ကျမနေတဲ့ Rockhampton မြို့လေးက ပူပူလိုက်တာဆိုတာ မပြောပါနဲ့တော့ ထိုင်နေရင်းနဲ့တောင် ချွေးတွေ တစ်ပြိုက်ပြိုက် ကျလာပြီး အလိုလိုနေရင်း လူက အရမ်းပင်ပန်းလာပါတယ် ဒီတော့ အစားစားချင်စိတ်ကိုလဲ ပျောက်စေခဲ့ပါတယ်။
ဒီတော့ကာ ခံတွင်းလိုက်စေမဲ့ အပူကို အပူနဲ့ငြိမ်းရလေအောင် သိပ်စပ်လွန်းတဲ့ ဟင်းလေးတွေ စားချင်လာတော့ ငရုတ်သီးစိမ်းနဲ့ ပုဇွန်ကို ခပ်စပ်စပ်လေး ချက်မိပြန်ပါတယ် ဒီဟင်းလေး ချက်မိတိုင်း ထမင်းမိန်တတ်လွန်း တာကြောင့် ထမင်းကို အရင်ရက်တွေကထက်စာရင် ပိုပြီးချက်မိတာတော့ အမှန်ပါဘဲ။
ပါဝင်ပစ္စည်းများ
- ပုဇွန်ခေါင်းချိုး - 300 g
- ငရုတ်သီးစိမ်း - စားနိူင်သလောက်
- ဆား - လက်ဖက်ရည်ဇွန်း တစ်ဝက်
- ငါးငံပြာရည် - ထမင်းစားဇွန်း ၃ဇွန်း
- အရသာမှုန့် - လက်ဖက်ရည်ဇွန်း တစ်ဝက်သာသာ
- နနွင်းမှုန့် - လက်ဖက်ရည်ဇွန်း သုံးပုံတစ်ပုံ
- ဆီ - ထမင်းစားဇွန်း ၂ဇွန်းခန့်
- ကြက်သွန်နီ - အနေတော် တစ်လုံး
ပြင်ဆင်ပုံ
- ပုဇွန်ကို ရေဆေးပြီး အမြှီးနှင့်ခေါင်းဖြတ်ကာ ကြောဖက်မှ အမည်းကြောင်းကို ဖယ်ပေးပါ
- သန့်စင်ပြီးသော ပုဇွန်ကို နနွင်းမှုန့်အနည်းငယ် ဆားအနည်းငယ်နှင့် နယ်ထားပါ
- ငရုတ်သီးစိမ်းကို အတောင့်လိုက် ရေဆေးပြီး မထူမပါး လှီးပေးထားပါ
- ကြက်သွန်နီကို အခွံခွာပြီး ရေဆေးကာ ခပ်ပါးပါး လှီးပေးထားပါ
- အားလုံး အဆင်သင့် ဖြစ်တာနဲ့ ဒယ်အိုးကို ဆီထည့်ပြီး အပူပေးပါ
- ဆီပူလာတာနဲ့ နနွင်းမှုန့် အနည်းငယ်ထည့်ပြီး ကြက်သွန်နီကို ထည့်ကြောာပါ
- နွမ်းရုံလေး ကြော်ပြီးတာနဲ့ ငရုတ်သီးစိမ်းကို တမိနစ်လောက် ထည့်မွှေပါ
- ပြီးတာနဲ့ ပုဇွန်ကို အရောင်ပြောင်းသွားတဲ့အထိ ထည့်ကြော်ပါ
- ပုဇွန်အရောင်ပြောင်းတာနဲ့ အရသာမှုန့်နှင့် ငံပြာရည်ကို ထည့်ကြော်ပြီး ရေမြုပ်အောင် ထည့်ပေးပါ
- ရေပွက်ပွက်ဆူလာပါက အရသာမြည်း လိုသလို ပြင်ပေးကာ ရေအနေတော်လောက် ရပြီဆို မီးပိတ်ပေးပြီး ထမင်းပူပူလေးနဲ့ ရှူးရှူးရှဲရှဲ စားသုံးနိူင်ပါပြီ။
No comments:
Post a Comment