ထမင်းဝိုင်းမှာ အရည်သောက်လေးပါမှ ထမင်းစားလို့ကောင်းပါတယ် ဒါကြောင့်မို့ ဒီနေ့တော့ ငါးဆားနယ်ကြော်ကို ငရုတ်သီးစပ်စပ်နဲ့ကြော်ပြီး ငါးဆားနယ်ကြော်နဲ့ လိုက်ဖက်လွန်းတဲ့ သခွားသီးကြော်ချက် တစ်မယ်ချက်လိုက်ပါတယ် စားချင့်စဖွယ် စားမြိန်အရည်သောက် ဟင်းလေးမို့ ချက်နည်းလေး မျှဝေလိုက်ပါတယ်။
ပါဝင်ပစ္စည်းများ
- သခွားသီး - ခပ်ကြီးကြီး တစ်လုံး
- ကြက်သွန်ဖြူ - အမွှာကြီးကြီး နှစ်မွှာ
- ကြက်သွန်နီ - အနေတော် တစ်ခြမ်း
- ငရုတ်ကောင်းမှုန့် - လက်ဖက်ရည်ဇွန်း တစ်ဝက်
- ဆား - လက်ဖက်ရည်ဇွန်း တစ်ဝက်
- အရသာမှုန့် - လက်ဖက်ရည်ဇွန်း တစ်ဝက်
- ဆီ - ထမင်းစားဇွန်း တစ်ဇွန်း
- နနွင်းမှုန့် - လက်ဖက်ရည်ဇွန်း လေးပုံတစ်ပုံ
ကြက်သားလုံးလုပ်ရန်
- ကြက်ကြိတ်သား 100 g
- ဆား လက်ဖက်ရည်ဇွန်း သုံးပုံတစ်ပုံ
- အရသာမှုန့် လက်ဖက်ရည်ဇွန်း တ၀က်
- ပြောင်းကော်မှုန့် ထမင်းစားဇွန်း တစ်ဝက်သာသာ
ပြင်ဆင်ပုံ
- သခွားသီးကို အခွံခွာပြီး ပုံပါအတိုင်း လှီးထားပါ
- ကြက်သွန်ဖြူနှင့် ကြက်သွန်နီကိုအခွံခွာပြီး ရေဆေးကာ ပြင်ထားပါ
- ကြက်ကြိတ်သားကို ဆား အရသာမှုန့် ပြောင်းကော်မှုန့်တို့နဲ့ နယ်ထားပေးပါ
- ကြက်ကြိတ်သားကို အရသာနယ်ပြီး အနေတော် အလုံးလေးတွေ လုံးထားပါ
- အိုးတစ်လုံးထဲမှာ သခွားသီး ကြက်သွန်ဖြူ ကြက်သွန်နီ ဆီ ဆား အရသာမှုန့် နနွင်းမှုန့်နှင့် ရေအနည်းငယ်တို့ကိုထည့်ကာ ဟင်းလုံးမိအောင် တည်ပေးပါ
- ရေပွက်ပွက် ဆူလာပြီး သုံးမိနစ်လောက် နေတာနဲ့ အထက်အောက် သမအောင်မွှေကာ ကြက်သားလုံးများကို ထည့်ပြီး ၃မိနစ်လောက် အဖုံးအုပ်ပြီး တည်ထားပါ
- ပြီးတာနဲ့ ရေ တရုတ်ဟင်းရည်သောက် ပန်းကန်တစ်လုံးခွဲစာ ထည့်ပြီး ဆူအောင်တည်ပါ
- ဟင်းရည်ဆူလာပါက အရသာမြည်းပြီး လိုသလိုပြင်ကာ ငရုတ်ကောင်းမှုန့်ခပ်ပြီး သခွားသီးကြော်ချက်ကို ဟင်းပွဲပြင်ပေးနိူင်ပါပြီ။
No comments:
Post a Comment