ဒီနေ့တော့ ဘဲတကောင် ၀ယ်ထားတာ ဘယ်လိုလေး ချက်စားရပါ့မလဲ စဉ်းစားရင်း အမေချက်တဲ့ ဘဲသားမဆလာ အရသာမွှေးမွှေးလေးကို သတိရမိသွားခဲ့တယ် ဒါကြောင့်မို့လို့ ဘဲသားဆီပြန်ဟင်းကို မဆလာမွှေးမွှေးလေးအုပ်ပြီး ဟင်းတပွဲအတွက် ပြင်ပါမယ်။
ပါဝင်ပစ္စည်းများ
- ဘဲသား - အနေတော် ၁ခြမ်း
- ကြက်သွန်နီ - အနေတော် ၃လုံး
- ကြက်သွန်ဖြူ - အမွှာကြီးကြီး ၅မွှာ
- ချင်း - လက်တဆစ်ခန့်
- ငရုတ်သီး အခြောက်တောင့် - ၅တောင့်ခန့်
- ဆား - လက်ဖက်ရည်ဇွန်း တ၀က်သာသာ
- ဆီ - စားပွဲတင်ဇွန်းကြီး တဇွန်း
- နနွင်းမှုန့် - လက်ဖက်ရည်ဇွန်း သုံးပုံတပုံ
- ဟင်းခတ်မှုန့် - လက်ဖက်ရည်ဇွန်း တဇွန်း
- ငရုတ်သီး အရောင်တင်မှုန့် - လက်ဖက်ရည်ဇွန်း တဇွန်း
- မဆလာ - ထမင်းစားဇွန်း တဇွန်း
ပြင်ဆင်ပုံ
- ဘဲသားကို ရေဆေးပြီး အနေတော် အတုံးလေးများ တုံးပေးပါ
- တုံးထားသော ဘဲသားကို ဆား ဟင်းခတ်မှုန့် နနွင်းမှုန့် ငရုတ်သီး အရောင်တင်မှုန်တို့ဖြင့် အရသာနယ်ပြီး နှပ်ထားပါ
- ကြက်သွန်နီကို အခွံခွာပြီး ရေဆေးထားပါ
- ချင်းကိုအခွံခွာပြီး ရေဆေးထားပါ
- ကြက်သွန်ဖြူကို အခွံခွာပြီး ရေဆေးထားပါ
- ငရုတ်သီး အခြောက်တောင့်ကို အညှာခြွေပြီး ပျော့သွားအောင် ရေစိမ်ထားပါ
- ကြက်သွန်နီ ကြက်သွန်ဖြူ ချင်း ငရုတ်သီး အခြောက်တောင့်တို့ကို ညက်နေအောင် ထောင်းထားပါ
ချက်ပြုပ်ပုံ
- ဒယ်အိုးတလုံးမှာ ဆီကိုထည့်ပြီး အပူပေးပါ
- ဆီပူလာပါက ထောင်းထားသော ငရုတ်သီးထောင်းကို ထည့်ပြီးဆီသတ်ပေးပါ
- ဆီသတ်နံ့ မွှေးလာပါက အရသာနယ်ထားသော ကြက်သားများကို ထည့်ပြီးမွှေပေးပါ
- ဘဲသား အပေါ်ယံကြောတွေ မာတင်းလာအောင် ဆီသတ်ပေးပြီးမှ အိုးအဖုံးကိုပိတ်ကာ တည်ပေးပါ
- ဆီသံလေး ကြားလာတာနဲ့ အိုးမကပ်စေရန် အိုးကိုအသာလေး လှုပ်ပေးပြီး ရေအနည်းငယ်ထည့်ပြီး တည်ပေးပါ
- ထည့်ထားသော ရေခမ်းတာနဲ့ ဘဲသားနူးအောင် ရေအနည်းငယ်စီ ထပ်ထပ်ထည့်ပြီး တည်ပေးပါ
- ဘဲသားနှုးအိလာပြီဆိုတာနဲ့ အရသာမြည်းပြီး လိုသလို ပြင်ပေးကာ ဆီလည်ရေလည်ရအောင် တည်ပေးပါ
- ဆီလည်ရေလည် အနေတော် ရသွားပြီဆိုမှ မဆလာအုပ်ပြီး နှံ့အောင်မွှေပေးကာ ဆီပြန်အောင် တည်ပေးပြီ အရသာရှိသော ဘဲသားမဆလာအုပ် ဆီပြန်ဟင်း မွှေးမွှေးလေးကို စားပွဲပြင်ပေးပါ။
No comments:
Post a Comment