Thursday, 13 July 2017

ဝက်ဂုတ်သား ကိုက်လန်ကြော်


အခုနေတဲ့ မြို့လေးကို ပြောင်းလာတာ ရပ်ကွက်တခုကို ဈေးတခုရှိပြီး ဈေးတိုင်းမှာ အေးရှန်းဆိုင်လေးတွေ ရှိနေတော ၀ယ်ရခြမ်းရ အတော်လေး အစဉ်ပြေပါတယ်။

ချက်ကာနီးမှ လမ်းလေးလျှောက် လိုချင်တာလေး ပြေးဝယ်ပြီး ချက်ရတော့ လတ်လတ်ဆတ်ဆတ်နဲ့ စားရတာလဲ ကောင်းပါတယ် ဒီနေ့တော့ ကိုက်လန်အဖူးလေးတွေ ၀ယ်လာပြီး ၀က်ဂုတ်သားနဲ့ကြော်ဖြစ်တဲ့အတွက် ကြော်နည်းလေး မျှဝေပေးလိုက်ပါတယ်။

ပါဝင်ပစ္စည်းများ

  1. ကိုက်လံအပင် - ၇ပင်
  2. ၀က်ဂုတ်သား - 150 g
  3. ကြက်သွန်ဖြူ  - အမွှာကြီးကြီး ၂မွှာ
  4. အချိုမှုန့် - လက်ဖက်ရည်ဇွန်း တစ်ဇွန်း
  5. ဆား - လက်ဖက်ရည်ဇွန်း သုံးပုံတစ်ပုံ
  6. ဆီ - ထမင်းစားဇွန်း ၃ဇွန်း
  7. နနွင်းမှုန့် - လက်ဖက်ရည်ဇွန်ု သုံးပုံတစ်ပုံ
  8. ပဲငံပြာရည်အနောက် - ထမင်းစားဇွန်း တစ်ဇွန်း
  9. ငရုတ်ကောင်းမှုန့် - လက်ဖက်ရည်ဇွန်း တစ်ဝက်

ပြင်ဆင်ပုံ
  1. ကိုက်လံအပင်ရဲ့ ရင့်နေတဲ့ နေရာများကို အကြောသင်ပြီး အနေတော် ပိုင်းဖြတ်ကာ ရေစင်အောင် ဆေးပြီး ရေစစ်ထားပါ
  2. ၀က်ဂုတ်သားကို ရေဆေးပြီး ခပ်ပါးပါးလှီးကာ ဆား အချိုမှုန့် သင့်ရုံနှင့် နယ်ပြီး ၁၀မိနစ်လောက် နှပ်ထားပေးပါ
  3. ကြက်သွန်ဖြူကို အခွံခွာပြီး ရေဆေးကာ ဓါးပြားရိုက်ထားပေးပါ
  4. ဒယ်အိုးကို အပူပေးပြီး ဆီနှင့် နနွင်းမှုန့်ထည့်ပေးပါ
  5. ဆီအငွေ့ တက်လာတာနဲ့အရသာ နယ်ထားသော ၀က်ဂုတ်သားကို ထည့်ကြော်ပေးပါ
  6. အသားများ မာလာတာနဲ့ ရေမြုပ်ရုံလေးထည့်ပြီး အဖုံးအုပ်ကာ ရေခမ်းအောင် တည်ပေးပါ
  7. ရေခမ်းပြီး ဆီသံကြားတာနဲ့ဝက်သားကို ဘေးကပ်ထားပြီး ကြက်သွန်ဖြူကို နွမ်းရုံလေး ထည့်ကြော်ပါ
  8. ပြီးတာနဲ့. ဘေးကပ်ထားသော ၀က်သားကို ရောမွှေကာ ရေစစ်ထားသော ကိုက်လန်များထည့်ပြီး ပဲငံပြာရည် ဆားနှင့် အချိုမှုန့်တို့ ထည့်မွှေပါ
  9. နှစ်မိနစ်လောက် ကြော်ပြီးတာနဲ့ ကိုက်လန်အရွက်များ နွမ်းစပြုလာချိန် အရသာမြည်းကာ လိုသလိုပြင်ပေးပြီး ငရုတ်ကောင်းမှုန့် ဖြူးပြီး စားသုံးနိူင်ပါပြီ

No comments:

Post a comment