Saturday, 8 July 2017

ဝက်သားဟင်း အချိုချက်


ဝက်သား အချိုပေါင်းလေး စားချင်လာလို့ ချက်မယ်ပြင်ပြီး ချက်လေသတည်းပေါ့လေ အိမ်ချက်လေးဘဲ ချက်တာမို့လို့ ချက်ရတာ လွယ်ပါတယ် ပေါင်းအိုးနဲ့ချက်စရာမလိုဘဲ ရိုးရိုးအိုးနဲ့ဘဲ နူးအိလာအောင် ချက်ထားတဲ့ နည်းလေးမျှဝေလိုက်ပါတယ်။


ဝက်သားအရသာနယ်ရန်

  • ၀က်သား သုံးထပ်သား - 500g ကို ရေဆေးပြီး ခပ်ရှည်ရှည် အတုံးလေးတွေ တုံးထားပါ
  • ပဲငံပြာရည် - ထမင်းစားဇွန်း တဇွန်းခွဲ
  • နနွင်းမှုန့် - လက်ဖက်ရည်ဇွန်း လေးပုံတပုံ
  • ဆား - လက်ဖက်ရည်ဇွန်း တဝက် အားလုံးတို့ကို ၀က်သားထဲထည့်ပြီး အရသာဝင်အောင် နယ်ထားပါ

ဟင်းချက်ရန် လိုသောပစ္စည်းများ

  1. ဆီ - ထမင်းစားဇွန်း ၃ဇွန်း
  2. ကြက်သွန်ဖြူထောင်းရန် - အမွှာကြီးကြီး ၃မွှာ
  3. ကြက်သွန်နီ မညက်တညက်ထောင်းရန် - ခပ်ကြီးကြီး တဥ
  4. နာနတ်ပွင့် - တပွင့်
  5. ချင်းထောင်းရန် - လက်တဆစ်ခန့်
  6. ကြက်သွန်နီ အနေတော် တလုံးကို အခွံခွာကာ အလုံးလိုက် ရေဆေးပြီး အဖတ်လေးများ ရအောင် လှီးထားပါ
  7. ကြက်သွန်ဖြူ - ၇မွှာခန့်ကို အခွံခွာပြီး ရေဆေးထားပါ
  8. သကြား - ထမင်းစားဇွန်း တဇွန်းသာသာ
ပြင်ဆင်ပုံ
  • အရသာ နယ်ထားသော ၀က်သားနှင့် ဟင်းချက်ရန် လိုအပ်သော ပစ္စည်းများကို ပြင်ထားပါ
  • ဇောက်နက်သော အိုးတလုံးကို အပူပေးပြီး ဆီထည့်ပါ
  • ဆီပူလာတာနဲ့သကြားကို ညိုရောင်သန်းတဲ့အထိ ကြော်ပေးပါ
  • သကြားညိုလာတာနဲ့ ကြက်သွန်ဖြူ နီ ချင်း နာနတ်ပွင့်တို့ကို မွှေးလာတဲ့ထိ ဆီသတ်ပေးပါ 
  • ဆီသတ်နံ့ မွှေးလာတာနဲ့ အရသာနယ်ထားသော ၀က်သားကိုထဲ့ပြီး ဆီသတ်ပေးပါ
  • ၀က်သားအသားများ မာလာတဲ့ထိ သုံးမိနစ်လောက် ဆီသတ်ပေးပါ
  • အသားများမာလာမှ ရေကိုမြုပ်အောင်ထည့်ပြီး ဆက်တည်ပေးပါ 
  • ၀က်သားများ နူးပြီးအိလာအောင် ရေထပ်ထဲ့ပြီး တည်ပေးပါ
  • ၀က်သားနူးလာပါက ရေမခမ်းခင် အခွံခွာထားသော ကြက်သွန်နီ ကြက်သွန်ဖြူကိုထည့်ကာ မီးအနေတော် လျှော့ပေးပြီး ရေခမ်းအောင် တည်ပေးပါ
  • ရခမ်းပြီး ဆီပြန်လာပါက ၀က်သားပေါင်းဟင်းကို ချိုချိုအိအိလေးကို စားသုံးနိူင်ပါပြီ။

No comments:

Post a Comment