Wednesday, 12 November 2014

မုန့်ပိန္နဲစေ့ ချိုချိုလေး



အစားအသောက် မီးလိုတောက်တယ်လို့တော့ မထင်လိုက်ပါနဲ့နော် ထင်ကြမယ်ဆိုရင်လဲ စိတ်မဆိုးတတ်ပါဘူးလို့ အစားဆိုကိုယ်တိုင်လဲကြိုက် သူများကိုလဲ စားစေချင်သူကြီးမို့ပါ။

မုန့်နှစ်စပ်တာကတော့ မုန့်လုံးရေပေါ်အတွက် စပ်တဲ့နည်းအတိုင်းပါဘဲ ကောက်ညှင်းမှုန့်၃ဆ ဆန်မှုန့်တစ်ဆ ရေနဲ့ရောနယ်ပြီးစပ်လိုက်ရုံပါဘဲနော်။

လိုအပ်တာလေးတွေပြောပါမယ်

  • ကောက်ညှင်းမှုန့်  ၃ဆ - ထမင်းပေါင်းအိုးဆန်ချင်ဗူး ၃ဗူး
  • ဆန်မှုန့် ၁ဆ - ထမင်းပေါင်းအိုးဆန်ချင်ဗူး ၁ဗူး
  • ထန်းလျှက်ခဲ - 150g
  • အုန်းသီးမှုန့် - အနည်းငယ်
  • ရေ - ထမင်းပေါင်းအိုး ဆန်ချင်ဗူး နှစ်ဗူးပြည့်ရန် လက်တဆစ်အလို
ပြင်ဆင်တာလေးတွေပြောပါမယ်
  • ကောက်ညှင်းမှုန့် ထမင်းပေါင်းအိုးဆန်ချင်ခွက်၃ဗူး ဆန်မှုန့် ထမင်းပေါင်းအိုးဆန်ချင်ဗူး ၁ဗူးကို ရေ ထမင်းပေါင်းအိုး ဆန်ချင်ဗူး ၂ဗူးပြည့်ရန် လက်တစ်ဆစ်လောက်အလိုနဲ့ရေနည်းနည်းချင်းထဲ့ကာ ရောပြီး စေးပိုင်လာအောင်နှဲပေးပြီး ၂နာရီလောက် ရေစိုအ၀တ်အုပ်ကာနှပ်ထားပါ
  • ထန်းလျှက်ခဲကို ရေ လက်ဖက်ရည်အကြမ်းပန်းကန် နှစ်လုံးစာလောက်နဲ့ နဲနဲပြစ်လာတဲ့ထိကျိုပြီး အမှိုက်စလေးများမပါအောင် စစ်ထားလိုက်ပါ
  • မုန့်သားကို နဲနဲယူပြီး အရင်ဆုံး လက်နဲ့ဆုတ်ပေးပါ ပြီးမှလက်ဝါးနှစ်ဖက်နှင့် ပွတ်ပြီးလှိမ့်ပေးပါ
  • ရလာသောမုန့်သားရှည်ရှည်အတောင့်လေးကို လက်တစ်ဆစ်စာလေးများပိုင်းဖြတ်ပေးပါ
  • လက်တစ်ဆစ်စာ အပိုင်းလေးများကိုလက်ဝါး၂ဖက်နှင့်ပွတ်ပြီး အလုံးလေးများလုံးပေးပါ
  • အားလုံးပြီးသွားပါက ရေတစ်အိုးကို ပွက်ပွက်ဆူအောင်တည်ပါ
  • ရေဆူလာပါက မုန့်သားအလုံးများကို တလုံးချင်းရေဆူအိုးထဲ ထည့်ပေးပါ
  • ရေပေါ်ပေါ်လာသော မုန့်လုံးလေးများကို ရေအေးဇလုံထဲသို့ ဆယ်ပြီးထဲ့ပေးပါ
  • အေးသွားပါက ကျိုပြီးစစ်ထားသော ထန်းလျှက်ရည်ထဲသို့ ထဲ့ပေးပါ
  • စားလိုပါက အုန်းသီးမှုန့်ဖြူးပြီး စားနိုင်ပါပြီ။



2 comments:

  1. မုန့်လုံးရေပေါ်နဲ့မုန့်ကြာစေ့ တစ်ခါထဲဝင်ဖတ်သွားတယ် မာမာရေ...
    ပုံစံလေးပဲပြောင်းပြီး ထည့်ဝင်တာတွေတူတယ်နော်။
    အိမ်မှာမုန့်လုံးရေပေါ်တော့ မကြာခဏလုပ်စားဖြစ်တယ် ဒီတစ်ခေါက် မုန့်ကြာစေ့လုပ်စားမယ် ...

    ReplyDelete
  2. ဟုတ်ကဲ့ပါတီတင့်ရေ
    တီတင့်လုပ်တဲ့နည်းလေးလဲ မာမာ့ကို မျှဝေပါအုံးနော်
    တီတင့်စာတွေကို ၀င်ဝင်ပြီးဖတ်ဖြစ်ပါတယ်တီတင့်ရေ
    ကွန်မန့်ရေးရင် အတုံးလေးတွေဘဲပေါ်နေလို့ ကွန်မန့်မချန်ခဲ့ရဘူးဖြစ်နေတယ်။

    ReplyDelete