ဒီနေ့တော့ သတ်သတ်လွတ် ကန်စွန်းဥ ခေါက်ဆွဲလေး ကြော်ပါတယ် အသားမပါပေမဲ့ ကန်စွန်းဥ ခေါက်ဆွဲရဲ့  တစ်ထုတ်ထုတ် အရသာလေးကြောင့် စားလို့အရမ်းကောင်းပါတယ် ဒါကြောင့်မို့လို့ မာမာပြင်ဆင်ပြီး ကြော်ထားတဲ့ ကန်စွန်းဥ ခေါက်ဆွဲကြော်နည်းလေးကို မျှဝေပေးလိုက်ပါတယ်ရှင်။
ပါဝင်ပစ္စည်းများ
- ကန်စွန်ဥခေါက်ဆွဲခွေ - သုံးခွေ
- မုန့်ညှင်းဖြူ - အနေတော် ငါးဖတ်ခန့်
- ဂေါ်ဖီ - တစ်စိတ်
- ကြက်သွန်ဖြူ - အမွှာကြီးကြီး သုံးမွှာ
- ကြက်သွန်မိတ် - နှစ်ပင်
- ဆီ - ထင်းစားဇွန်း ရှစ်ဇွန်း
- ဆား - လက်ဖက်ရည်ဇွန်း တစ်ဝက်သာသာ
- သကြား - ထမင်းစားဇွန်း တစ်ဇွန်း
- နှမ်းဆီ - လက်ဖက်ဇွန်း တစ်ဝက်
- ပဲငံပြာရည် အပျစ် - ထမင်းစားဇွန်း နှစ်ဇွန်း
- ပဲငံပြာရည် အကျဲ - ထမင်းစားဇွန်း တစ်ဇွန်း
ပြင်ဆင်ချက်ပြုပ်ပုံ
- ဇလုံတစ်လုံးထဲမှာ ကန်စွန်းဥခေါက်ဆွဲကို ရေမြုပ်အောင်ထည့်ပြီး နှစ်နာရီလောက် စိမ်ထားပါ
- ရေစိမ်ပြီးတာနဲ့ ဇောက်နက်သော အိုးထဲမှာ ရေ 8 cups ထည့်ပြီး ပွက်ပွက်ဆူအောင် တည်ပေးပါ
- ရေပွက်ပွက် ဆူလာပါက ရေစိမ်ထားသော ကန်စွန်းဥ ခေါက်ဆွဲကို ရေစစ်ပြီး ထည့်ပေးပါ
- ခေါက်ဆွဲဖတ် အနေတော် အနေအထား ရပါက ဇကာထဲ သွန်ချကာ ခေါက်ဆွဲဖတ်များ အေးလာတဲ့ထိ ရေဆေးပေးပါ
- ရေဆေးပြီးတာနဲ့ ခေါက်ဆွဲဖတ်များ ရေစင်အောင် စစ်ထားပေးပါ
- ရေစစ်တာနဲ့ခေါက်ဆွဲဖတ်များကို ဇလုံကျယ်ကျယ်ထဲ ထည့်ကာ ဆား အရသာမှုန့် ပဲငံပြာရည်အပျစ် ပဲငံပြာရည်အကျဲ နှင့် နှမ်းဆီတို့ ထည့်ပေးပြီး အရသာ သမအောင် နယ်ပေးပါ
- ဂေါ်ဖီကို ရေဆေးပြီး ခပ်ထူထူလေးတွေ လှီးပေးကာ ရေစစ်ထားပေးပါ
- မုန့်ညှင်းဖြူ ကို မထူမပါးလေးတွေ လှီးပေးပြီး ရေစစ်ထားပါ
- ကြက်သွန်မိတ်ကို ရေဆေးပြီး ခပ်ထူထူး လှီးပေးထားပါ
- ကြက်သွန်ဖြူ ကို အခွံခွာပြီး အလုံးလိုက် ရေဆေးပြီး ဓါးပြားရိုက်ကာ ခပ်နုတ်နုတ် လှီးပေးပါ
- အောက်ခြေမကပ်သော ဒယ်အိုးကို အပူပေးပါ အိုးပူလာပါက ဆီထည့်ပေးပါ
- ဆီပူလာတာနဲ့ သကြားကို အရင်ထည့်ကြော်ပါ
- သကြားပျော်လာပြီး အညိုရောင် ပြောင်းလာတာနဲ့ကြက်သွန်ဖြူကို အရင်ဆုံး ထည့်ကြော်ပါ
- ကြက်သွန်ဖြူ အနံ့လေး မွှေးလာတာနဲ့ ဂေါ်ဖီနှင့် မုန့်ညှင်းဖြူတို့ကို ထည့်ကြော်ပေးပါ
- ဂေါ်ဖီနှင့် မုန့်ညှင်းဖြူ များ အရမ်းနူးမသွားစေရန် နှစ်မိနစ်လောက် ကြော်ပြီးတာနဲ့ အရသာ နယ်ထားသော ခေါက်ဆွဲကို ထည့်ကြော်ပေးပါ
- အသီးအရွက်များနှင့် ခေါက်ဆွဲတို့ကို သမသွားအောင် မွှေပေးပါ
- တစ်မိနစ်လောက် မွှေပြီးတာနဲ့ ကြက်သွန်မိတ်ထည့်ပြီး မိနစ်ဝက်လောက် ကြော်ပြီးတာနဲ့ သတ်သတ်လွတ် ကန်စွန်းဥ ခေါက်ဆွဲကြော်လေးကို ရပါပြီ
- အပေါ့အငံကို အရသာကို မီးဖိုပေါ်က မချခင် မြည်းပေးပြီး လိုသလို ပြင်ပေးကာ ကန်စွန်းဥ ခေါက်ဆွဲကြော် ပူပူလေးကို သုံးဆောင်နိူင်ပါပြီ။
No comments:
Post a Comment