ဒီနေ့တော့ တမာရွက်ပြုပ် တို့စရာလေး ဝယ်လာပြီး ငါးပိရည် တောဖျော်လေးနဲ့ ထမင်းမြိန်မြိန် စားပါမယ် တောဖျော်လို့ ဆိုတဲ့အတိုင်း ငရုပ်သီးမှုန့်ကလွဲရင် ဘာခပ်စရာမှ မပါဘဲ ဖျော်ထားပါတယ် ဒါကြောင့်မို့လို့ လူတိုင်းနီးပါး ဖျော်တတ်တဲ့ ငါးပိရည်တောဖျော် ဖျော်နည်းလေးကို မျှဝေပေးလိုက်ပါတယ်ရှင်။
ပါ၀င်ပစ္စည်းများ
ငါးပိရည်ကျိုရန်
- ငါးပိရည်ကျိုရန် ငါးငပိ - ငါးကျပ်သား (သုံးဦးစပ်ငါးပိကို သုံးထားပါတယ်)
- ဆား - လက်ဖက်ရည်ဇွန်း တစ်ဇွန်း
- နနွင်းမှုန့် - လက်ဖက်ရည်ဇွန်း တစ်၀က်မရှိတစ်ရှိ
- ရေ - ထမင်းပေါင်းအိုး ဆန်ချင်ဗူး ၄ဗူးခွဲသာသာတို့ကို ဇောက်နက်သော အိုးတစ်လုံးထဲ ငါးပိနှင့် အတူတူထည့်ပေးပြီး ဆယ်မိနစ်လောက် ပွက်ပွက်ဆူအောင် တည်ပေးပါ
- ငါးပိရည် ရပါက အရိုးများစစ်ကာ ငါးပိရည်ကို ပန်းကန်လုံး တစ်လုံးထဲသို့ ပြောင်းထည့်ထားပါ။
ဖျော်စရာထောင်းရန် ပါ၀င်ပစ္စည်းများ
- ငရုတ်သီးအလှော်မှုန့် - ထမင်းစားဇွန်း နှစ်ဇွန်း
- အရသာမှုန့် - လက်ဖက်ရည်ဇွန်း တစ်ဇွန်းသာသာ
ပြင်ဆင်ပုံ
- ငရုတ်သီး အလှော်မှုန့် ထမင်းစားဇွန်း တစ်ဇွန်းနှင့် အရသာမှုန့် လက်ဖက်ရည်ဇွန်း တစ်ဇွန်းတို့ကိုလဲ ပြင်ထားပါ
- အားလုံးအဆင်သင့် ဖြစ်ပါက ငါးပိရည် ပန်းကန်ထဲမှာ ပါ၀င်ပစ္စည်းများကို ရောထည့်ကာ အားလုံးသမသွားအောင် ရောဖျော်ပေးပါ
- ငါးပိရည် အဖျော်မွှေးမွှေး စပ်စပ်လေးနဲ့ အရသာရှိလှတဲ့ ငါးပိရည်ဖျော်လေးကို တို့စရာအစုံနှင့် မြိန်ယှက်စွာ စားသုံးနိုင်ပါပြီ။
No comments:
Post a Comment