Tuesday, 20 June 2017

ငှက်ပျောဖူး ရခိုင်ချက်










မာမာတို့ အခုပြောင်းလာတဲ့ မြို့လေးက အေးရှန်းအသီးအရွက်တွေ တပါတ် ၃ရက်ရောင်းတဲ့ ဈေးကြီးတခု ရှိလေတော့ အေးရှန်းစာ ကြိုက်တဲ့ မာမာအတွက် အရမ်းကို အဆင်ပြေလွန်းပါတယ် မနေ့က ဈေးကိုသွှားတာ ငှက်ပျောဖူးတွေတွေ့တော့ စားချင်စိတ်က မနေနိူင်ဖြစ်ပြန်ပါရော ဒီတော့ကာ ၀ယ်လာပြီး ဒီနေ့တော့ ထမင်းစား မိန်စေမဲ့ ချဉ်ငံစပ် ငှက်ပျောဖူး ရခိုင်ချက်လေး ချက်ဖြစ်လို့ ချက်နည်းလေး မျှဝေလိုက်ပါတယ်။

ပါဝင်ပစ္စည်းများ

  • ငှက်ပျောဖူး  - အနေတော် ၁ ဖူး
  • ငရုတ်စိမ်း - နှစ်သက်သလောက် (သို့ ) ငရုတ်သီးမှုန့် အရောင်တင်မှုန့် လက်ဖက်ရည်ဇွန်း တဇွန်း
  • ပုဇွန်ငပိ - ကွမ်းသီးဆံလုံးလောက်
  • ကြက်သွန်နီ - အနေတော် တခြမ်း
  • ကြက်သွန်ဖြူ - ၂မွှာ
  • ဆား - ထမင်းစားဇွန်း ၂ဇွန်း (ငှက်ပျောဖူးဆေးရန်)
  • ဆီ - ထမင်းစားဇွန်း ၃ဇွန်း
  • မကျဉ်းသီးမှည့် - ကွမ်းသီးဆံလုံးလောက်
  • ပုဇွန်ခြောက်မှုန့် - ထမင်းစားဇွန်း ၂ဇွန်း (သို့ ) ပုဇွန်ထုတ် ၃ကောင်
  • ဆီ - ထမင်းစားဇွန်း ၃ဇွန်း
ပြင်ဆင်ပုံ
  • ငှက်ပျောဖူးကို ပုံပါအတိုင်း အပေါ်ယံအခွံများကို တခွံခြင်းခွာပေးပြီး အခွံအရင့်များ ကုန်သည်အထိ ခွာပေးပါ
  • ကျန်နေသော ငှက်ပျောဖူး အနုပိုင်းကို အနေတော်လှီးပြီး ဆားနှင့် ပျော့ပြီးအဖန်ရည်များနှင့် အမည်းရောင် အစေးများ ထွက်သွားအောင် နာနာနယ်ပေးပါ
  • အဖန်ဓါတ်များနှင့် အမည်းရောင်အစေးများ ပျောက်သွားအောင် နယ်ပေးကာ ငှက်ပျောဖူး ပျော့လာပြီဆိုရင် ရေသုံးခါလောက် ဆေးပေးပါ
  • ငရုတ်သီးစိမ်းနဲ့ ချက်မယ်ဆို ငရုတ်သီးစိမ်းကို ခပ်ပါးပါး လှီးပေးပါ
  • ငရုတ်သီးအရောင်တင်မှုန့် သုံးမယ်ဆိုရင် ပြင်ထားပါ
  • ကြက်သွန်နီ အနေတော် တခြမ်းကို ခပ်နုတ်နုတ်လှီးထားပါ
  • ကြက်သွန်ဖြူကို အခွံခွာပြီး ခပ်နုတ်နုတ် လှီးထားပါ
  • မန်ကျည်းသီးမှည့်ကို ရေအနည်းငယ်နှင့် စိမ်ထားပါ
  • မျှင်ငါးပိကို ရေအနည်းငယ်နှင့် ဖျော်ထားပါ
  • ဆီကိုအပူပေးပြီး နနွင်းမှုန့်ထည့်ပါ
  • ဆီပူလာတာနဲ့ ငရုတ်သီးစိမ်း (သို့ )ငရုတ်သီးအရောင်တင်မှုန့် နှင့် ကြက်သွန်အဖြူ အနီကို မွှေးလာအောင် ထည့်ကြော်ပါ
  • ပြီးတာနဲ့ ငှက်ပျောဖူးကို ထည့်ကြော်ပါ
  • ငှက်ပျောဖူးအနည်းငယ် နွမ်းတာနဲ့မျှင်ငပိ ဆား ပုဇွန်စိမ်း ၃ ကောင်မျှ သို့်မဟုတ် ပုဇွန်ခြောက်မှုန့်ထည့်ကာ မွှေပေးပါ
  • ပြီးတာနဲ့ ရေကို ငှက်ပျောဖူး ဖုံးမြုပ်အောင် ထည့်ပေးကာ ဆူပွက်လာသည်အထိ ချက်ပေးပါ 
  • ရေဆူပွက်လာပြီးဆိုလျှင် မကျည်းသီးမှည့်ကို ပျစ်ပျစ်လေး ဖျော်ထဲ့ကာ အရသာ မြည်းပေးပါ
  • အရသာကို လိုသလို ပြင်ပေးပြီး ဆီကျန်ရေကျန် အနေထားရအောင် တည်ပေးပါ
  • ငှက်ပျောဖူးများ နူးအိလာပြီဆိုရင် မီးပိတ်ပေးပါ
  • ထမင်းစားမြိန်စေမဲ့ ငှက်ပျောဖူးရခိုင်ချက် ချဉ်ငံစပ် နူးနူးအိအိလေးကို သုံးဆောင်နိူင်ပါပြီ။

No comments:

Post a Comment