သာကူပေါင်း စိမ့်စိမ့်လေး

အခုရက်ထဲ COVID 19 ကြောင့် အပြင်မထွက်ရလေတော့ အိမ်မှာရှိတာလေးတွေဘဲ ချက်လိုက်ပြုပ်လိုက် မုန့်လေးတွေ လုပ်လိုက်နဲ့ အချိန်တွေကို ကုန်စေခဲ့ပါတယ် ဒါကြောင့်မို့လို့ ဒီနေ့တော့ သာကူကျိုပြီး သာကူပြန်ပေါင်းလုပ်စားဖြစ်လို့ မာမာပြင်ဆင်ပြီး မုန့်လုပ်ဖြစ်တဲ့ နည်းလေးကို မျှဝေပေးလိုက်ပါတယ်ရှင်။

ပါ၀င်ပစ္စည်းများ

1. သာကူ - မုန့်လုပ်ရာတွင် ချင်တွယ်သောခွက် ၂ခွက်
2. ရေ - မုန့်လုပ်ရာတွင် ချင်တွယ်သောခွက်၂ခွက်
3. ဆွမ်းမွှေးရည် - မုန့်လုပ်ရာတွင် ချင်တွယ်သောခွက် တစ်ခွက် ( ဆွမ်းမွှေးရွက် ကြိတ်ရန်)
4. ရေ - မုန့်လုပ်ရာတွင် ချင်တွယ်သောခွက် ၈ခွက် (သာကူကျိုရန်)
5. သကြား - မုန့်လုပ်ရာတွင် ချင်တွယ်သောခွက် တစ်ခွက် 
6. ခြစ်ထားသော အုန်းသီးမှုန့် - မုန့်လုပ်ရာတွင် ချင်တွယ်သောခွက် တစ်ခွက်
7. ဆား - လက်ဖက်ရည်ဇွန်း တစ်ဝက်သာသာ
8. ဆွမ်းမွှေးရွက် - ၂ရွက်

ဆႊမ္းေမႊးရည္ၾကိတ္ရန္

• ဆွမ်းမွှေးရွက် ၂ရွက်ကို ရေဆေးပြီး အနေတော် ပိုင်းဖြတ်ပေးပါ
• ဘလန်ဒါထဲမှာ ဆွမ်းမွှေးရွက်နှင့် ရေတစ်ခွက်ကိုထည့်ပြီး ညက်နေအောင် ကြိတ်ပေးပါ 
• ဆွမ်းမွှေးရွက် ညက်သွားနေတာနဲ့ ပိတ်စပါးပါးထဲထည့်ပြီး ဆွမ်းမွှေးရည်ကို ယူထားပါ
• သာကူကျိုနေစဉ် အသုံးပြုသော သာကူများ မတူနိူင်တဲ့အတွက် ရေကို လိုတိုးပိုလျှော့လုပ်ပြီး ကျိုပေးပါ

ပြင်ဆင်ပုံ

• သာကူမကျိုခင် သာကူစေ့များကို ရေမြန်မြန်ဆေးပြီး ရေစစ်ထားပါ
• ရေစိမ်တာ ကြာပါက သာကူများ ကျေကုန်နိူင်ပါတယ်
• ရေနှင့် ဆွမ်းမွှေးရွက်ဖျော်ရည်ကို ရောပြီးဖျော်ထားပါ
• အရင်ဆုံး ဇောက်နက်သော အိုးထဲမှာ ရေ ဆွမ်းမွှေးရည်နှင့် ဆား တို့ကိုထည့်ပြီး ဆူပွက်လာသည်အထိ တည်ပေးပါ
• အရည်များ ဆူပွက်လာလျှင် သာကူကိုထည့်ပြီး အဆက်မပြတ် မွှေပေးပါ
• သာကူစေ့ရဲ့ အလည်မှ အဖြူရောင် ၀တ်ဆံလေးတွေ ပေါ်လာတာနဲ့ မီးဖိုပေါ်မှချပြီး ဇကာထဲကို သွန်ချပေးပါ
• ပြီးတာနဲ့ ရေတစ်ထပ် ဆေးပေးပြီး ရေစစ်ပေးပါ
• သာကူများ ရေစစ်သွားပါက ပန်းကန်တစ်ခုထဲ ပြောင်းထည့်ထားပေးပါ
• ပြီးတာနဲ့ ပေါင်းအိုးထဲ ထည့်ပြီး ၈မိနစ် ပေါင်းပေးပါ
• ပေါင်းချိန်ပြည့်တာနဲ့ ပေါင်းအိုးထဲမှ လေကိုကုန်အောင် ထုတ်ပေးပြီးမှ အိုးအဖုံးကို ဖွင့်ပေးပါ
• သာကူပေါင်းနေစဉ် သကြားပန်းကန်နှင့် အုန်းသီးမှုန့် ပန်းကန်ကို ပြင်ထားပါ
• ဇွန်းနှစ်ချောင်းနှင့် ရေပန်းကန်ကို အဆင်သင့် ပြင်ထားပါ
• ပေါင်းထားသော သာကူပန်းကန်ကို အပြင်ကို ထုတ်ပေးပြီး ရေစွတ်ထားသော ဇွန်းနှင့် ခပ်ပေးပြီး သကြားပန်းကန်ထဲမှာ အရင်ဆုံးလူးပေးပါ
• သကြားလူးပြီးတာနဲ့ အုန်းသီးမှုန့်နှင့် လူးပေးပါ
• အုန်းသီးဖတ်များ လူးပေးပြီးသွားပါက ချိုစိမ့်စိမ့် သာဂူပေါင်းလေးများကို သုံးဆောင်နိူင်ရန် ပြင်ပေးနိူင်ပါပြီ။

မှတ်ချက် ။ ။ သာကူကျိုရာတွင် အသုံးပြုသော သာကူများ မတူနိူင်တဲ့အတွက် ရေကို လိုတိုးပိုလျှော့လုပ်ကာ ချင့်ချိန်ပေးရန် သတိထားပေးပါ

မာမာပြထားသော ပေါင်းအိုးအဆင်သင့် မရှိပါက ဇောက်နက်သော ဒယ်အိုးထဲမှာ ရေတစ်ဝက်လောက်ထည့်ပြီး ပေါင်းခံခုံ တင်ပေးပါ

ထိုခုံပေါ်မှာ သာကူပန်းကန်ကို တင်ပေးကာ အဖုံးအုပ်ပြီး ၈မိနစ်ပေါင်းပေးပါ။