အရင်တစ်ပါတ်က နွားနိူ့တွေ ဝယ်ထားတာ မနေ့ကထိ မကုန်လေတော့ သုံးရမဲ့ ရက်စွဲကလဲ ကုန်ခါနီးနေပြီ ဒီတော့ကာ ပြစ်လိုက်ရမဲ့ အတူတူဆိုပြီး မလိုင်ကျိုဖြစ်သွားပါတယ် မလိုင်ကျိုတဲ့အခါ full cream milk ကို ကျိုတာ မလိုင်များများ ပိုရပါတယ်။
အချိန်လေးပေးပြီး ကျိုရတဲ့အတွက် ကျိုရကျိုးနပ်အောင် စားလို့အရမ်းကောင်းတဲ့အတွက် မာမာကျိုတဲ့နည်းလေးကို မျှဝေပေးလိုက်ပါတယ်။
အချိန်လေးပေးပြီး ကျိုရတဲ့အတွက် ကျိုရကျိုးနပ်အောင် စားလို့အရမ်းကောင်းတဲ့အတွက် မာမာကျိုတဲ့နည်းလေးကို မျှဝေပေးလိုက်ပါတယ်။
ပြင်ဆင်ပုံ
- နွားနိူ့ နှစ်လီတာ (full cream milk) ကို အိုးအသားထူပြီး အိုးကြီးကြီးထဲမှာထဲ့ကာ မီးအနေတော်နှင့် ကျိုပေးပါ
- အသုံပြုမည့် အိုးအသား ပါးပါက နိူ့များခနလေးနဲ့ တူးကပ်သွားနိူင်ပါတယ်
- မီးအပူရှိန် အရမ်းပြင်းပါကလဲ နိူ့ များဝေကျတတ်သလို မလိုင်မတက်ဘဲ နိူ့အိုးအောက်ခြေတွင် ချိုးတူးခြင်းများ ဖြစ်တတ်တဲ့အတွက် မီးမပြင်းအောင် သတိပြုပေးပါ
- နွားနိူ့အိုး ပွက်ပွက်ဆူလာလျှင် မီးကို အနည်းငယ်လေး ထပ်လျှော့ပေးပါ
- နွားနိူ့အိုး မီးခပ်မျှင်းမျှင်းလေးနဲ့ ဆူနေချိန်မှာ တက်လာသည့် မလိုင်များကို ဘေးတစ်ဖက်ကိုတွန်းကာ ပန်းကန်တစ်ခုထဲ ခပ်ပြီးထည့်ထားပေးပါ
- နွားနိူ့မလိုင်တက်ရန် မီးမျှင်းမျှင်းလေးနှင့် ကျိုတဲ့အတွက် နို့ကျိုချိန် အချိန်ကြာနိူင်ပါတယ်
- ဒါကြောင့်မို့လို့ တစ်ခြားအလုပ်လဲ လုပ်နေရင်း ကျိုထားနိူင်ပါတယ်
- မကြာမကြာ သတိထားပြီး နိူ့မလိုင်များကို ခပ်ခပ်ပေးပါ
- တစ်ခါခပ်ပေးလိုက် ခနနေ မလိုင်က ပြန်တက်လာလိုက်မို့လို့ မလိုင်များကို မကြာခန ခပ်ခပ်ပြီး ထုတ်ပေးပါ
- ထိုနည်းအတိုင်း နွားနိူ့ကုန်အောင် ကျိုနေရင်း ရလာသော မလိုင်များကို ခပ်ခပ်ပေးလို့ ရလာတဲ့ နိူ့မလိုင် စိမ့်စိမ့်မွှေးမွှေးလေးကို မိမိနှစ်သက်သလို စားသုံးနိူင်ရန် ပြင်ဆင်ပေးဖို့ ရလာမှာ ဖြစ်ပါတယ်။
No comments:
Post a Comment