Wednesday, 19 July 2017

သရက်သီးဆားရည်စိမ် ပုဇွန်ခြောက်ထောင်း



နေ့လည်နေ့ခင်း အပျင်းပြေလေးဘဲဖြစ်ဖြစ် ထမင်းဝိုင်းမှာ အအီပြေ စားဖို့ဘဲဖြစ်ဖြစ် စားလို့အရမ်းကောင်းတဲ့ သရက်သီးဆားရည်စိမ်နဲ့ ပုဇွန်ခြောက်ထေင်း လွယ်ကူမြန်ဆန် ထောင်းနည်းလေး မျှဝေလိုက်ပါတယ်။

ပါဝင်ပစ္စည်းများ

  • သရက်သီး ဆားရည်စိမ် - အနေတော် ၂လုံး
  • ကြက်သွန်နီ - အနေတော် တလုံး
  • ပုဇွန်ခြောက်  - ၁၇ကောင်ခန့်
  • ငရုတ်သီးအလှော်မှုန့် - စားနိူင်သလောက်
  • အရသာမှုန့် - လက်ဖက်ရည်ဇွန်း တ၀က်
ပြင်ဆင်ပုံ
  • သရက်သီး ဆားရည်စိမ်ပြီးသားကို ရေဆေးပြီး ဓါးပြတ်ပြတ်နှင့် လိုက်ပေါက်ပေးပါ
  • တလုံးလုံး အပြည့်လိုက်ပေါက်ပြီးတာနဲ့ ခပ်ပါးပါးလေးတွေ လှီးချပေးပါ
  • ကြက်သွန်နီကို အခွံခွာကာ ရေဆေးပြီး ခပ်ပါးပါး လှီးပေးထားပါ
  • ပုဇွန်ခြောက်ကို ရေအနည်းငယ်ထည့်ပြီး ပွလာအောင် ရေစိမ်ထားပါ
  • အားလုံးအဆင်သင့်ဖြစ်တာနဲ့ စတီးလ်ဇလုံ သို့မဟုတ် ငရုတ်ဆုံကြီးကြီးထဲမှာ ပါဝင်ပစ္စည်း အားလုံးကိုထည့်ပြီး ထောင်းပေးပါ
  • အရမ်းညက်နေအောင် ထောင်းစရာမလိုဘဲ သမသွားအောင် ခပ်ဖွဖွလေး ထောင်းပေးရင် ရပါပြီ
  • သရက်သီး ဆားရည်စိမ်က အငံပါပြီးသားဖြစ်တဲ့အတွက် အငံထည့်စရာမလိုပါ
  • ပန်းကန်တခုထဲ ပြောင်းထည့်ပေးပြီး ချဉ်ငံစပ်အရသာပါဝင်တဲ့ သရက်သီးဆားရည်စိမ် ပုခြောက်ထောင်းလေးကို ထမင်းပူပူလေးနှင့် စားသုံးရန် ပြင်ပေးနိူင်ပါပြီ။

No comments:

Post a Comment