Friday, 30 June 2017

ကြက်အသည်းအမြစ် အစိမ်းကြော်


အိမ်အပြောင်းအရွှေ့တွေနဲ့ အလုပ်များနေချိန် ဟင်းချက်ချိန်လဲ သိပ်မရလေတော့ ချက်ချိန်သိပ်မကြာဘဲ ထမင်းစားလို့ မိန်စေမဲ့ အစိမ်းကြော်လေးတမယ်ဘဲ ကြော်ဖြစ်ပါတယ်
ထမင်းပူပူ ဟင်းပူပူလေးနဲ့ ထမင်းစားလို့ မိန်မိန်စားနိူင်အောင် ကြက်အသည်းအမြစ် အစိမ်းကြော် ကြော်နည်းလေး မျှဝေလိုက်ပါတယ်။

ပါဝင်ပစ္စည်းများ

  • ကြက်အသည်း - ၅ခု
  • ကြက်အမြစ် - ၅ခု
  • ကြက်သွန်နီ - အနေတော် ၁ဥ
  • ကြက်သွန်ဖြူ - အမွှာကြီးကြီး ၂မွှာ
  • မုံလာဥနီ - အနေတော် တဥ
  • ဂေါ်ဖီ - အရွက်ကြီး ၄ရွက်
  • ပန်းဂေါ်ဖီ - အနေတော် ၃ခက်
  • ဆယ်လရီ အရိုး - တထွာခန့် 
  • ဘရိုကိုလီ - အနေတော် ၄ခက်ခန့်
  • ကော်မှုန့် - ထမင်းစားဇွန်း တဇွန်း
  • ဆား - လက်ဖက်ရည်ဇွန်း တဇွန်း
  • သကြား - ထမင်းစားဇွန်း တဇွန်း
  • ပဲငံပြာရည်အနောက် - ထမင်းစားဇွန်း တဇွန်း
  • ရွှေပဲသီး - ၁၀တောင့်
  • ဆီ - ထမင်းစားဇွန်း ၅ဇွန်း 


ကော်ရည်ဖျော်နည်း


  • ကော်မှုန့်
  • သကြား 
  • ဆား 
  • ပဲငံပြာရည် 
  • ရေ - လက်ဖက်ရည်ပန်းကန်လုံး ၂လုံးစာ
  • (အားလုံးကို ပျော်သွားအောင် ရောဖျော်ထားပါ)
ပြင်ဆင်ပုံ
  • ကြက်အသည်း အမြစ်တို့ကို ရေစင်အောင်ဆေးပြီး အနေတော် အတုံးလေးတွေတုံးပြီး ဆားအနည်းငယ် အချိုမှုန့်အနည်းငယ်တို့နှင့် အရသာဝင်အောင် အနည်းငယ် နယ်ထားပေးပါ
  • ကြက်သွန်နီကို လေးစိတ်ခွဲပြီး အလွှာတွေရအောင် ခွာထုတ်ထားပါ
  • ကြက်သွန်ဖြူကို အခွံခွာပြီး ဓါးပြားရိုက်ထားပါ
  • အခြားအသီးအနှံတွေကိုလည်း ရေဆေးကာ အနေတော်လှီးထားပါ
  • အရသာနယ်ထားသော အသည်းအမြစ်များကို ရေမြုပ်အောင်ထည့်ပြီး ရေခမ်းအောင် ပြုပ်ထားပါ
  • ဒယ်အိုးတစ်လုံးကို ဆီထည့်ပြီး အပူပေးပါ
  • ဆီပူလာလျှင် ကြက်သွန်ဖြူကို မွှေးရုံလေး ကြော်ပေးကာ ဆယ်လာရီ ပန်းဂေါ်ဖီ ဂေါ်ဖီ မုံလာဥနီ ဘရိုကိုလီ စသည့်အသီးအရွက်များကို ထည့်ကြော်ပါ
  • အသီးအရွက်များ အနည်းငယ် နွမ်းသွားပါက ပြုပ်ထားသော ကြက်သားကြော်များ ထည့်ပေးပါ
  • အကြာကြီး ကြော်စရာမလိုဘဲ အနည်းငယ် နွမ်းရုံကြော်ပြီးတာနဲ့ ကြက်သွန်နီ အဖတ်လေးများ ထည့်မွှေပါ
  • ပြီးတာနဲ့ ဖျော်ထားသော ကော်ရည် လောင်းထည့်ပြီး မွှေပေးပါ
  • ကော်ရည် အနည်းငယ် ပြစ်လာတာနဲ့ အရသာမြည်းပြီး လိုသလိုပြင်ကာ ရွှေပဲသီးကိုထည့်ပြီး မွှေပေးပါ
  • အားလုံးသမသွားပြီဆိုတာနဲ့ အလွန်စားကောင်းလို့ကောင်းတဲ့ ကြက်အသည်းအမြစ် အစိမ်းကြော်လေး ရပါပြီ။

No comments:

Post a Comment