ဒီတစ်ခါတော့ သင်္ဘောသီး ချဉ်ရည်ဟင်းနဲ့ လိုက်ဖက်မဲ့ ကြက်သားကြော်လေး ကြော်ဖြစ်ပါတယ် ကြက်သားကို ဒီကြော်နည်းလေးအတိုင်း ကြော်မိတိုင်း ပုရစ်ကြော် အရသာကို တမ်းတမိတာတော့ အမှန်ပါ။
ဒါကြောင့်မို့လို့ ပုရစ်ကြော်နဲ့ အရသာနဲ့ ဆင်လွန်းတဲ့ ချင်း ကြက်သွန်ဖြူနံ့ သင်းသင်းလေးနဲ့ ကြက်သားကြော်နည်းလေး မျှဝေလိုက်ပါတယ်။
ပါဝင်ပစ္စည်းများ
- အရည်ခွံပါသော ကြက်ပေါင်ရင်းသား - နှစ်စုံ
- ချင်း - ခပ်ပါးပါး နှစ်ပြား
- နနွင်းမှုန့် - လက်ဖက်ရည်ဇွန်း သုံးပုံတစ်ပုံ
- ခနော ကြက်သားမှုန့် - လက်ဖက်ရည်ဇွန်း တစ်ဇွန်း
- ကြက်သွန်ဖြူ - ၅မွှာ
- ဆီ - လိုသလောက် သုံးပေးပါ
ပြင်ဆင်ချက်ပြုပ်ပုံ
- ကြက်သားကို အနေတော် ခုတ်ထားပြီး ရေဆေးကာ ရေခြောက်အောင် သုပ်ထားပါ
- ချင်းကိုအခွံခွာပြီး ရေဆေးကာ ညက်နေအောင် ထောင်းထားပါ
- ကြက်သွန်ဖြူကို အခွံခွာပြီး ရေဆေးကာ ညက်နေအောင် ထောင်းထားပါ
- ဇလုံတစ်လုံးထဲမှာကြက်သား ကြက်သားမှုန့် နနွင်းမှုန့် နှင့်ချင်းထောင်း တို့နှင့် နယ်ပြီး ဆယ့်ငါးမိနစ်လောက် နှပ်ထားပါ
- ဒယ်အိုးထဲမှာ ဆီထည့်ပြီး ဆီကိုအပူပေးပါ
- ဆီပူလာက မီးကို အနည်းငယ်လျော့ပြီး မှ ကြက်သားကို တစ်တုံးချင်း အိုးဆန့်သလောက် ထည့်ကြော်ပေးပါ
- အပေါ်ယံ အသားနည်းနည်း မာလာမှ တစ်ဖက်ကို လှန်ပြီးကြော်ပေးပါ
- ကြော်နေစဉ် ကြက်သွန်နှင့် ချင်းဖတ်များ ဘေးကိုထွက်လာလျှင် အပေါက်ပါသော ဇွန်းဖြင့် ဆယ်ပြီး ဆယ်ထားပါ
- တစ်ဖက်က ရွှေဝါရောင် သန်းလာပါက နောက်တစ်ဖက်ကို လှန်ပြီးကြော်ပေးပါ
- ကျန်တဲ့တစ်ဖက်လဲ ရွှေဝါရောင် သန်းလာပါက ဆယ်ပြီးဆီစစ်ပေးပါ
- အားလုံးကြော်ပြီးသွားပါက ကြက်သားကြော်ရဲ့ အပေါ်မှာ ဆယ်ပြီးဆီစစ်ထားသော ချင်းနှင့် ကြက်သွန်ကြော်လေးများ ဖြူးပြီး စားသုံးရန်ပြင်ပေးပါ
- အရည်ခွံ ကြွတ်ကြွတ်လေးနဲ့ ကြက်ကြော်လေးကို နှစ်သက်သလို သုံးဆောင်နိုင်ပါပြီ။
No comments:
Post a Comment