Sunday 25 June 2017

ကြက်သား ငါးပိချက်


အရသာ လျှာကသိ ဆိုသလိုပါဘဲ ထင်းစားတိုင်း တမ်းတမိတာက ငါးပိချက်လေးတွေ ငါးပိရည်ကျိုလေးတွေပါမှ လေးလေးပင်ပင်လေး ရှိတတ်ပါတယ်။

ဒါကြောင့်မို့လို့ ဒီနေ့တော့ ငါးပိချက်လေး ချက်အုံးမှပါဆိုပြီး ရေခဲသေတ္တာအဖွင့် ကြက်သားတွေတွေ့တာနဲ့ ကြက်သားငါးပိချက်လေး စားချင်လာမိပြန်တယ် ဒီတော့လဲ ထမင်းမိန်မိန် စားရလေအောင် ကြက်သားငါးပိချက်လေး ချက်ဖြစ်လို့ ချက်နည်းလေး မျှဝေလိုက်ပါတယ်။


ပါဝင်ပစ္စည်းများ

  1. အနေတော် အတုံးလေးတွေ တုံးထားသော ကြက်သား - 300 g 
  2. ငရုတ်သီးအကြမ်းမှုန့် - ထမင်းစားဇွန်း သုံးဇွန်း (အစပ်မစားလျှင် လျော့ထည့်ပါ)
  3. ပါးပါးလှီးထားသော ကြက်သွန်နီ - အနေတော် တစ်လုံး
  4. နုတ်နုတ်စဉ်းထားသော ကြက်သွန်ဖြူ - ၄မွှာခန့်
  5. ပါးပါးလှီးထားသော ခရမ်းချဉ်သီး - အလုံးကြီးကြီး ၅လုံး (သို့မဟုတ်) ready made ၄၀၀ဂရမ်ဗူးကို သုံးပေးပါ
  6. ဆီ - ထမင်းစာဇွန်း ငါးဇွန်း
  7. နနွင်းမှုန့် - လက်ဖက်ရည်ဇွန်း သုံးပုံတစ်ပုံ
  8. ငံပြာရည် - ထမင်းစားဇွန်း သုံးဇွန်း
  9. ကျိုထားသော ငါးပိရည်ကျိုပျစ်ပျစ် - လက်ဖက်ရည်ပန်းကန် တစ်လုံး
  10. အရသာမှုန့် - လက်ဖက်ရည်ဇွန်း တစ်ဇွန်း


ပြင်ဆင်ပုံ
  • ဒယ်အိုးထဲမှာ ဆီထည့်ကာ ဆီကိုအပူပေးပြီး နနွင်းမှုန့်ကိုထဲ့ပေးပါ။ 
  • ပြီးတာနဲ့ကြက်သွန်နီနှင့် ကြက်သွန်ဖြူကို နွမ်းသွားအောင် ကြော်လိုက်ပါ။
  • ကြက်သွန်များ နွမ်းတာနဲ့ ငရုတ်သီးအကြမ်းမှုန့်ကိုမွှေးလာတဲ့ထိ ကြော်ပေးပါ။
  • ငရုတ်သီးနံ့ မွှေးလာတာနဲ့ ကြက်သားကို အနည်းငယ် မာလာတဲ့အထိ ကြော်ပေးပါ။
  • ကြက်သားများ အနည်းငယ် မာလာတာနဲ့ ခရမ်းချဉ်သီးကိုထဲ့ပြီး အခွံများ လိတ်လာတဲ့ထိ မွှေပြီးချက်ပေးပါ။
  • ခရမ်းချဉ်သီများ ကျေသွားပြီးး အခွံများ လိတ်လာတာနဲ့ အရသာမှုန့် ငံပြာရည် ငါးပိရည်ကျိုတို့ကို ထဲ့ပြီးမွှေပေးပါ။
  • အားလုံး ပွက်ပွက်ဆူလာတာနဲ့ အရသာကိုမြည်းကာ လိုသလို ပြင်ပေးပြီး မီးပိတ်ပေးပါ။
  • ပြီးတာနဲ့ ကြက်သားငါးပိချက် မွှေးမွှေးလေးကို တို့စရာအစုံအလင်နဲ့ သုံးဆောင်နိုင်ပါပြီ။
  • ငါးပိချက် အရောင်ပိုလှအောင် ရိုးရိုး ခရမ်းချဉ်သီးအစား ready made ဗူးကို သုံးထားပါတယ်။

No comments:

Post a Comment