အရင်နှစ်က ထည့်ထားတဲ့ သရက်သီး ဆားရည်လေးတွေ ဒီနှစ်သရက်သီး မပေါ်ခင်ထုတ်ပြီး သုပ်စားလိုက် ထောင်းစားလိုက်နဲ့ ဒီနေ့တော့ ကြက်ကြော်တွေ ပိုနေတာနဲ့ ရောသမမွှေကာ ထောင်းစားဖြစ်ပြန်ပါတယ် ထမင်းဝိုင်းအတွက် အအီပြေ အရံဟင်း တစ်မယ်အတွက် ထောင်းနည်းလေး မျှဝေလိုက်ပါတယ်။
ပါဝင်ပစ္စည်းများ
- သရက်သီး ဆားရည်စိမ် - အနေတော် ၂လုံး
- ကြက်သွန်နီ - အနေတော် တစ်လုံး
- နံနံပင် - နှစ်သက်သလောက်
- ကြော်ပြီးသား ကြက်သား - ၃တုံးခန့်
- ငရုတ်သီးအလှော်မှုန့် - စားနိူင်သလောက်
- အရသာမှုန့် - လက်ဖက်ရည်ဇွန်း တစ်ဝက်
ပြင်ဆင်ပုံ
- သရက်သီး ဆားရည်စိမ်ပြီးသားကို ရေဆေးပြီး ဓါးပြတ်ပြတ်နှင့် လိုက်ပေါက်ပေးပါ
- သရက်သီး တစ်လုံးလုံး အပြည့်လိုက်ပေါက် ပြီးတာနဲ့ ခပ်ပါးပါးလေးတွေ လှီးချပေးပါ
- ကြက်သွန်နီကို အခွံခွာကာ ရေဆေးပြီး ခပ်ပါးပါး လှီးပေးထားပါ
- ကြော်ထားသော ကြက်သားကို အသားမွထားပါ
- အားလုံးအဆင်သင့်ဖြစ်တာနဲ့ ဇလုံ သို့မဟုတ် ငရုတ်ဆုံကြီးကြီးထဲမှာ နံနံပင်မှလွဲပြီး ပါဝင်ပစ္စည်း အားလုံးကို ထည့်ပြီး ထောင်းပေးပါ
- အရမ်းညက်နေအောင် ထောင်းစရာ မလိုဘဲ သမသွားအောင် ခပ်ဖွဖွလေး ထောင်းပေးကာ နံနံပင်ထည့်မွှေပေးပြီးပါက ကြက်ကြော်ထောင်းလေး ရပါပြီ
- သရက်သီး ဆားရည်စိမ်က အငံပါပြီးသား ဖြစ်တဲ့အတွက် အငံထည့်စရာ မလိုပါ
- ပန်းကန်တခုထဲ ပြောင်းထည့်ပေးပြီး ချဉ်ငံစပ် အရသာ ပါဝင်တဲ့ သရက်သီးဆားရည်စိမ် ကြက်သားကြော် ထောင်းလေးကို ထမင်းပူပူလေးနှင့် စားသုံးရန် ပြင်ပေးနိူင်ပါပြီ။
No comments:
Post a Comment