာတာနဲ့ မီးကိုအနေတော် လျှော့ပေးပြီးမှ လှီးထားသော ဝက်ခေါက်ကို နည်းနည်းခြင်း ထည့်ကြော်ပေးပါ
  • ဆီထဲထည့်ပေးပြီးပါက ဝက်ခေါက်မှ ဝက်ဆီများ ပေါက်ထွက်တတ်တဲ့အတွက် အိုးအဖုံးကို ခပ်ဟဟလေး အုပ်ပေးပြီးမှ ကြော်ပေးပါ
  • နောက်တစ်ဖက် လှန်တော့မယ်ဆိုရင် မီးကိုပိတ်ပေးပြီးမှ အိုးအဖုံးကို ဖွင့်ပေးကာ နောက်တစ်ဖက်ကို လှန်ပေးပါ
  • တစ်ဖက်ကို လှန်ပေးပြီးမှ မီးကိုပြန်ဖွင့်ပေးပြီး ဆက်ကြော်ပေးပါ
  • ဆီပေါက်ပြီး လူကိုစင်စေနိူင်တဲ့အတွက် သတိထားပြီး ကြော်ပေးပါ
  • မိမိလှီးထားသော ဝက်ခေါက်အထူ အပါးအပေါ် မူတည်ပြီး ကြော်ချိန်ကို ချင့်ချိန်ပြီး ကြော်ပေးပါ
  • တစ်ခါတရံ မိမိသုံးသော မီးဖို အပူချိန် ကွာဟမှု ရှိနိူင်သောကြောင့် ကြော်ချိန်ကိုလဲ လိုတိုးပိုလျှော့ လုပ်ပေးပါ
  • ဝက်ခေါက်များ မွပြီးကြွတ်လာကာ အညိုရောင်ဘက် သန်းလာပါက ဆီစစ်ဇကာထဲသို့ ဆယ်ပြီးဆီစစ်ပေးပါ
  • ဆီစစ်ပြီး အေးသွားပါက ဝက်ခေါက်ကြော် ကြွတ်ကြွတ်မွှေးမွှေးလေးကို မိမိနှစ်သက်သလို ရှမ်းခေါက်ဆွဲ မုန့်တီနှင့် အချဉ်နှင့် တို့ပြီးစားနိူင်ပါပြီ။

No comments:

Post a Comment