ဒီနေ့တော့ ဂုံးကို ချဉ်စပ်လေး ချက်ဖြစ်ပါတယ် မြန်မာပြည်က ဂုံးတွေလောက်တော့ မမွှေးပေမဲ့ အသားပိုများပြီး နူးညံ့ပါတယ် ချက်ရတာမြန်ပြီး စားလို့ကောင်းတဲ့အတွက် မာမာပြင်ဆင်ပြီး ချက်ထားတဲ့ ချက်နည်းလေးကို မျှဝေလိုက်ပါတယ်။
ပါဝင်ပစ္စည်းများ
- အခွံပါသော New Zealand green-shell mussel - တစ်ကီလိုခွဲ
- ငရုတ်သီး အရောင်တင်မှုန့် - လက်ဖက်ရည်ဇွန်း တစ်ဇွန်း
- ညက်နေအောင် ထောင်းထားသော ငရုတ်သီးစိမ်း – ထမင်းစားဇွန်း တစ် ဇွန်း
- ခပ်နုတ်နုတ် လှီးထားသော ကြက်သွန်ဖြူ - အမွှာကြီးကြီး ၃မွှာ
- ခပ်နုတ်နုတ် လှီးထားသော ကြက်သွန်နီ - ထမင်းစားဇွန်း ၃ ဇွန်းခန့်
- Tomato sauce - ထမင်းစားဇွန်း ၇ ဇွန်း
- ခပ်ပါးပါး လှီးထားသော ခရမ်းချဉ်သီး - အနေတော် တစ်လုံး
- ဆား - လက်ဖက်ရည်ဇွန်း တစ်ဝက်
- ငံပြာရည် - ထမင်းစားဇွန်း တစ်ဇွန်း
- အရသာမှုန့် - လက်ဖက်ရည်ဇွန်း တစ်ဝက်သာသာ
- ရေ - ဟင်းခပ်ဇွန်းကြီး တစ် ဇွန်း
- ဆီ - ထမင်းစားဇွန်း ၅ဇွန်း
ပြင်ဆင်ပုံ
- ဂုံးများကို ရေစင်အောင်ဆေးပြီး ရေစစ်ထားပါ
- ဟင်းချက်ရန် လိုအပ်သော ပစ္စည်းများကို ပြင်ထားပါ
- ဇောက်နက်သော အနေတော်အိုးကို အပူပေးကာ ဆီနှင့် နနွင်းမှုန့်ကိုထည့်ပါ
- ဆီပူလာတာနဲ့ လှီးထားသော ကြက်သွန်နီ ကြက်သွန်ဖြူနှင့် ငရုတ်သီးအရောင်တင်မှုန့် ငရုတ်သီးသီးစိမ်းတို့ကို ထည့်ပြီးဆီသတ်ပေးပါ
- ဆီသတ်နံ့မွှေးလာတာနဲ့ ခရမ်းချဉ်သီးများကို ထည့်ပြီးဆီသတ်ပေးပါ
- ခရမ်းချဉ်သီးများ ကျေလာတာနဲ့ ရေစစ်ထားသော ဂုံးများ ဆား ငံပြာရည်နှင့် အရသာမှုန့်တို့ကို ထည့်မွှေပေးပါ
- ပြီးတာနဲ့ ရေထည့်ကာ ပွက်ပွက်ဆူအောင် တည်ပေးပါ
- ဂုံးများကျက်လာတာနဲ့ အရသာမြည်ပြီး လိုသလို ပြင်ပေးကာ ရေမခမ်းခင် မီးပိတ်ပေးပါ
- အနံ့အရသာနှင့် ပြည့်စုံလှသော ခရမ်းချဉ်သီး အရည်စပ်ကျဉ်းလေးနှင့် ဂုံးချဉ်စပ်လေး စားသုံးရန် ပြင်ပေးနိူင်ပါပြီ။
No comments:
Post a Comment