အာလူးရွှေဥကြော်လို့ ချစ်စရာ နံမည်လေး ပေးမိပေမဲ့ အာလူးခြစ်ကြော်လေးပါဘဲ ရွှေဥလေးလိုဆုတ်ပြီး လုံးကြော်လေး ကြော်ထားတာမို့ နံမည်လေး ကြားတာနဲ့တင် ကလေးအကြိုက်လေး ဖြစ်မှာသေချာပါတယ် ကြော်နည်းလေးပြောပြပါမယ် ကြော်ရတာလွယ်သလောက် စားလို့တော့ အရမ်းကောင်းပါတယ် မာမာ့ကလေးတွေက အာလူးကြိုက်တော့ မကြာမကြာဆိုသလိုလဲ ကြော်ကျွေးဖြစ်ပါတယ် အာလူးနံ့မွှေးမွှေးလေးနဲ့ဝါးလိုက်ရင် မွမွရွရွလေးမို့ မာမာ့မိတ်ဆွေတွေလဲ နှစ်သက်ကြမယ် ထင်ပါတယ်။
ပါဝင်ပစ္စည်းလေးတွေကတော့
- အခွံခွာပြီးအလုံးလိုက် ရေစင်အောင်ဆေးကာ အသီးခြစ်သော ခြစ်ခပ်ကြမ်းကြမ်းနှင့် ခြစ်ထားသောအာလူး - 500g
- ဆား - လက်ဖက်ရည်ဇွန်း တ၀က်
- အချိုမှုန့် - လက်ဖက်ရည်ဇွန်း တ၀က်သာသာ
- နနွင်းမှုန့် - လက်ဖက်ရည်ဇွန်း သုံးပုံတပုံ
- တန်ပူရာအကြော်မှုန့် - ထမင်းစားဇွန်း ၂ဇွန်းမောက်မောက်
- ငရုတ်ကောင်းမှုန့် - လက်ဖက်ရည်ဇွန်း တ၀က်မရှိတရှိ
- ခြစ်ထားသောအာလူးကို ရေသန့်သန့်နှင့် ၅ထပ်လောက်ဆေးပြီး ရေစင်အောင် ညှစ်ထားပါ
- အားလုံးကို ဇလုံတလုံးမှာထဲ့ပြီး ခပ်ဖွဖွလေးနယ်ပေးထားပါ
ကြော်ဖို့ပြင်ပါမယ်
- မကပ်တဲ့ဒယ်အိုးတလုံးကို အပူပေးပါ ပူလာပါက မီးရှိန်နဲနဲလျှော့ပြီး ဆီလက်ဖက်ရည်အကြမ်း ပန်းကန် နှစ်လုံးစာလောက်ထဲ့ပေးပါ
- ဆီပူလာပြီးကျက်လာပါက အရသာနယ်ထားသော အာလူးခြစ်ကို အနေတော်ယူကာ အသာအရာ ဆုတ်ပြီး ထွက်လာသော အရည်များကို ညှစ်ချပြီးမှ ဆီအိုးထဲထဲ့ပေးပါ
- မီးအရမ်းမများစေရန် သတိထားပါ တစ်ဖက်ရွှေဝါရောင်းသန်းလာပါက နောက်တစ်ဖက်ကို လှန်ပြီးကြော်ပေးပါ
- နှစ်ဖက်လုံး ရွှေဝါရောင်သန်းလာရင် ဆယ်ပြီးဆီစစ်ပေးပါ
- ဆီစစ်သွားပါက အရသာရှိသော အာလူးရွှေဥကြော်မွှေးမွှေး စိမ့်စိမ့်ရွရွလေးကို သုံးဆောင်နိူင်ပါပြီ။
No comments:
Post a Comment