Wednesday, 12 July 2017

မုန်လာဥမုန့်










တနေ့က အေးရှန်းမားကက်က ၀ယ်လာတဲ့ မုန်လာဥတွေနဲ့ မုန်လာဥမုန့်လေး မနေ့က လုပ်ဖြစ်တာနဲ့ ဒီနေ့ပြန်ကြော်ကာ အချဉ်နဲ့တို့စားရင်း ငယ်ငယ်က မကြာခန သွားစားခဲ့တဲ့ တရုတ်တန်းက မုန့်ဆိုင်လေးတွေကို အလွမ်းဖြေကာ မုန်လာဥမုန့်လုပ်နည်းလေး မျှဝေလိုက်ပါတယ်။


ပါဝင်ပစ္စည်း

  • မုန်လာဥဖြူ -  400 g
  • ဆန်မှုန့် - 350 g
  • ပြောင်းဖူးမှုန့် - 100g
  • ရေ - 2 လီတာ
  • ဆား -  လဖက်ရည်ဇွန်း ၁ဇွန်း
  • သကြား - ထမင်းစားဇွန်း၂ ဇွန်း 
  • ငရုတ်ကောင်းမှုန့် - လက်ဖက်ရည်ဇွန်း တ၀က်
  • ဆီ - ထမင်းစားဇွန်း ၃ဇွန်းခွဲ

ပြင်ဆင်ပုံ

  • မုန်လာဥကို အခွံခွာပြီး ခြစ်ထားပါ
  • ဇလုံတခုတွင် ခြစ်ထားသော မုန်လာဥ ဆန်မှုန့် ပြောင်းမှုန့် ဆား ဆီ သကြား ငရုတ်ကောင်းမှုန့်တို့ကိုထည့်ပြီး ရေနှင့်သမအောင်မွှေကာ ဖျော်ထားပြီး နာရီဝက်ခန့် နှပ်ထားပါ
  • မုန်လာဥက ကျက်လွယ်တဲ့အတွက် သတ်သတ်စီ ကျိုရန်မလိုပါ
  • မုန့်ကျိုပြီး ထည့်မည့်ဗန်းကို ဆီအနည်းငယ်ဖြင့် သုတ်ထားပါ
  • အားလုံသမအောင် မွှေပေးပြီးပါက မီးဖိုပေါ်တင်ကာ မီးအေးအေးနှင့် ပျစ်လာအောင် ကျိုပေးပါ 
  • ကျိုနေစဉ် အကျက်ညီစေရန် အဆက်မပြက် မွှေပေးပါ
  • ကျိုနေသော မုန့်နှစ်ရည် ပျစ်လာပါက သမအောင် ထပ်မွှေပေးပြီးမှ မီးဖိုပေါ်မှ ချပေးပါ
  • မုန့်နှစ်ကို ဆီသုတ်ထားသော ဗန်းထဲလောင်းထည့်ကာ အေအေးခံပေးပါ
  • မုန့်နှစ်များ အေးလာပါက ရေခဲသေတ္တာထဲမှာ တညလောက် အအေးခံပြီး လှီးမှသာ မုန့်သားလှီးရတာ ပိုပြီး အဆင်ပြေပါတယ်
  • အအေးခံပြီး ရရှိလာသော မုံလာဥမုန့်ကို ဆီပူပူမှာ အနည်းငယ် ကြော်ပေးပြီးပါက ဆယ်ပြီးဆီစစ်ကာ မိမိနှစ်သက်ရာ ပုံစံဖြင့် ပြင်ဆင်ကာ မိမိနှစ်သက်သော အချဉ်နှင့် တွဲဖက်ကာ  သုံးဆောင် နိုင်ပါပြီ။

No comments:

Post a Comment