Tuesday 16 February 2016

ကြက်အမွထောင်းကြော် မွှေးမွှေးလေး


ဒီနေ့တော့  ကြက်ရင်ပုံသားကိုပြုပ်ပြီး မွမွလေးထွင်ကာ မွမွလေးထောင်းပြီး ပြန်ကြော်ထားပါတယ် ကလေးလူကြီး အကြိုက်လေးမို့ ချက်လို့ပျော်တဲ့ ဟင်းတစ်မယ်ပါ။

အစပ်မကြိုက် အစပ်မစားတဲ့ သူတွေအတွက် အရမ်းအဆင်ပြေတဲ့ ဟင်းချက်နည်းလေး ဖြစ်တဲ့အတွက် မာမာပြင်ဆင်ပြီး ကြော်ထားတဲ့ နည်းလေးကို  မျှဝေပေးလိုက်ပါတယ်။

ပါဝင်ပစ္စည်းများ

  1. ကြက်ရင်ပုံသား  - 500 g
  2. ကြက်သွန်နီ - 250 g
  3. ဆီ - လိုသလောက် သုံးပေးပါ
  4. နနွင်းမှုန့် - လက်ဖက်ရည်ဇွန်း သုံးပုံတစ်ပုံ
  5. ဟင်းချိုမှုန့် - လက်ဖက်ရည်ဇွန်း တစ်ဝက်
  6. ငံပြာရည် - လက်ဖက်ရည်ဇွန်း တစ်ဇွန်းသာသာ

ကြက်သားပြုပ်ရန်
  • ဆား - လက်ဖက်ရည်ဇွန်း တစ်ဝက်
  • ငံပြာရည် - လက်ဖက်ရည်ဇွန်း တစ်ဇွန်းသာသာ
  • ဟင်းချိုမှုန့် - လက်ဖက်ရည်ဇွန်း တစ်ဝက်
  • နနွင်းမှုန့် - လက်ဖက်ရည်ဇွန်း လေးပုံတစ်ပုံ
  • ကြက်သားကို အတုံးလိုက် အရသာများနယ်ကာ ရေမြုပ်အောင်ထည့်ပြီး ရေခမ်းတဲ့အထိ ပြုပ်ပေးပါ
ကြက်သားအမွကြော်ရန် ပြင်ဆင်ပုံ
  1. ကြက်သွန်နီကို အခွံခွာပြီး အလုံးလိုက် ရေဆေးကာ ခပ်ပါးပါး လှီးပေးပါ
  2. လှီးထားသော ကြက်သွန်များကို ဇလုံတစ်ခုထဲထည့်ပြီး လက်နှင့်ဆုတ်ပြီး မွှထားပါ
  3. ဒယ်အိုးထဲ ဆီထည့်ပြီး အပူပေးပါ 
  4. ဆီပူလာပြီး အငွေ့တက်လာတာနဲ့ နနွင်းမှုန့်ထည့်ပေးပါ
  5. ပြီးတာနဲ့ မွှထားသော ကြက်သွန်နီများကို ထည့်ကြော်ပါ
  6. ကြော်နေစဉ် အကျက်ညီစေရန် မကြာမကြာ မွှေပေးပါ 
  7. ကြက်သွန်အားလုံး နီရောင်ရောင်လေး သန်းလာတာနဲ့ ဆယ်ပြီး ဇကာထဲထည့်ကာ ဆီစစ်ထားပါ
ကြက်သားကြော်ရန်
  1. ပြုပ်ပြီး အအေးခံထားသော ကြက်သားကို အမြှောင်းအရှည်လေးများရအောင် ထွင်ပေးထားပါ
  2. ထွင်ပြီးသော ကြက်သားကို ငရုတ်ဆုံထဲထည့်ပြီး မညက်တစ်ညက် ထောင်းပေးပါ
  3. ထောင်းထားသော ကြက်သားထောင်းကို ကြက်သွန်နီကြော်ထားသော ဆီအိုးထဲမှာ ကြွတ်လာတဲ့ထိ ကြော်ပေးပါ
  4. ကြော်နေစဉ် မီးအနေတော်နှင့်ကြော်ပြီး အကျက်ညီစေရန် မွှေမွှေပေးပါ
  5. ကြက်သားများ မွပြီးကြွတ်လာပါက ဇကာစိတ်ထဲ ဆယ်ပြီးထည့်ကာ ဆီစစ်ပေးပါ
  6. ကြက်သွန်နီကြော်နှင့် ကြက်သားကြော် ဆီစစ်ပြီး အေးသွားသောအခါ နှစ်မျိုးလုံးကို ရောမွှေပေးပါ
  7. မွမွမွှေးမွှေးလေးနဲ့ ရွနေတဲ့  ကြက်ကြော်လေးကို နှစ်သက်သလို စားသုံးနိူင်ပါတယ်။

No comments:

Post a Comment