ဒါကြောင့်မို့လို့ မာမာပြင်ဆင်ပြီး ဖျော်ထားတဲ့ ခရမ်းချဉ်သီး ပန်ထွေဖျော်တဲ့ နည်းလေးကို မျှဝေပေးလိုက်ပါတယ်ရှင်။
ပါဝင်ပစ္စည်းများ
- ခရမ်းချဉ်သီး - အလုံးခပ်ကြီးကြီး သုံးလုံး
- ကြက်သွန်ဖြူ - အမွှာကြီးကြီး ရှစ်မွှာ
- ကြက်သွန်နီ - အလုံးသေး လေးလုံး ( Onion shallot) ကို သုံးပါ
- အချိုမှုန့် - လက်ဖက်ရည်ဇွန်း တစ်၀က်
- ငါးငံပြာရည် - ထမင်းစားဇွန်းသုံးဇွန်း
- နံနံပင် - နှစ်သက်သလောက်
- ငရုတ်သီးစိမ်း - နှစ်သက်သလောက်
- ပဲဆီ - ထမင်းစားဇွန်း နှစ်ဇွန်း
ပြင်ဆင်ပုံ
- ခရမ်းချဉ်သီးများကို အပြင်ခွံများ ကျွမ်းတဲ့အထိ ဖုတ်ပေးပါ
- အပြင်အခွံများ ကျွမ်းလာကာ ကွဲအက်လာပြီ ဆိုတာနဲ့ မီးဖိုထဲမှ ဆယ်ပေးပါ
- ပြီးတာနဲ့ ရေဆေးပြီး အပြင်ခွံများ ခွာပေးထားပါ
- ကြက်သွန်ဖြူကို အခွံခွာပြီး ရေဆေးကာ ခပ်ပါးပါးလေးတွေ လှီးထားပါ
- ကြက်သွန်နီကို အခွံခွာပြီး ရေဆေးကာ အကွင်းလိုက် ခပ်ပါးပါးလေးတွေ လှီးထားပါ
- နံနံပင်ကို ရေဆေးပြီး ခပ်ကြမ်းကြမ်း လှီးထားပါ
- ငရုတ်သီးစိမ်းကို ရေဆေးပြီး မထူမပါးလေးတွေ လှီးထားပါ
- အားလုံးအဆင်သင့် ဖြစ်တာနဲ့ ဇလုံတစ်လုံးထဲမှာ ခရမ်းချဉ်သီးများကို ကျေသွားအောင် ချေပေးပါ
- ခရမ်းချဉ်သီး ချေထားတဲ့ ပန်းကန်ထဲမှာ ကြက်သွန်ဖြူ ငရုတ်သီးစိမ်း ငံပြာရည် အချိုမှုန့် နံနံပင်နှင့် ဆီတို့ထည့်ပြီး မွှေပေးပါ
- အားလုံးသမအောင် မွှေပေးပြီးတာနဲ့ ခရမ်းချဉ်သီး ချဉ်ငံစပ် ပန်ထွေဖျော်ကို မိမိနှစ်သက်သလို စားသုံးနိူင်ပါပြီ။
No comments:
Post a Comment