ဒီနေ့ ပြုပ်သောက်ကြတဲ့ ဖက်ထုတ်ဟင်းချိုလေးပါ လုပ်ရတာ နဲနဲလေး လက်ဝင်ပေမဲ့ သောက်ရတာတော့ တော်တော်ကောင်းပါတယ်။
ရာသီဥတုကလဲ ပူလိုက်အေးလိုက်နဲ့မို့ ဒီနေ့မိုးအုံ့အုံ့လေးမှာ ဟင်းရည်ပူပူလေး ချက်သောက်ကြမယ်လို့ ပြောလိုက်တာ ဖက်ထုတ်ဟင်းချို သောက်ချင်တယ် ဆိုလာလေတော့ မမောနိူင် မပန်းနိူင် ချက်လိုက်မိပါတယ် အထဲက အစာကတော့ နှစ်သက်သလိုလေးတွေထဲ့ပြီး ထုတ်ထားပါတယ်။
ပါဝင်ပစ္စည်းများ
- အသားထွင်ပြီး နုတ်နုတ်စင်းထားသော ကြက်ပေါင် - 300 g
- ပါးပါးလှီးထားသော ဂဏန်းချောင်း - နှစ်ချောင်း
- ပါးပါးလှီးထားသော ကြက်သွန်မိတ် - တစ်ပင်
- ရိတ်ရိတ်လှီးထားသော ကြက်သွန်နီ - တစ်ဥ
- ခပ်သေးသေးလှီးထားသော မုံလာဥနီ - တစ်ဥ
- ပဲစိမ်းသီး - လက်ဖက်ရည်ပန်းကန်း တစ်လုံး
- ငရုတ်ကောင်းမှုန့် - လက်ဖက်ရည်ဇွန်း တစ်ဝက်
- ဆား - လက်ဖက်ရည်ဇွန်း တစ်ဝက်
- ညက်နေအောင်ထောင်းထားသော ချင်း - လက်ဖက်ရည်ဇွန်း သုံးပုံတစ်ပုံ
- ညက်နေအောင်ထောင်းထားသော ကြက်သွန်ဖြူ - နှစ်မွှာ
- နှမ်းဆီ - လက်ဖက်ရည်ဇွန်း တစ်ဝက်
- သကြား - ထမင်းစားဇွန်း တစ်ဇွန်း
- ကော်မှုန့် - ထမင်းစားဇွန်း တစ်ဇွန်း
- ဝမ်တုံရွက် - ၂၅ ရွက်
ဟင်းရည်အတွက် ပြင်ဆင်ရန်
- ကြက်ရိုး - 200 g
- ချင်း - ခပ်ပါးပါး ၅ပြား
- ဆား - လက်ဖက်ရည်ဇွန်း တစ်ဇွန်း
- ဟင်းချိုမှုန့် - လက်ဖက်ရည်ဇွန်း တစ်ဇွန်းတို့နှင့် ရေ တရုတ်ဟင်းရည်သောက်ပန်းကန် ၂လုံးစာလောက်နှင့် ပြုပ်ပေးပါ
- အရိုးမှ အချိုရည်များ ထွက်လာပြီး ဟင်းရည် တရုတ်ဟင်းရည်သောက် ပန်းကန် တစ်လုံးခွဲစာ သာသာရအောင် ပြုပ်ပေးထားပါ
- မုန့်ညှင်းစိမ်းကို ၂ပင်ကို အနေတော် ဖြတ်ပေးထားပါ
ပြင်ဆင်ပုံ
- အဆင်သင့် ပြင်ဆင်ထားသော ပစ္စည်းများကို ဇလုံတခုထဲမှာ သမအောင် မွှေပေးပါ
- ၀မ်တုန်ရွက် တစ်ရွက်ခြင်းဆီထဲကို အရသာနယ်ထားသော အစာများ ထမင်းစားဇွန်း တဇွန်းခန့်ထည့်ပါ
- အစာထည့်ပြီးသော ၀မ်တုန်ရွက်ကို နှစ်သက်သလို ပုံစံလေးများ ထုတ်ပေးပါ
- ပွက်ပွက်ဆူနေသော ကြက်ရိုးပြုပ်အိုးထဲသို့ မုန့်ညှင်းစိမ်းနှင့် ဖက်ထုတ်များ ထည့်ကာ ၄မိနစ်လောက် ပြုပ်ပေးပါ
- ပြီးတာနဲ့ ဟင်းရည်ကို အရသာမြည်းပြီး လိုသလိုပြင်ကာ ကြက်သွန်မိတ်ဖြူး၍ သောက်နိူင်ပါပြီ။
No comments:
Post a Comment