Monday, 27 February 2017

လယ်တော ဟင်းရည်သောက်



ဒီနေ့တော့ ခြံထဲက ပန်းအိုးလေးတွေနဲ့ စိုက်ထားတဲ့ အသီးအရွက်တွေခူးပြီး ချဉ်ရည်ဟင်းလေး တမယ်ချက်ပါမယ် ငယ်ငယ်က မိသားစုတွေ ခြံထဲသွားတိုင်း ချက်စားဖြစ်တဲ့ ဟင်းလေးဖြစ်ပြီး အသားမပါပေမဲ့ စားမိန်ဟင်းလေးဖြစ်လို့ ချက်စားကြည့်စေချင်ပါတယ်။

ပါဝင်ပစ္စည်းများ

  • မုန်​ညှင်းစိမ်း - ၅ပင်ခန့် 
  • ရုံးပတေသီး - ၁၅တောင့်ခန့် 
  • ပန်းဂေါ်ဖီ - အနေတော် ၃ခက်
  • ကြက်​သွန်​နီ - အနေတော် ၁လုံး
  • ကြက်သွန်ဖြူ - ခပ်ကြီးကြီး တမွှာ
  • ချင်း​ - လက်တဆစ်ခန့်
  • ငရုတ်​သီးစိမ်း - စားနိူင်လောက်
  • နံနံပင်​ - အနည်းငယ်
  • မန်​ကျည်းသီးမှည့်​ - အနည်းငယ်
  • ဆား - လက်ဖက်ရည်ဇွန်း တဇွန်း 
  • အရသာမှုန့် - လက်ဖက်ရည်ဇွန်း တဇွန်း
  • ငံပြာရည် - ထမင်းစားဇွန်း၂ဇွန်း
ပြင်ဆင်ပုံ
  • မုန်​ညှင်းရွက်​​တွေကို နုတဲ့အပိုင်း​လေး​တွေကို အရင်ရွေးပြီး အနေတော် လှီးဖြတ်ပေးထားပါ
  • အနည်းငယ်ရင့်သော အရိုးတံရဲ့ အ​ပေါ်​ကြော​တွေကို ခွာပလိုက်ပြီး နုတဲ့အပိုင်း​လေး​တွေကို ရွေးယူပြီး လှီးပေးပါ
  • ပြီးတာနဲ့ ရေ​ဆေးပြီး ရေစစ်​ထားပေးပါ
  • ပန်းဂေါ်ဖီကို ရေဆေးပြီး လှီးထားပါ
  • ကြက်သွန်နီကို ခပ်ပါးပါး လှီးထားပါ
  • ကြက်သွန်ဖြူကို ညက်နေအောင် ထောင်းထားပါ
  • မန်ကျည်းသီးမှည့်ကို ရေတထပ်ဆေးပြီး ရေမြုပ်အောင်ထည့်ပြီး ရေစိမ်ထားပါ
  • ချင်းကို အခွံခွာပြီး ခပ်ပါးပါး ရှည်ရှည်လေးတွေ လှီးထားပါ
  • ရုံးပတေသီးကို အတောင့်လိုက် ရေဆေးကာ ထက်ဝက်ပိုင်းပြီး လှီးထားပါ
  • နံနံပင်ကို ရေဆေးထားကာ အနေတော် လှီးထားပါ
  • ငရုပ်သီးစိမ်းကို ရေဆေးပြီး အတောင့်လိုက်ထားပါ
  • အားလုံးအဆင်သင့် ဖြစ်တာနဲ့ ဇောက်နက်သော အိုးထဲမှာ ပန်းဂေါ်ဖီ မုန်​ညှင်းရွက်​​နှင့်အတူ ပါးပါးလှီးထားတဲ့ ကြက်​သွန်​နီ ထောင်းထားသော ကြက်​သွန်​ဖြူ  ဆား အရသာမှုန့်တို့ကို ထည့်နယ်ပေးပါ 
  • ပြီးတာနဲ့ ရေအနည်းငယ်ထည့်ကာ အိုးအဖုံးအုပ်ပြီး အပူ​ပေးပါ
  • အဖုံးကို မဖွင့်​ဘဲ အပူငွေ့နဲ့ ပန်းဂေါ်ဖီနှင့် မုန်​ညှင်း​တွေကို နူးအိ​အောင်​ လုံးချက်​ပေးပါ
  • အိုးထဲမှ မုန်​ညှင်း​များ အ​ရောင်​​ပြောင်းပြီး နူးအိ​လာတာနဲ့ ငရုတ်သီးစိမ်းနှင့် ရေအနည်းငယ် ထည့်ပေးပါ
  • ရေဆူလာတာနဲ့ ရေစိမ်ထားသော မန်ကျည်းရည်ကို ထည့်ပေးပါ
  • ရေကို အနေတော်ထည့်ပေးကာ အရသာမြည်းပြီး လိုသလို ပြင်ပေးပြီး လှီးထားသော ရုံးပတေသီးများကို ထည့်ပေးပါ
  • ရုံးပတေသီး ထည့်ပေးပြီး ဟင်းရည်အိုးကို ၃မိနစ်လောက် ပွက်ပွက်ဆူစေပြီး မီးပိတ်ပေးပါ
  • စားခါနီး ဟင်းပွဲမပြင်ခင် ပူနေသော ဟင်းရည်ထဲသို့ နံနံပင် ထည့်မွှေပေးကာ ချိုချို ချဉ်ချဉ်​ စပ်စပ် ပူပူရှိန်း​ရှိန်းလေးနဲ့ မွှေးပြီးအရသာကောင်းလွန်းတဲ့ လယ်တောဟင်း  အရည်သောက်ဆမ်းကို စားသုံးရန် ပြင်ပေးနိူင်ပါပြီ။

No comments:

Post a Comment