Monday, 19 June 2017

သရက်သီးဆားရည်စိမ် ကြက်သားကြော်ထောင်း


အရင်နှစ်က ထည့်ထားတဲ့ သရက်သီးဆားရည်လေးတွေ ဒီနှစ်သရက်သီး မပေါ်ခင် ထုတ်ပြီးသုပ်စားလိုက် ထောင်းစားလိုက်နဲ့ ဒီနေ့တော့ ကြက်ကြော်တွေ ပိုနေတာနဲ့ ရောသမမွှေကာ ထောင်းစားဖြစ်ပြန်ပါတယ် ထမင်းဝိုင်းအတွက် အအီပြေ ဟင်းတမယ်အတွက် ထောင်းနည်းလေး မျှဝေလိုက်ပါတယ်။

ပါဝင်ပစ္စည်းများ
  • သရက်သီး ဆားရည်စိမ် - အနေတော် ၂လုံး
  • ကြက်သွန်နီ - အနေတော် တလုံး
  • နံနံပင် - နှစ်သက်သလောက်
  • ကြော်ပြီးသား ကြက်သား - ၃တုံးခန့်
  • ငရုတ်သီးအလှော်မှုန့် - စားနိူင်သလောက်
  • အရသာမှုန့် - လက်ဖက်ရည်ဇွန်း တ၀က်
ပြင်ဆင်ပုံ
  • သရက်သီး ဆားရည်စိမ်ပြီးသားကို ရေဆေးပြီး ဓါးပြတ်ပြတ်နှင့် လိုက်ပေါက်ပေးပါ
  • တလုံးလုံး အပြည့်လိုက်ပေါက်ပြီးတာနဲ့ ခပ်ပါးပါးလေးတွေ လှီးချပေးပါ
  • ကြက်သွန်နီကို အခွံခွာကာ ရေဆေးပြီး ခပ်ပါးပါး လှီးပေးထားပါ
  • ကြော်ထားသော ကြက်သားကို အသားမွှာထားပါ
  • အားလုံးအဆင်သင့်ဖြစ်တာနဲ့ ဇလုံ သို့မဟုတ် ငရုတ်ဆုံကြီးကြီးထဲမှာ နံနံပင်မှလွဲပြီး ပါဝင်ပစ္စည်း အားလုံးကို ထည့်ပြီး ထောင်းပေးပါ
  • အရမ်းညက်နေအောင် ထောင်းစရာမလိုဘဲ သမသွားအောင် ခပ်ဖွဖွလေး ထောင်းပေးကာ နံနံပင်ထည့်မွှေပေးပြီးပါက ကြက်ကြော်ထောင်းလေး ရပါပြီ
  • သရက်သီး ဆားရည်စိမ်က အငံပါပြီးသားဖြစ်တဲ့အတွက် အငံထည့်စရာမလိုပါ
  • ပန်းကန်တခုထဲ ပြောင်းထည့်ပေးပြီး ချဉ်ငံစပ်အရသာပါဝင်တဲ့ သရက်သီးဆားရည်စိမ် ကြက်သားကြော် ထောင်းလေးကို ထမင်းပူပူလေးနှင့် စားသုံးရန် ပြင်ပေးနိူင်ပါပြီ။

No comments:

Post a Comment