Saturday, 8 November 2014

မုန့်လုံးရေပေါ် ချိုချိုလေး



အချိန်အခါ မဟုတ်ပေမဲ့ စားချင်စိတ်လေး ပေါ်လာတာနဲ့ မုန့်လုံးရေပေါ်လေး လုံးစားဖြစ်ပါတယ် မြန်မာ့လျာ မြန်မာ့ခံတွင်းဆိုတော့ ဘယ်အချိန်ဘဲဖြစ်ဖြစ် မြန်မာမုန့်လေးတွေကို တမ်းတမိတာတော့ အမှန်ပါဘဲ။

မနက်အိပ်ယာက နိုးတာနဲ့ ပဲပြုပ်ထမင်းကြော်လေး စားလိုက်ရရင် ကောင်းမလား ဆီထမင်း ရွှေထမင်းလေးများ စားလိုက်ရရင် ကောင်းမလားဆိုပြီး စိတ်ထဲမှာ အာသီသဖြစ်မိတာတော့ တကယ်ပါ။

ဒါပေမဲ့လဲ မြန်မာမုန့်လေးတွေ လုပ်ရတာ အချိန်နည်းနည်းပေးရတာ များပါတယ် ဒါကြောင့်မို့လို့ ဒီနေ့တော့ အချိန်သိပ်မကုန်တဲ့ မုန့်လုံးရေပေါ်လေးလုံးပြီး မြန်မာပြည် အလွမ်းပြေလေး စားဖို့အတွက် မာမာပြင်ဆင်တဲ့နည်းလေးကို မျှဝေလိုက်ပါတယ်ရှင်။

ပါဝင်ပစ္စည်းများ

  1. ကောက်ညှင်းမှုန့် - ထမင်းပေါင်းအိုးဆန်ချင်ဗူး ၃ခွက်
  2. ဆန်မှုန့် - ထမင်းပေါင်းအိုးဆန်ချင်ဗူး ၁ခွက်
  3. ရေ - ထမင်းပေါင်းအိုးဆန်ချင်ဗူး ၂ဗူး
  4. အုန်းသီးဖတ် - မိမိနှစ်သက်သလောက်
  5. ထန်းလျှက်ခဲ - အနည်းငယ်
  6. ဆား - လက်ဖက်ရည်ဇွန်း တစ်ဝက်

ပြင်ဆင်ပုံ
  • ဇလုံကျယ်ကျယ်ထဲမှာ ဆန်မှုန့် နှင့်ကောက်ညှင်းမှုန့်တို့ကို ထည့်ပေးပြီး ရေနည်းနည်းချင်း ထည့်ပေးကာ နယ်ပေးပါ
  • မုန့်သားပျော့ပြီး စေးပိုင်လာပါက ရေပိုနေရင် ချန်ထားလိုက်ပါ
  • ရေတခါထဲ မထည့်ဘဲ ဖြေးဖြေးချင်း နယ်ပေးကာ ရေကိုလိုသလောက်ဘဲ သုံးနိုင်ပါတယ်
  • မုန့်သားပျော့လာပါက နာရီဝက် တနာရီလောက် အခန်းအပူချိန်အတိုင်း အပေါ်ဖက်မှ အဝတ်ရေစိုလေး အုပ်ပေးကာ ဒီတိုင်းထားပေးပါ
  • ထန်းလျှက်ခဲကို လက်တဆစ်ရဲ့ တ၀က်သာသာလောက်လေးတွေ တုံးပေးထားပါ
  • အုန်းသီးဖတ်ကို ဆားအနည်းငယ်  ထည့်ပေးပြီး ငံမြမြလေးရအောင် ဖွဖွလေး နယ်ထားပေးပါ
  • မုန့်သားနှပ်ထားတာ နာရီပြည့်တာနဲ့ မုန့်သားကို ကွမ်းသီးဆံ လောက်ရအောင်ယူပြီး လက်ဝါးနှစ်ဖက်နှင့် ပွတ်ပြီး လုံးပေးပါ
  • မုန့်သားအလုံးလေးတွေ ဖြစ်သွားတာနဲ့ လက်ဝါးပေါ်တင်ပြီး အလယ်ကို အချိုင့်လေးဖြစ်အောင် လက်ညှိုးနှင့် ဖိလိုက်ပါ
  • ချိုင့်သွားသော နေရာထဲသို့ထန်းလျှက်ခဲ အစိတ်လေး တခုကို ထည့်ပေးလိုက်ပါ
  • ထန်းလျှက်ခဲပေါ်သို့ မုန့်သားကို ပြန်အုပ်ပြီး လုံးပေးပါ
  • ထန်းလျှက်ခဲ မပေါ်အောင် မုန့်သားကို သတိထားပြီး အုပ်ပေးပါ
  • ထန်းလျှက်ခဲ ပေါ်ပါက မုန့်သားကို ရေဆူဆူနှင့် ပြုပ်ချိန်မှာ ထန်းလျှက်ရည်များ အပြင်သို့ ပေါက်ထွက်ပါတယ်
  • မုန့်သားအားလုံး လုံးပြီးပါက အိုးတလုံးထဲမှာ  ရေများများထဲ့ပြီး ပွက်ပွက်ဆူအောင် တည်ပေးပါ
  • ရေပွက်ပွက် ဆူလာပါက လုံးထားသော မုန့်များကို တလုံးချင်း ထည့်ပေးပါ
  • မုန့်သားကျက်ပြီး ရေပေါ် ပေါ်လာပါက မုန့်အတွင်းသားများ ကျက်စေရန် နှစ်မိနစ်လောက် ထားပြီးမှဆယ်ပေးပါ
  • အဆေင်သင့် ပြင်ထားသော ရအေးဇလုံ သန့်သန့်ထဲသို့ ပေါ်လာသော မုန့်လုံးရေပေါ်များကို ဇွန်းဇကာဖြင့် ဆယ်ပေးပြီး ခပ်ထည့်ပေးပါ
  • မုန့်လုံးရေပေါ်များ အေးလာပါက ဆီသုတ်ထားသော ငှက်ပျောဖက်ပေါ်သို့ ဖျန့်ပြီးတင်ပေးပါ
  • ငှက်ပျောဖက် မရှိပါက ပန်းကန်ပြားထဲသို့ဆယ်ပြီးထည့်ပေးပါ
  • အားလုံးပြီးပါက အုန်းသီးမှုန့်ဖြူးပြီး မုန့်လုံးရေပေါ် ချိုချိုလေးကို စားသုံးရန် ပြင်ပေးနိူင်ပါပြီ။

4 comments:

  1. မာမာရေ မုန့်လုံးရေပေါ်လာစားနေတယ်

    ReplyDelete
    Replies
    1. အားမနာနဲ့နော် စားပါ စံပယ်ချိုရေ

      Delete
  2. အစ်မ လုပ်ထားသမျှ မုန့်တွေ အစားအသောက်တွေကို အားပေးသွားပါတယ်နော် .... ^___^

    ReplyDelete
    Replies
    1. အားပေးတတ်တဲ့ညီမလေးကြောင့် ပင်ပန်းရကျိုးနပ်ပြီး အမောပြေပါတယ် ညီမလေးရေ

      Delete