ဒီနေ့တော့ ထမင်းမချက်တော့ဘဲ ခေါက်ဆွဲဘဲ ကြော်စားကြပါမယ် အသီးအရွက်တွေ အများကြီးထည့်ပြီး ကြော်ထားတဲ့အတွက် ထမင်းမပါပေမဲ့ ခေါက်ဆွဲကြော် တစ်ပွဲဆိုရင်လဲ ဗိုက်ဝစေတာမို့လို့ မာမာပြင်ဆင်ပြီး ကြော်ထားတဲ့ နည်းလေးကို မျှဝေလိုက်ပါတယ်ရှင်။
ပါဝင်ပစ္စည်းများ
- ခေါက်ဆွဲအစို - ငါးဆယ်သား
- မုံလာဥနီ - အနေတော် တစ်ဥ
- ဂေါ်ဖီ - အနေတော် တစ်စိတ်
- ဘရော့ကိုလီ - ခြောက်ခက်ခန့်
- ကြက်သွန်နီ - အနေတော်တစ်ဥ
- ကြက်သွန်မိတ် - အပင်ကြီးကြီး နှစ်ပင်
- ကြက်သွန်ဖြူ - အမွှာကြီးကြီး သုံးမွှာ
- ပဲငံပြာရည် အပျစ် - ထမင်းစားဇွန်း တစ်ဇွန်း
- ပဲငံပြာရည် အကြည် - ထမင်းစားဇွန်း တစ်ဇွန်း
- ခရုဆီ - ထမင်းစားဇွန်း တစ်ဇွန်း
- သကြား - ထမင်းစားဇွန်း တစ်ဇွန်း
- ဆား - လက်ဖက်ရည်ဇွန်း တစ်ဇွန်းသာသာ
- ဆီ - ထမင်းစားဇွန်း ကိုးဇွန်းခန့် (ခေါက်ဆွဲကြော်ရန်)
- ဆီ - ထမင်းစားဇွန်း နှစ်ဇွန်း (ကြက်ဥကြော်ရန်)
- ရိုးရိုးရေ - ထမင်းစားဇွန်း ရှစ်ဇွန်း
- တရုတ်နံနံ - မိမိနှစ်သက်သလောက်
- ကြက်ဥ - သုံးလုံး
- ဆား - လက်ဖက်ရည်ဇွန်း သုံးပုံတစ်ပုံ (ကြက်ဥကြော်ထဲထည့်ရန်)
- အရသာမှုန့် - လက်ဖက်ရည်ဇွန်း တစ်ဝက် (ကြက်ဥကြော်ထဲထည့်ရန်)
ကြက်ဥကြော်ရန်
- ဇလုံတစ်လုံးထဲမှာ ကြက်ဥကို ဖောက်ထည့်ပေးပါ
- ကြက်ဥဇလုံထဲမှာ ဆားနှင့် အရသာမှုန့်တို့ကိုထည့်ပြီး ခလောက်ပေးပါ
- ဒယ်အိုးထဲမှာ ဆီထည့်ပြီး အပူပေးပါ
- ဆီပူလာတာနဲ့ ကြက်ဥများကိုဖြန့်ပြီး ထည့်ပေးပါ
- တစ်ဖက်ကျက်မှ တစ်ဖက်ကို လှန်ပေးကာ နှစ်ဖက်လုံးကျက်သွားမှ ဆယ်ပြီးပုံပါအတိုင်း ရအောင် ကပ်ကျေးနှင့် ညှပ်ပေးပါ။
ပြင်ဆင်ချက်ပြုပ်ပုံ
- ခေါက်ဆွဲကို ဇလုံတစ်လုံးထဲထည့်ကာ ဆား လက်ဖက်ရည်ဇွန်း တစ်ဝက် ပဲငံပြာရည်အပျစ်တို့နဲ့နယ်ပေးထားပါ
- ဘရော့ကိုလီကို ရေဆေးပြီး အနေတော်လေးတွေ လှီးထားပါ
- ကြက်သွန်မိတ်ကို ရေဆေးပြီး တစ်လက်မလောက် အရှည်လေးတွေ လှီးထားပါ
- ကြက်သွန်နီကို အခွံခွာပြီး အလုံးလိုက် ရေဆေးကာ ရှစ်စိတ် စိတ်ပေးပြီး အဖတ်လေးတွေ ရလာအောင် လှီးထားပါ
- မုံလာဥနီကို အခွံခွာပြီး ရေဆေးကာ မိမိနှစ်သက်သလို လှီးထားပါ
- ဂေါ်ဖီကို ရေဆေးကာ ခပ်ထူထူလေးတွေ လှီးထားပါ
- တရုတ်နံနံကို ရေဆေးပြီး အနေတော် လှီးထားပါ
- ကြက်သွန်ဖြူ ကို အခွံခွာပြီး ရေဆေးကာ ဓါးပြားရိုက်ထားပါ
- ပါဝင်ပစ္စည်းများကို အဆင်သင့် ပြင်ထားပါ
- အောက်ခြေမကပ်သော ဒယ်အိုးကို အပူပေးပါ အိုးပူလာပါက ဆီထည့်ပေးပါ
- ဆီပူလာတာနဲ့ သကြားကို အရင်ထည့်ကြော်ပါ
- သကြားပျော်လာပြီး အညိုရောင် ပြောင်းလာတာနဲ့ကြက်သွန်ဖြူ ကို အရင်ထည့်ကြော်ပါ
- ကြက်သွန်ဖြူ အနံ့လေး မွှေးလာတာနဲ့ ဘရော့ကိုလီ ကြက်သွန်နီ ဂေါ်ဖီနှင့် မုံလာဥနီတို့ကို ထည့်ကြော်ပေးပါ
- ပြီးတာနဲ့ ဆား ခရုဆီ ပဲငံပြာရည်အကျဲနှင့် ရိုးရိုးရေ တစ်ဝက်တို့ကို ထည့်ကြော်ပေးပါ
- အသီးအရွက်များ အရမ်းနူးမသွားစေရန် နှစ်မိနစ်လောက် ကြော်ပြီးတာနဲ့ အရသာ နယ်ထားသော ခေါက်ဆွဲကို ထည့်ကြော်ပါ
- အသီးအရွက်များနှင့် ခေါက်ဆွဲတို့ကို သမသွားအောင် မွှေပေးပြီး တစ်မိနစ်လောက် မွှေပြီးတာနဲ့ ကျန်နေသောရေကို ထည့်ကြော်ပေးပါ
- ပြီးတာနဲ့ အရသာ မြည်းပေးကာ မိမိစိတ်ကြိုက် အရသာ ရလာအောင် လိုသလို ပြင်ပေးပါ
- ခေါက်ဆွဲကြော် ကျက်တာနဲ့ ခေါက်ဆွဲကြော် အိုးထဲကို ကြက်သွန်မိတ်နှင့် တရုတ်နံနံကို ထည့်မွှေပေးပြီးပါက ခေါက်ဆွဲကြော် မွှေးမွှေးလေးကို ရပါပြီ
- ခေါက်ဆွဲကြော်ပွဲ ပြင်ပေးပြီးတာနဲ့ ကြော်ပြီးညှပ်ထားသော ကြက်ဥကြော်ကို အပေါ်ယံမှ ဖြူးပေးပြီး စားသုံးနိူင်ပါပြီ။
No comments:
Post a Comment