အခုရက်ထဲ မာမာတစ်ယောက် အိမ်အလုပ်တွေ များနေပေမဲ့ ဟင်းတွေတော့ ချက်ဖြစ်ပါတယ် ဒါပေမဲ့လဲ သတ်သတ်လွတ်လေးတွေ စားနေတဲ့ သမီးငယ်လေးအတွက် အသုပ်စုံလေးတွေ သုပ်ဖြစ်တာမို့လို့ ဒီနေ့တော့ လူတိုင်းပြင်ဆင်တတ်တဲ့ လွယ်ကူမြန်ဆန် ခရမ်းချဉ်သီး အသုပ်စုံ သုပ်နည်းလေး မျှဝေလိုက်ပါတယ်။
ပါဝင်ပစ္စည်းများ
- ခရမ်းချဉ်သီး - ခပ်ကြီးကြီး နှစ်လုံး
- နံနံပင် - မိမိနှစ်သက်သလောက်
- လက်ဖက်အကြော်စုံ - ထမင်းစားဇွန်း ရှစ်ဇွန်းခန့်
- ဆား - လက်ဖက်ရည်ဇွန်း တစ်ဝက်
- အရသာမှုန့် - လက်ဖက်ရည်ဇွန်း တစ်ဝက်
- ပဲဆီစိမ်း - ထမင်းစားဇွန်း တစ်ဇွန်း
- သံပုရာသီး - တစ်စိတ်
- ငရုတ်သီးစိမ်း - စားနိူင်သလောက်
ပြင်ဆင်ပုံ
- ခရမ်းချဉ်သီးကို အလုံးလိုက် ရေဆေးပြီး ခပ်ပါးပါး လှီးထားပါ
- နံနံပင်နှင့်ငရုတ်သီးစိမ်းကို ရေဆေးပြီး မထူမပါးလေးတွေ လှီးထားပါ
- အသုပ်ထဲထည့်ရန် လိုအပ်သော ပစ္စည်းများကို အဆင်သင့် ပြင်ထားပါ
- လှီးထားသော ခရမ်းချဉ်သီးများကို ဇလုံကျယ်ကျယ်ထဲမှာ ထည့်ပေးပါ
- လက်ဖက်အကြော်စုံ နံနံပင် ဆား ဆီ အရသာမှုန့် ငရုတ်သီးစိမ်း သံပုရာရည်တို့ကိုထည့်ပြီး ခပ်ဖွဖွနယ်ပေးကာ အရသာမြည်းပြီး လိုသလို ပြင်ပေးပါ
- နယ်ဖတ်ပြီးတာနဲ့ စားပွဲပြင်မည့် ပန်းကန်ထဲသို့ပြောင်းပြီး သတ်သတ်လွတ် ခရမ်းချဉ်သီးသုပ် ချဉ်ငံစပ်လေးကို ထမင်းပူပူ ရေနွေးကြမ်းလေးနှင့်တွဲဖက်ကာ သုံးဆောင်နိုင်ပါပြီ။
No comments:
Post a Comment