Wednesday, 5 July 2017

မဆလာအုပ် ၀က်သားဆီပြန်



ဒီနေ့တော့ ကုလားလေး မဆလာအုပ်ကာ ဆီပြန်ချက်ထားတဲ့ ၀က်သားဆီပြန်ဟင်းလေး ချက်ဖြစ်တာမို့လို့ မစားဖူးသူတွေအတွက် အရသာ ထူးခြားစေမဲ့ ၀က်သားမဆလာအုပ်ပြီး မာမာချက်တဲ့ နည်းလေးကို မျှဝေလိုက်ပါတယ်။

ပါဝင်ပစ္စည်းများ

  • အဆီအသား တွဲနေသောဝက်သား - 500g
  • နနွင်းမှုန့် - လက်ဖက်ရည်ဇွန်း သုံးပုံတပုံ
  • ချင်း - လက်တစ်ဆစ်ခန့်
  • ကြက်သွန်န်ီ - အနေတော် တလုံး
  • ကြက်သွန်ဖြူ - အမွှာကြီးကြီး ၃မွှာ
  • စပါးလင် - တလက်မခန့်
  • ငရုတ်သီး အရောင်တင်မှုန့် - လက်ဖက်ရည်ဇွန်း မောက်မောက်တဇွန်း
  • ငံပြာရည် - ထမင်းစားဇွန်း တဇွန်း
  • ဆား - လက်ဖက်ရည်ဇွန်း တ၀က်
  • အချိုမှုန့် - လက်ဖက်ရည်ဇွန်း တ၀က်သာသာ
  • မဆလာ (ကုလားလေးမဆလာ) - အနေတော်
  • ဆီ - ထမင်းစားဇွန်း ၅ဇွန်း
ပြင်ဆင်ပုံ
  1. ၀က်သားကို ရေစင်အောင်ဆေးပြီး ခပ်ထူထူ အတုံးလေးများ တုံးပေးထားပါ
  2. တုံးထားသော ၀က်သားများကို ဇလုံတလုံးထဲထည့်ပြီး နနွင်း ဆား ငံပြာရည် အချိုမှုန့်တို့နဲ့ နယ်ပြီး အရသာဝင်အောင် ၁၀မိနစ်လောက် နှပ်ထားပါ
  3. ချင်း စပါးလင် ကြက်သွန်နီ ကြက်သွန်ဖြူတို့ကို ငရုတ်သီးမှုန့်နှင့် ရောပြီး ထောင်းထားပါ
  4. အားလုံးအဆင်သင့်ဖြစ်ပြီဆို ဇောက်နက်သော အိုးကိုအပူပေးပြီး ဆီထည့်ပါ
  5. ဆီပူလာတာနဲ့ ငရုတ်သီးထောင်းကို ထည့်ပြီးဆီသတ်ပါ
  6. ဆီသတ်နံ့မွှေးလာတာနဲ့ အရသာနယ်ထားသော ၀က်သားကိုထည့်ပြီး ဆီသတ်ပါ
  7. ၀က်သား အသားများ မာလာမှ ရေမြုပ်အောင်ထည့်ပြီး တည်ပေးပါ
  8. ပထမ တရည်ခမ်းပြီး အသားနူးစေရန် နောက်တရည် ထပ်ထည့်ပြီး တည်ပေးပါ
  9. ရေခမ်းပြီး ဆီပြန်တာနဲ့ အရသာမြည်းပြီး လိုသလိုပြင်ကာ မဆလာထည့်ပြီး မွှေပေးကာ အုံးအဖုံးကို အုပ်ပေးပြီး မီးဖိုမီးပိတ်၍ မီးအပူရှိန် အေးအေးနှင့် တည်ထားပေးပါ
  10. ဆီသံ တဖျစ်ဖျစ် မြည်လာပါက မဆလာနံ့ သင်းနေတဲ့ ၀က်သားဆီပြန်ဟင်းကို စားသုံးနိူင်ပါပြီ။

No comments:

Post a Comment