Monday, 19 June 2017

ငှက်ပျောပွင့် ဆီပြန်







မြန်မာပြည်မှာတော့ ငှက်ပျောဖူးက အရမ်းပေါတဲ့အတွက် အဖူးထဲက အပွင့်လေးတွေကို လွှင့်ပြစ်လိုပ်တာ များပါတယ် မာမာကတော့ ပြစ်လိုက်ရမှာ သမျှောတာနဲ့ ငှက်ပျောပွင့်ထဲက ၀တ်ဆံမာမာလေးတွေကို တခုခြင်းစီ စိတ်ရှည် လက်ရှည်ဖယ်ကာ ဟင်းတမယ်ရအောင် ချက်ထားပါတယ် ချက်နည်းကတော့ ငှက်ပျောဖူး ချက်နည်း အတိုင်းဘဲချက်ထားတဲ့ ထမင်းစား မိန်စေမဲ့ ချဉ်ငံစပ် ငှက်ပျောပွင့်ချက်နည်းလေး မျှဝေလိုက်ပါတယ်။

ပါဝင်ပစ္စည်းများ

  • ငှက်ပျောပွင့် တရုတ်ဟင်းပြင်ပန်းကန်အကြီး  - ၁ လုံးစာ
  • ငရုတ်စိမ်း - နှစ်သက်သလောက် (သို့ ) ငရုတ်သီးမှုန့် အရောင်တင်မှုန့် လက်ဖက်ရည်ဇွန်း တဇွန်း
  • မျှင်ငပိ - ကွမ်းသီးဆံလုံးလောက်
  • ကြက်သွန်နီ - အနေတော် တခြမ်း
  • ကြက်သွန်ဖြူ - ၂မွှာ
  • ဆား - လိုသလောက်
  • ဆီ - ထမင်းစားဇွန်း ၃ဇွန်း
  • မကျဉ်းသီးမှည့် - ကွမ်းသီးဆံလုံးလောက်
  • ပုဇွန်ခြောက်မှုန့် - ထမင်းစားဇွန်း ၂ဇွန်း 
  • ဆီ - ထမင်းစားဇွန်း ၃ဇွန်း
ပြင်ဆင်ပုံ
  • ငှက်ပျောပွင့်ကို ပုံပါအတိုင်း အပွင့်အထဲမှ ၀တ်ဆံများကို တခုခြင်း ဖယ်ပေးပါ
  • ကျန်နေသော ငှက်ပျောပွင့်များကို  ဆားအနည်းငယ်ဖြင့် ပျော့ပြီးအဖန်ရည်များ ထွက်သွားအောင်  နယ်ပေးပါ
  • အဖန်ဓါတ်များ ပျောက်သွားအောင် နယ်ပေးကာ ငှက်ပျောပွင့်များ ပျော့လာပြီဆိုရင် ရေသုံးခါလောက် ဆေးပေးပါ
  • ငရုတ်စိမ်းနဲ့ ချက်မယ်ဆို ငရုတ်သီးစိမ်းကို ခပ်ပါးပါး လှီးပေးပါ
  • ငရုတ်သီးအရောင်တင်မှုန့် သုံးမယ်ဆိုရင် ပြင်ထားပါ
  • ကြက်သွန်နီ အနေတော် တခြမ်းကို ခပ်နုတ်နုတ်လှီးထားပါ
  • ကြက်သွန်ဖြူကို အခွံခွာပြီး ခပ်နုတ်နုတ် လှီးထားပါ
  • မန်ကျည်းသီးမှည့်ကို ရေအနည်းငယ်နှင့် စိမ်ထားပါ
  • မျှင်ငါးပိကို ရေအနည်းငယ်နှင့် ဖျော်ထားပါ
  • ဆီကိုအပူပေးပြီး နနွင်းမှုန့်ထည့်ပါ
  • ဆီပူလာတာနဲ့ ငရုတ်သီးစိမ်း (သို့ )ငရုတ်သီးအရောင်တင်မှုန့် နှင့် ကြက်သွန်အဖြူ အနီကို မွှေးလာအောင် ထည့်ကြော်ပါ
  • ပြီးတာနဲ့ ငှက်ပျောပွင့်ကို ထည့်ကြော်ပါ
  • ငှက်ပျောပွင့် အနည်းငယ် နွမ်းတာနဲ့မျှင်ငပိ ဆား  ပုဇွန်ခြောက်မှုန့်ထည့်ကာ မွှေပေးပါ
  • ပြီးတာနဲ့ ရေကို ငှက်ပျောပွင့်များ ဖုံးမြုပ်အောင် ထည့်ပေးကာ ဆူပွက်လာသည်အထိ ချက်ပေးပါ 
  • ရေဆူပွက်လာပြီးဆိုလျှင် မကျည်းသီးမှည့်ကို ပျစ်ပျစ်လေး ဖျော်ထဲ့ကာ အရသာ မြည်းပေးပါ
  • အရသာကို လိုသလို ပြင်ပေးပြီး ဆီပြန်အနေထားရအောင် တည်ပေးပါ
  • ငှက်ပျောဖူးများ နူးအိလာပြီဆိုရင် မီးပိတ်ပေးပါ
  • ထမင်းစားမြိန်စေမဲ့ ငှက်ပျောပွင့်ချဉ်ငံစပ် နူးနူးအိအိလေးကို သုံးဆောင်နိူင်ပါပြီ။


No comments:

Post a Comment